LEVITIKAS 4:27 - Lai (Hakha) Common Language Bible 2006

²⁷ “Zaran chungin pakhatkhat nih Bawipa nih tuah lo awk i nawl pekmi thil pakhatkhat tuah in, hngalh lo i sualnak a tuah i a mawh a si ahcun,

LEVITIKAS 4:27 ပူးပေါင်းရင်းမြစ်များ

SALM 19:13

Lenglang sualnak chung zongah ka luh nakhnga lo ka kham law cu sualnak cu keimah uktu siter hna hlah; cu tikah ṭhatnak leiah mitling ka si lai i sualnak ṭihnung chungin ka luat lai.

EXODUS 12:49

Cu phunglam nih cun Israel mi taktak zong kha a nenh hna i nan sin i khua a sami ramdangmi zong kha a nenh hna,” tiah a ti.

EZEKIEL 45:17

cun an bawi cu khangh thawinak caah khan le rawl thawinak caah khan le thlet thawinak caah khan, thla thar ah siseh, sabbath ah siseh, Israel mi nih an ulhmi puai caan paohpaoh ah siseh, amah cu a ruatkhangtu a si lai. Israel mi ca i remnak sernak caah a herhmi sual thawinak le rawl thawinak le khangh thawinak kha amah hrimhrim nih a thawh hna lai.

EZEKIEL 45:20

Thla sarih thla ah cu bantuk ṭhiamṭhiam cun nan tuah lai i cuticun biakinn caah remnak nan ser lai.

LEVITIKAS 4:13

“Israel mi bu nih an bupi in hngalh loin sualnak an tuah i cu thil cu zapi hmuh lomi thil a si i Bawipa nih tuah lo awk tiin nawl a pekmi pakhatkhat cu an tuah i an mawh ahcun,

LEVITIKAS 4:2

timh ciammam si loin sualnak a tuah i Bawipa nawlbia a buarmi hna cu a tanglei nawlbia hi an zulh a hau lai, va ti hna.

LEVITIKAS 4:22

“Uktu pakhatkhat nih sualnak a tuah tikah, Bawipa a Pathian nih tuah lo awk i nawl a pekmi thil pakhatkhat kha hngalh loin a tuah i a mawh tikah,

LEVITIKAS 5:17

“Ahohmanh nih Bawipa nih tuah lo awk i nawl a pekmi tuahnak in a sual ahcun, a hngalh lo hmanh ah, a mawh ko, a ṭhat lonak cu amah nih a in lai.

LEVITIKAS 9:15

Cun mizapi thawinak cu a pek; sual thawinak meheh, mizapi ca i a simi cu, a lak i a thah i sualnak caah a thawi, sual thawinak hmasa bik bang khan a tuah.

NAMBAR 15:16

Nanmah le nan sin i a ummi phundang mi hna caah phungbia aa khat phunglam aa khat a si lai,” tiah a chimh.

NAMBAR 15:22

“Sihmanhsehlaw nan palh i Bawipa nih Moses sinah a chimmi nawlbia vialte,

NAMBAR 15:27

“Mi pakhatkhat nih hngalh loin a sual sual ahcun, sual thawinak caah meheh a nu kum khat a timi a pekchanh lai.

NAMBAR 15:29

Hngalh loin palhnak a tuahmi caah phungbia pakhat lawnglawng nan ngei lai, amah cu Israel mi taktak a si ah siseh, an lak i a pemmi khual a si ah siseh.

NAMBAR 5:6

“Israel mi cu va chim hna, Pa nih siseh nu nih siseh a minung hawi cungah ṭhat lonak a tuah i cu a tuahmi thawngin Bawipa he bia i kamnak kha a rawk i a tuahtu nih cun a sualnak kha a hngalh tikah,