LEVITIKAS 4:31 - Lai (Hakha) Common Language Bible 2006

³¹ Cun a thau vialte cu daihnak thawinak chungin a thau lak a si bang khan a lak dih lai i tlangbawi nih biakṭheng cungah Bawipa ca i rimthaw ah a khangh lai; cun tlangbawi nih a caah remnak a tuahpiak lai i ngaihthiam a si lai.

LEVITIKAS 4:31 ပူးပေါင်းရင်းမြစ်များ

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

JOB 42:8

Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.

EXODUS 29:18

Tuukawng cu a ning piin raithawinak caah biakṭheng cungah khan na khangh lai. Hi thawinak hi Bawipa ca i khanghmi thawinak a si; mei in khanghmi thawinak, Bawipa duhmi rimhmui thawinak a si.

ISAIAH 42:21

Bawipa cu mi khamh a duhmi Pathian a si, cucaah a cawnpiaknak kha upat hna seh, ti a duh.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

LEVITIKAS 1:13

sihmanhsehlaw a chungril le a ke hna cu ti in a ṭawl hna lai. Cun tlangbawi nih a dihlak te cun a pek lai i biakṭheng cungah a khangh lai; khangh thawinak, mei in thawinak, Bawipa caah rimthaw a si lai.

LEVITIKAS 1:17

a thlaki a thlongh hna lai, sihmanhsehlaw a pum cu a cheu lai lo. Cun tlangbawi nih biakṭheng cungah cun, mei cung thing cungah cun a khangh lai; mah cucu khangh thawinak, mei in thawinak, Bawipa caah rimthaw cu a si.

LEVITIKAS 1:9

sihmanhsehlaw a chungril hna le a ke hna cu ti in an ṭawl hna lai. Cun tlangbawi nih a dihlak in khangh thawinak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 14:18

tlangbawi kut chungah a tang rihmi chiti cu thianh awk a simi lu ah khan a thuh lai. Cun tlangbawi nih amah caah cun Bawipa hmaiah remnak a serpiak lai.

LEVITIKAS 15:15

tlangbawi nih cun a thawi hna lai, pakhat cu sual thawinak caah, pakhat cu khangh thawinak caah; cun tlangbawi nih amah caah cun a thil chuakmi caah khan Bawipa hmaiah remnak a serpiak lai.

LEVITIKAS 19:22

Cun tlangbawi nih amah cu phungbuar thawinak tuukawng cun Bawipa hmaiah sualnak a tuahmi caah cun remnak a serpiak lai i a tuahmi sualnak cu ngaihthiam a si lai.

LEVITIKAS 2:2

Aaron fapa hna tlangbawi hna sinah khan a rak put lai. Cun cu chung cun changvut dipmi le chiti cu a frankinsen vialte he pei khat in a lak lai; cun tlangbawi nih cun mah hi cu hngalh camcinnak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 2:9

Cun tlangbawi nih changvut thawinak chung cun hngalh camcinnak kha a lak lai i biakṭheng cungah a khangh lai; mah cucu mei in thawinak, Bawipa caah rimthaw a si lai.

LEVITIKAS 4:19

Cun a thau vialte cu a lak dih lai i biakṭheng cungah a khangh lai.

LEVITIKAS 4:26

Cun a thau vialte cu biakṭheng ah a khangh hna lai, daihnak thawinak pekchanhnak sathau bantuk khan; cu bantuk cun tlangbawi nih a sualnak caah cun remnak a tuahpiak lai i ngaihthiam a si lai.

LEVITIKAS 4:35

Cun a thau vialte cu daihnak thawinak ca i pekchanhmi tuufa chungin a thau lak a si bantuk khan a lak lai i, tlangbawi nih biakṭheng cungah, Bawipa sinah mei in pekchanhmi hna cungah khan, a khangh lai. Cun tlangbawi nih sualnak a tuahmi caah khan remnak a serpiak lai i ngaihthiam a si lai.”

LEVITIKAS 5:10

Cun, pahnihnak cu a phunglam ning in khangh thawinak caah a thawi lai i sualnak a tuahmi caah khan tlangbawi nih remnak a serpiak lai i ngaihthiam a si lai.

LEVITIKAS 5:6

sualnak a tuahmi caah khan Bawipa sinah sual thawinak a rak put lai, tuurun chungin a nu, tuufa siseh meheh siseh, sual thawinak caah a si lai; cun tlangbawi nih a sualnak caah remnak a serpiak lai.

LEVITIKAS 8:21

Cun a chungril le a ke hna cu ti in a ṭawl hna i Moses nih tuukawng cu a pum in biakṭheng cungah khangh thawinak caah, rimthaw Bawipa sin i mei in thawinak caah, a khangh, Bawipa nih Moses nawl a pek bang khan.

NAMBAR 15:25

Palhnak a si ca i Bawipa sinah mei in thawinak le Bawipa hmaiah an sual thawinak, an palhnak caah an rak put cang caah, tlangbawi nih Israel mibu ningpi caah cun remnak a ser lai i ngaihthiam an si lai.

MATTHAI 3:17

Cun vancung in aw pakhat a rung thang i, “Amah hi ka dawtmi ka Fapa a si, Amah cungah hin ka lung a tling,” tiah a ti.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 10:12

Asinain Khrih nih cun raithawinak kha sualnak caah voi khat a ser i cucu zungzal ca in a za ko, cu hnuah Pathian orhlei kamah khan a ṭhu.

HEBRU 10:14

Voi khat raithawinak in an sualnak thianhpiak a simi hna cu zungzal ca in a tlingmi ah a ser hna.

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.