LEVITIKAS 5:1 - Lai (Hakha) Common Language Bible 2006

¹ “Ahohmanh nih thil a hmuhmi ah siseh, a hngalhmi ah siseh, hngaltu a si i zapi hmaiah chiatsertertu aw a theih zongah a chim duh lo ahcun, a sual a ṭhat lonak kha amah nih a in lai.

LEVITIKAS 5:1 ပူးပေါင်းရင်းမြစ်များ

1 SIANGPAHRANG 22:16

Sihmanhsehlaw siangpahrang nih a thawh i, “Biatak dah ti lo cu Bawipa min in ka sin i zeihmanh na chim lo awkah voi zeizat dah bia kan kamter lai?” tiah a ti.

1 SIANGPAHRANG 8:31

“Mi pakhatkhat nih a innpa cungah a sual i chiat serter a si i a chiatsernak cu hi inn chung na biakṭheng hmaiah hin chimter a si ahcun,

2 CHANRELNAK 18:15

Sihmanhsehlaw siangpahrang nih a thawh i, “Biatak dah ti lo cu Bawipa min in ka sin i na chim lo awkah voi zeizat dah bia kan kamter lai?” tiah a ti.

SALM 38:4

Ka sualnak tilet chungah ka pil i ka sualnak cu an rih caah tangah an ka hnuh.

EXODUS 22:11

Bawipa hmai i chiatsernak nih cu thilri cu amah nih a fir maw fir lo ti kha a khiah lai. A fir lo a si ahcun, a ngeitupa kha a sung lai i a cham a herh lai lo;

PHUNGTHLÛKBIA 29:24

Mifir hawikom a simi cu amah le amah kha a ral cu a si ko, a hmaanmi kha a chim ahcun dantatnak a hmuh lai, a chim lo ahcun Pathian nih chiat a serh lai.

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

ISAIAH 53:11

Fahnak a in hnuah lunglawmhnak a hmuh ṭhan lai, ka inmi cu pakpalawng a si lo, ti kha a hngalh lai. Amah cu a dingmi ka sal a si; mi tampi nih an in dingmi dantatnak cu a in lai i annih cu zumh awk tlak a simi ka mi ah a ser hna lai.

JEREMIAH 23:10

Zeicahtiah ram cu va cung pa duhmi in a khat i Anmah ruangah cun vawlei cu a ro dih i Ramlak ram hno vialte cu an car dih. An zulhmi lam cu ṭhat lonak a si i an ṭhawnnak hna cu a ning loin an hman.

EZEKIEL 18:20

A thi ding cu midang si loin a sualmi kha a si lai; a fa nih a pa sualnak kha aa hrawm lai lo, a pa zong nih a fapa sualnak kha aa hrawm lai lo. Miding mi nih a dinnak theitlai kha a hmuh lai i miṭhalo nih a ṭhat lonak theitlai kha a zun ve ko lai.

EZEKIEL 18:4

A nungmi paoh cu keimah ta an si dih, an hringtu nu le pa si hna seh, an fale si hna seh, an dihlak in ka ta an si. A sualmi paoh cu a thi ko lai.

LEVITIKAS 17:16

Sihmanhsehlaw a suk hna lo i a taksa aa kholh lo ahcun a mawhnak cu amah nih a in lai,” tiah a ti.

LEVITIKAS 19:8

a eitu paoh nih a ṭhat lonak cu a in lai, zeitintiah Bawipa thil thiang pakhat a thurhhnawmh a si; cu pa cu a mi hna sinin hlonh a si lai.

LEVITIKAS 20:17

“Mipa pakhatkhat nih amah far, amah pa fanu maw amah nu fanu maw a lak i pa nih nu a pumlawnnak kha a hmuh i nu nih pa a pumlawnnak kha a hmuh ahcun, mah cucu ningzah awk thil a si, an mi hna mithmuh ah hlonh an si lai; pa nih a farnu pumlawnnak kha a hlim a si caah a dantatnak cu amah nih a in lai.

LEVITIKAS 4:2

timh ciammam si loin sualnak a tuah i Bawipa nawlbia a buarmi hna cu a tanglei nawlbia hi an zulh a hau lai, va ti hna.

LEVITIKAS 5:15

“Ahohmanh nih phung a buar i Bawipa thil a thiangmi pakhatkhat cungah hngalh loin a sual ahcun, Bawipa sin i phungbuar thawinak caah tuurun chungin tuukawng pakhat dotla a rak put lai; hmunthiang i shekel ning khan ngun shekel zeizat man a si kha na tuak lai; mah cucu phungbuar thawinak a si.

LEVITIKAS 5:17

“Ahohmanh nih Bawipa nih tuah lo awk i nawl a pekmi tuahnak in a sual ahcun, a hngalh lo hmanh ah, a mawh ko, a ṭhat lonak cu amah nih a in lai.

LEVITIKAS 7:18

A daihnak thawinak pekchanhmi sa cu a ni thumnak ni i ei a si ahcun, a pechantu cu cohlan a si lai lo, a pechantu zong cu pekchanh ah relpiak a si lai lo; thil fihnung a si lai i a eitu nih a ṭhat lonak cu a in lai.

NAMBAR 9:13

Sihmanhsehlaw a thiang a si i khual a tlawng lo nain lanhtak puai ulh loin a um menmi cu, cu mi cu a mi hna sinin hlonh a si lai, zeicahtiah Bawipa sin pekchanhnak cu a caan khiahmi te ah khan a pek lo caah; mah mi nih cun a sualnak cu a phorh ko lai.

MATTHAI 26:63

Sihmanhsehlaw Jesuh cu dai tein a um ko. Cun Tlangbawi Ngan cu a hun i nolh ṭhan i, “A nungmi Pathian min chalh in, na chim hrimhrim lai, kan ti: Pathian fapa Messiah cu na si maw si lo, chim,” tiah a ti.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

BIACEIHTU 17:2

Cun amah nih a nu sinah, “Ngun phar thong khat le za khat an in lakpiak i cu kong i chiat na ser i ka hna theih ah na chimmi kha, zohhmanh, ngun kha ka sinah a um ko; keimah nih ka lak,” tiah a ti. Cun a nu nih, “Ka fapa cu Bawipa nih thluachuah pe ko seh,” tiah a ti.