LEVITIKAS 4:13 - Lai (Hakha) Common Language Bible 2006

¹³ “Israel mi bu nih an bupi in hngalh loin sualnak an tuah i cu thil cu zapi hmuh lomi thil a si i Bawipa nih tuah lo awk tiin nawl a pekmi pakhatkhat cu an tuah i an mawh ahcun,

LEVITIKAS 4:13 ပူးပေါင်းရင်းမြစ်များ

EZRA 10:19

An nupile cu hlawt awk kha bia an i kam i an phungbuar thawinak cu tuurun chungin tuukawng pakhat, an mawhnak caah cun a si.

SALM 19:13

Lenglang sualnak chung zongah ka luh nakhnga lo ka kham law cu sualnak cu keimah uktu siter hna hlah; cu tikah ṭhatnak leiah mitling ka si lai i sualnak ṭihnung chungin ka luat lai.

EZEKIEL 45:22

Cu ni ah cun nan bawi nih cun amah ca le mizapi ca i sual thawinak caah khan cawtum pakhat a thawh lai.

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

LEVITIKAS 16:5

Cun Israel mibu sin cun meheh tum pahnih sual thawinak caah, tuukawng pakhat khangh thawinak caah a lak lai.

LEVITIKAS 4:21

Cun cawtum cu riahbuk lengah a kalpi lai i a hmasa cawtum a khangh bantuk khan a khangh ve lai; mah hihi mi zapi ca i sual thawinak a si.

LEVITIKAS 5:17

“Ahohmanh nih Bawipa nih tuah lo awk i nawl a pekmi tuahnak in a sual ahcun, a hngalh lo hmanh ah, a mawh ko, a ṭhat lonak cu amah nih a in lai.

LEVITIKAS 6:4

pakhatkhat ah a sual i a mawh tikah, a firmi siseh, hramhram in a lakmi siseh, amah an kentermi siseh, thiltlau a hmuhmi siseh,

NAMBAR 15:22

“Sihmanhsehlaw nan palh i Bawipa nih Moses sinah a chimmi nawlbia vialte,

1 KORIN 11:27

Cu bantuk ve in Bawipa thangchiatnak dingin a chang cu nan ei i a hrai cu nan din ahcun, cu bantukin a tuahmi paoh cu Bawipa pum le thi cung i sualnak a tuahmi nan si.

1TIMOTE 1:13

Hlanah cun ka rak thangchiat i ka rak hrem i ka rak serhsat, asinain Pathian cu ka cungah zaangfahnak a ngei; cu bantukin ka rak tuah cu amah kha ka rak zumh lo i ka tuahmi cu zeidah a si ti awk ka rak hngalh lo caah a si.

JOSHUA 7:11

Israel nih a sual cang; nawl ka pekmi hna ka biakamnak cu an buar cang; pekchanhmi thil cu tlawmpal an i lak; an fir i lih an chim i an thil sinah an chiah hna.