LEVITIKAS 4:3 - Lai (Hakha) Common Language Bible 2006

³ Sualnak a tuahmi cu Tlangbawi Ngan a si i mizapi cungah mawhnak a tlunter a si ahcun, cawtum no dotla pakhat Bawipa sinah a sualnak hna caah cun a thawi lai.

LEVITIKAS 4:3 ပူးပေါင်းရင်းမြစ်များ

2 CHANRELNAK 29:21

Cun ram le hmunthiang le Judah ca i sual thawinak caah cawtum pasarih, tuukawng pasarih, tuufa pasarih le mehehtum pasarih an rak put hna. Cun Aaron fapa tlangbawi hna kha Bawipa biakṭheng cung i pekchanh awkah nawl a pek hna.

EZRA 8:35

Khi caan ah khan, sal taannak in a kir cangmi, sal chuak pawl nih khan Israel Pathian sinah cun khangh thawinak, Israel mi vialte caah cawtum hleihnih, tuukawng sawm kua le paruk, tuufa sawm sarih le pasarih, cun sual thawinak caah mehehtum hleihnih an pekchanh; mah vialte hi Bawipa sin i pekchanhmi khangh thawinak a si.

EXODUS 29:14

Asinain a sa le a phaw le a chungthin cu riahhmun lengah khan na khangh hna lai. Hi thawinak hi sual ngaihthiamnak thawinak a si.

EXODUS 29:21

Biakṭheng cung i a ummi thi le thuhnak chiti kha naa lak hna lai i Aaron le a thilpuan kha na theh hna lai, Aaron fapa hna le an thilpuan zong kha na theh fawn hna lai. Aaron le a fapa hna le an thilthuam hna cu, cuticun thianh an si lai.

EXODUS 29:7

Cun thuh awk chiti kha na lak lai i a lu ah khan na toih lai i amah cu na thuh lai.

EXODUS 30:10

Kum khat ah voi khat in Aaron nih sual ngaihthiamnak thawinak kha a ki cungah hin a tuah lai. Sualnak ca le sual ngaihthiamnak ca i thawimi saram thisen khan Aaron nih hi biakṭheng caah hin ngaihthiamnak a hmuhpiak lai. Hmailei i a ra ding chan zongah hihi tuah hrimhrim awk a si lai. Hi biakṭheng cu a zarh hringhranmi biakṭheng a si, Bawipa sin i pekchanhmi biakṭheng a si.”

EZEKIEL 40:39

Kutka innleng ah cun a kam veve ah cabuai pahnih an um i cuka ah cun pumpek thawinak le sual thawinak le phungbuar thawinak kha an thah hna.

EZEKIEL 43:19

Levi tlangbawi, Zadok tefa hna lawng kha ka rian ṭuan awkah ka pawngah an ra lai, tiah Bawipa Pathian nih a ti. Annih cu sual thawinak caah cawtum no pakhat na phawt hna lai;

EZEKIEL 44:27

Hmun Thiang Bik chung i rian ṭuan awkah chungchin tual ah khan an luh tikah, an sual thawinak kha an pekchanh lai, tiah Bawipa Pathian nih a ti.

LEVITIKAS 1:10

“Khangh thawinak ca i a pekchanhmi cu tuurun chungin siseh, meheh run chungin siseh a si ahcun, a tum dotla a si lai;

LEVITIKAS 1:3

“A pekchanhnak cu cawrun chungin khangh thawinak a si ahcun, a tum do a tlami kha pek a si lai; Bawipa hmaiah amah cu cohlan a si nakhnga tonnak thlam innka ah cun a pek lai;

LEVITIKAS 16:11

“Aaron nih amah ca i sual thawinak ah cawtum cu a chuahpi lai i amah ca le a innchung khar caah remnak a ser lai; cawtum cu amah ca i sual thawinak caah a thah lai.

LEVITIKAS 16:3

Sihmanhsehlaw hi bangin Aaron nih hmunthiang chungah, sual thawinak caah cawtum no pakhat le khangh thawinak caah tuukawng pakhat he tiah,

LEVITIKAS 16:5

Cun Israel mibu sin cun meheh tum pahnih sual thawinak caah, tuukawng pakhat khangh thawinak caah a lak lai.

LEVITIKAS 16:6

“Cun Aaron nih cawtum cu amah caah sual thawinak caah a thawi lai i amah le a innchungkhar caah remnak a ser lai.

LEVITIKAS 4:14

annih nih an tuahmi sualnak cu a langh tikah, an zapi in sual thawinak caah cawtum no pakhat an thawi lai i tonnak thlam hmaiah an rak put lai.

LEVITIKAS 4:23

cu sualnak a tuahmi cu a hngalh ahcun, aa thawinak caah meheh pakhat, a pa dotla, a rak put lai.

LEVITIKAS 4:28

sualnak a tuahmi kha a hngalh tikah aa thawinak caah meheh pakhat, a nu dotla, a tuahmi a sualnak caah cun a rak put lai.

LEVITIKAS 4:5

Cun chiti thuhmi tlangbawi nih cawtum thi tlawmpal cu a lak lai i tonnak thlam ah a rak put lai;

LEVITIKAS 5:6

sualnak a tuahmi caah khan Bawipa sinah sual thawinak a rak put lai, tuurun chungin a nu, tuufa siseh meheh siseh, sual thawinak caah a si lai; cun tlangbawi nih a sualnak caah remnak a serpiak lai.

LEVITIKAS 6:18

Aaron tefale hna chungin pa paohpaoh nih an ei lai; Bawipa sinah mei in thawinak hna chungin nan tefa chan tiangin zungzal nan vo a si lai; cu thil a tawngmi hna paoh cu thleidan an si lai.”

LEVITIKAS 8:12

Cun thuhnak chiti cu tlawmpal in Aaron lu ah a toih i a thuh i a thianter.

LEVITIKAS 9:2

Aaron sinah, “Cawtum no pakhat in sual thawinak caah, cun khangh thawinak caah tuukawng pakhat, dotla veve, la hna law, Bawipa hmaiah thawi hna.

LEVITIKAS 9:3

Cun Israel mi hna sinah, ‘Sual thawinak caah meheh tum pakhat le, khangh thawinak caah cawfa pakhat le tuufa pakhat, kum khat veve a si i dotla veve a simi le,

NAMBAR 16:22

Cun an bawk i, “Maw Pathian, titsa vialte i thlarau hna Pathian, mi pakhat nih a sual caah, nangmah cu mi zapi vialte cungah hin na thin a hung lai maw?” tiah an ti.

NAMBAR 8:8

Cun cawtum no pakhat le chiti he cawhmi changvut dip a changvut thawinak kha la hna seh, cun cawtum no a dang pakhat sual thawinak caah na lak lai.

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

HEBRU 5:3

Cun amah zong cu tlin lonak a ngeimi a si ve caah cun, midang sualnak ca hrimhrim zongah khan raithawinak a tuah a hau.

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.