LEVITIKAS 4:18 - Lai (Hakha) Common Language Bible 2006

¹⁸ Cun sathi cu tlawmpal in tonnak thlam chungah a ummi biakṭheng ki ah cun a thuh lai, Bawipa hmaika ah cun; cu sathi a taangmi cu tonnak thlam innka ah a ummi khangh thawinak biakṭheng hram ah cun a thlet lai.

LEVITIKAS 4:18 ပူးပေါင်းရင်းမြစ်များ

2 CHANRELNAK 29:22

Cucaah cawtum kha an thah hna i tlangbawi nih an thi kha an lak i biakṭheng kha an theh; cun tuukawng kha an thah hna i an thi khan biakṭheng kha an theh; cun tuufa kha an thah hna i an thi khan biakṭheng kha an theh.

EXODUS 29:12

Cawtum thi cu tlawmpal in na kutdong in na tawh lai i biakṭheng ki ah khan na neh hna lai. Cun a taangmi a thi kha cu biakṭheng hram ah khan na thlet lai.

EXODUS 30:10

Kum khat ah voi khat in Aaron nih sual ngaihthiamnak thawinak kha a ki cungah hin a tuah lai. Sualnak ca le sual ngaihthiamnak ca i thawimi saram thisen khan Aaron nih hi biakṭheng caah hin ngaihthiamnak a hmuhpiak lai. Hmailei i a ra ding chan zongah hihi tuah hrimhrim awk a si lai. Hi biakṭheng cu a zarh hringhranmi biakṭheng a si, Bawipa sin i pekchanhmi biakṭheng a si.”

LEVITIKAS 4:25

Cun tlangbawi nih sual thawinak thisen cu tlawmpal in a kutdong in a tawh lai i khangh thawinak biakṭheng ki ah cun a thuh hna lai i a tangmi a thi cu khangh thawinak biakṭheng hram ah cun a thlet lai.

LEVITIKAS 4:30

Cun tlangbawi nih a thi cu tlawmpal in a kutdong in a lak lai i khangh thawinak biakṭheng ki ah khan a thuh hna lai i a taangmi a thi cu biakṭheng hram ah cun a thlet lai.

LEVITIKAS 4:34

Cun tlangbawi nih sual thawinak sathi cu tlawmpal in a kutdong in a lak lai i khangh thawinak biakṭheng ki ah cun a thuh hna lai i a tangmi a thi cu biakṭheng hram ah a thlet lai.

LEVITIKAS 4:7

Cun tlangbawi nih tonnak thlam chung a ummi rimthaw zihmui biakṭheng ki hna ah cun, Bawipa hmaika ah, thi cu tlawmpal a thuh lai. Cun cawtum thi a taang mi cu tonnak thlam innka ah a ummi khangh thawinak biakṭheng hram ah cun a thlet lai.

LEVITIKAS 5:9

sual thawinak thisen cu tlawmpal in biakṭheng sirah a theh lai i thisen a taangmi cu biakṭheng hram ah a zor lai; mah cucu sual thawinak a si.

LEVITIKAS 6:30

Sihmanhsehlaw hmunthiang chungah remnak tuahnak ca i tonnak thlam chungah rak putmi thi an laknak sual thawinak cu, ei a si lai lo; mei in khangh a si lai.

LEVITIKAS 8:15

Moses nih a thah i a thi cu a lak i biakṭheng ki hna ah cun a velchum in a kutdong in a thuh, cun biakṭheng ca i remnak ser awkah biakṭheng cu a thianter i a hramah thi cu a thlet i a thianter.

LEVITIKAS 9:9

Cun Aaron fapa hna nih a thi kha a sinah an rak put i thi chungah cun a kutdong a hnim i biakṭheng ki ah cun a neh i thi cu biakṭheng hram ah cun a thlet;