LEVITIKAS 3:17 - Lai (Hakha) Common Language Bible 2006

¹⁷ Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”

LEVITIKAS 3:17 ပူးပေါင်းရင်းမြစ်များ

GENESIS 9:4

asinain sa kha a chung i thi a um lioah cun nan ei lai lo, zeicahtiah nunnak cu thi cu a si.

2 CHANRELNAK 29:35

Khangh thawinak tampi lengah cun daihnak thawinak ca i sathau le khangh thawinak ca i thletmi an um. Cuticun Bawipa inn i rianṭuannak cu umter ṭhan a si.

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

EXODUS 27:21

Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

EXODUS 28:43

Aaron le a fapa hna nih khan pumhnak thlam chung i an luh fate le hmunthiang chung i tlangbawi rian ṭuan awkah biakṭheng an fuh fate, cu tawhrolhtawi cu an i hruk hrimhrim lai, zeicahtiah lang sual hna hlah seh law thah si hna hlah seh ti caah a si. Hihi Aaron le a fapa hna caah a hmunmi phunglam a si.

EZEKIEL 33:25

Cucaah annih cu chim hna law, hihi Bawipa Pathian bia an si, tiah ti hna: Sa cu a thi he nan ei chih, siasal kha nan mit nan hlerhnawh hna i thisen kha nan chuah; cun nannih nih ram kha co awkah nan i ruahchih rih!

EZEKIEL 44:15

Sihmanhsehlaw Israel mi hna cu ka sinin lam an tlau tikah khan Levi miphun tlangbawi hna, Zadok innchungkhar chung mi a simi tu nih khan cun ka hmunthiang kha ṭha tein an zohkhenh; hi hna tu nih hin cun ka rian ṭuan awkah an ka naih lai. Anmah nih an ka tuammuai lai, sathau le sathi cu an ka pek lai, tiah Bawipa Pathian nih a ti.

EZEKIEL 44:7

Cu hleiah ramdangmi kha nan i ratpi fawn rih hna; annih cu lungthin in siseh pum in siseh cuarpartan lomi an si, ka hmunthiang ah khan nan dir i ka rawl kha a thau he a thi he nan ka pek tikah ka inn kha an thurhhnawmh i ka biakamnak kha pakpalawng ah nan ser.

LEVITIKAS 10:15

Thawimi phei le hninhmi ii cu Bawipa hmai i hninh thawinak ca i hninh awkah, mei in thawinak hna thau he nan rak put lai, mah cucu nangmah le na fapa hna caah, Bawipa nawl peknak bangin, zungzal in nan vo a si lai,” tiah a ti.

LEVITIKAS 10:9

“Nangmah nih siseh, na fapale hna nih siseh, tonnak thlam chungah nan luh tikah mitsur hang siseh zu siseh nan ding lai lo, nan thih sual nakhnga lo; mah cucu a zungzal in nan tefa hna chan tiangin nawlbia a si lai.

LEVITIKAS 16:29

“Cun mah hihi nannih nan phung zungzal a si lai, thla sarih thla a ni hra ni ah nan i temhinter lai i nanmah mi hrimhrim nih siseh, khual nan sin i a ummi nih siseh, rian nan ṭuan lai lo;

LEVITIKAS 16:34

Cun mah hihi nannih caah zungzal phung a si lai, Israel mi hna caah an sualnak vialte ruangah kum khat ah voi khat remnak ser a si lai.” Cun Moses nih Bawipa nih nawl a pek bangin a tuah.

LEVITIKAS 17:7

Cucaah hlawhhlang an sihnawhmi meheh khuachia hna caah khan an raithawinak cu an that ti lai lo. Mah hihi an tefa chin tiang i an zungzal phung cu a si lai.

LEVITIKAS 19:26

“Zei sa hmanh a chung i a thi he nan ei lai lo. Kut ṭial zoh siseh, eih siseh, nan tuah lai lo.

LEVITIKAS 23:14

Cun nan Pathian sin i pekchanhnak nan tuah hlantiang, cu ni theng tiang cu, changreu siseh, fangvoi a reu in siseh, a hring in siseh, nan ei lai lo; mah hihi nan techin fapar tiangin nan umnak kip ah zungzal ca nawlbia a si.

LEVITIKAS 23:21

Cu ni theng ah cun thawngthanhnak nan ser lai; a thiangmi pumhnak nan tuah lai; rian fak zeihmanh nan ṭuan lai lo: nan techin fapar tiangin nan umnak kip ah zungzal ca nawlbia a si.

LEVITIKAS 24:3

Tonnak thlam chung biakamnak puanzar lengah khan Aaron nih a ningcang tein zanlei in zinglei tiang Bawipa hmaiah a chiah camcin lai; mah hihi nan techin fapar tiangin nawlbia a si lai.

LEVITIKAS 24:9

Cun mah cucu Aaron le a fapa hna caah a si lai i hmunthiang chungah khan an ei lai, zeitintiah Bawipa sinah mei in pekchanhmi lakah khan a caah a thiang bik, a hmuh camcin awk vo cu a si,” tiah a ti.

LEVITIKAS 3:16

Cun tlangbawi nih biakṭheng cungah rimthaw ca i mei in thawimi rawl ah a khangh hna lai. Thau vialte cu Bawipa ta a si.

LEVITIKAS 4:1

Cun Bawipa nih Moses cu, “Israel mi kha chim hna law,

LEVITIKAS 6:15

Cun pakhat nih changvut thawinak changvut dip cu pei khat in a lak lai, changvut thawinak cung i a ummi chiti le frankinsen vialte he, cun mah hihi hngalh camcinnak caah Bawipa ca i rimthaw ah biakṭheng cungah a khangh lai.

LEVITIKAS 6:18

Aaron tefale hna chungin pa paohpaoh nih an ei lai; Bawipa sinah mei in thawinak hna chungin nan tefa chan tiangin zungzal nan vo a si lai; cu thil a tawngmi hna paoh cu thleidan an si lai.”

LEVITIKAS 6:22

Aaron fapa hna lak in amah a chaangtu ding i chiti thuhmi tlangbawi nih zungzal nawlbia bangin Bawipa sinah a pekchanh lai; a dihlak in khangh a si lai.

LEVITIKAS 7:23

“Israel mi hna sinah va chim tuah, cawtum siseh, tuu siseh, meheh siseh, a thau nan ei lai lo.

LEVITIKAS 7:34

Zeitintiah Israel mi hna nih an pekchanhmi daihnak thawinak chungin tlangbawi Aaron le a fapa hna cu hninhmi ii le thawimi phei cu ka pek cang hna; mah cucu Israel mi sinin a zungzal in an hmuh awk a si.

LEVITIKAS 7:36

chiti thuh an si ni ah Israel mi nih mah hihi an pek hna awk cu Bawipa nawlpekmi a si; an tefa chin tiangin a zungzal in an hmuh awk cu a si.”

NAMBAR 19:21

Cun mah hihi annih caah nawlbia a si camcin lai. Tlenghnak ti a thehtu nih khan a hnipuan a suk lai; cun tlenghnak ti a tawngmi kha zanlei tiang thianglo a si lai.

MATTHAI 16:24

Cun Jesuh nih a zultu cu a thawh hna i, “Ahohmanh nih zulh nan ka duh ahcun, nanmah le nanmah nan i philh i nan vailamtahnak nan i put i nan ka zulh a herh.

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

EFESA 5:26

Khrihfabu cu ti in thiang tein a ṭawl hnuah Pathian sinah a bia in a pek.

DEUTERONOMI 12:16

A thi bel kha nan ei lai lo; vawlei cungah ti bangin nan thlet lai.

DEUTERONOMI 12:23

A thi bel kha ei hrimhrim hlah u; zeitintiah thi cu nunnak a si i nunnak cu sa he nan ei lai lo.

DEUTERONOMI 12:24

Nan ei lai lo; vawlei cungah ti bantukin nan thlet lai.

DEUTERONOMI 15:23

A thi bel nan ei lai lo; vawlei ah ti bantukin nan thlet lai.

DEUTERONOMI 32:14

Cawrun chung hnuk khal, Tuurun chung tuuhnuk, Tuufa hna thau le tuukawng hna thau, Bashan ram cawrun le meheh hna cu, Changvut lak i a ṭha bik he na ei hna i Mitsur hang thisen cu na din.

1TIMOTE 4:4

Pathian nih a sermi thil cu zei thil paoh an ṭha dih; zeihmanh hlawt awk an si lo, lunglawmh thlacamnak he cohlan awk an si ko.