LEVITIKAS 3:1 - Lai (Hakha) Common Language Bible 2006

¹ “Mi pakhatkhat nih a pekchanhmi cu daihnak thawinak pekchanhnak a si ahcun, cawrun chungin saṭil pakhatkhat, a pa siseh a nu siseh, a pekchanh ahcun, Bawipa hmaiah dotla a pek awk a si lai.

LEVITIKAS 3:1 ပူးပေါင်းရင်းမြစ်များ

1 CHANRELNAK 21:26

Cun khika ah David nih Bawipa caah biakṭheng a ser i khangh thawinak le daihnak thawinak hna kha a pekchanh hna i Bawipa kha a auh i amah nih cun khangh thawinak biakṭheng cung i vancung in a tlami mei khan amah cu a leh.

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

EXODUS 24:5

Cun Israel mi tlangval kha a thlah hna i khangh thawinak kha an tuah i hawikomhnak thawinak caah Bawipa kha cawtum an thahpiak.

EXODUS 29:28

Zungzal a hmunmi ka nawlbia in hi sakhua hi Aaron le a fapa hna nih Israel mi hna sinin an hmuhmi a si lai. Israel mi nih hawikomhnak thawinak timi chungin an pekmi, tlangbawi hna sakhua i chiahpiakmi cu hihi a si; cu an pekchanhmi cu Bawipa sin i an pekmi an laksawng a si.

PHUNGTHLÛKBIA 7:14

“Raithawinak pekchanh awk ka ngei i nihin ah hin ka biahrennak ka tlinter cang lai;

EZEKIEL 43:27

Cu caan a dih tikah, a ni riat ni in a hmailei ah cun tlangbawi hna nih khan, biakṭheng cungah cun nan khangh thawinak hna le nan daihnak thawinak hna cu an thawi hna lai i ka cohlan hna lai,” tiah Bawipa Pathian nih a ti.

EZEKIEL 45:15

cun Israel phun chung mi paohpaoh nih tuu za hnih run chungin pakhat lengmang a dang tein a chiah lai. Rawl thawinak ca le khangh thawinak ca le daihnak thawinak caah hi thil hna cu

LEVITIKAS 1:10

“Khangh thawinak ca i a pekchanhmi cu tuurun chungin siseh, meheh run chungin siseh a si ahcun, a tum dotla a si lai;

LEVITIKAS 1:3

“A pekchanhnak cu cawrun chungin khangh thawinak a si ahcun, a tum do a tlami kha pek a si lai; Bawipa hmaiah amah cu cohlan a si nakhnga tonnak thlam innka ah cun a pek lai;

LEVITIKAS 17:5

Mah hihi, Israel mi nih khualeng i an thahmi an i thawinak hna kha Bawipa sinah, tonnak thlam innka i a ummi tlangbawi sinah an rak put hna i Bawipa sin i daihnak thawinak ca i an thahnak hna hnga caah a si;

LEVITIKAS 3:6

“A pekchanhmi cu, Bawipa sin i daihnak thawinak pekchanhnak caah, tuurun chungin saṭil pakhat a pa siseh a nu siseh a si ahcun, dotla a si lai.

LEVITIKAS 9:18

Cawtum le tuukawng zong kha a thah hna, mah cucu mi zapi ca i daihnak thawinak an si. Aaron fapa hna nih a thi cu an pek i biakṭheng cu a velchum in a theh.

LEVITIKAS 9:4

daihnak thawinak hna caah cawtum pakhat le tuukawng pakhat la hna law, Bawipa hmaiah thawi hna, cun chiti he cawhmi changvut thawinak zong; zeitintiah nihin ah Bawipa cu nannih sinah a lang lai,’ tiah ti hna,” tiah a ti.

AMOS 5:22

Nannih nih nan raithawinak hna le nan thawhlawm hna kha nan ka pek tikah ka cohlang hna lai lo, Raithawinak ca i nan hmanmi saṭil hna zong kha ka cohlang duh hna lai lo.

MALAKHI 1:14

‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

MALAKHI 1:8

a mit a cawmi saṭil kha kan pekchanh ahcun zeihmanh a poi lai lo, a ke a beimi saṭil si hna seh, a zawmi si hna seh, kan pekchanh hna ahcun zeihmanh a poi lai lo tiin nan ruah caah hin nan ka thurhhnawmh cu a si. Cu bantuk laksawng cu uktu bawi kha va pe tuah hna ngat u. An cohlang hna in mithmai ṭha an pe hna hnga maw, tiah ralkapbu Bawipa nih a chim.

NAMBAR 15:8

Cun khangh thawinak caah siseh, biakam tlinternak ca i raithawinak caah siseh, Bawipa sin i daihnak thawinak hna caah siseh cawtum na timh tikah,

NAMBAR 6:14

a laksawng cu Bawipa sinah a pekchanh lai, khangh thawinak caah tuufa pakhat a pa kum khat a ti i do a tlami, cun sual thawinak caah tuufa pakhat a nu kum khat a ti i do a tlami, cun daihnak thawinak caah do a tlami tuutum pakhat,

NAMBAR 7:17

cun daihnak pekchanhnak thawinak ca i cawtum pahnih, tuukawng panga, meheh a pa panga le tuufa a pa kum khat a timi panga. Mah hihi Amminadab fapa Nahshon i a pekchanhmi cu a si.

NAMBAR 7:59

cun daihnak pekchanhnak thawinak ca i cawtum pahnih, tuukawng panga, meheh a pa panga le tuufa a pa kum khat a timi panga. Mah hihi Pedahzur fapa Gamaliel pekchanhmi cu a si.

DEUTERONOMI 12:27

cun nan khangh thawinak hna, sa le thi cu, Bawipa nan Pathian biakṭheng cungah nan pekchanh hna lai; Bawipa nan Pathian biakṭheng cungah nan raithawinak hna thi cu nan thlet lai, sihmanhsehlaw a sa cu nan ei lai.

KOLOSE 1:20

Cucaah a Fapa thawng cun Pathian nih van le vawlei cu a dihlak in amah sin i kirter ṭhan kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi ṭhan hna.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

1JOHAN 1:3

Kannih nih kan hmuhmi le kan theihmi cu nannih zong kha kan in chimh hna, zeicahtiah Pa le a Fapa Jesuh Khrih he hawikomhnak kan ngeihmi chungah khan nan i tel khawh ve nakhnga kan duh.

BIACEIHTU 20:26

Cun Israel mi vialte, ralkap bu cu an ningpi in, an hung kal i Bethel an phan i an ṭap; Bawipa hmaiah an ṭhu i khi ni cu zanlei tiang rawl an ul i Bawipa hmaiah khangh thawinak le daihnak thawinak kha an pekchanh.

BIACEIHTU 21:4

Cun a thaizing ah mi cu zingka tein an tho i khika ah biakṭheng pakhat an ser i khangh thawinak le daihnak thawinak kha an pekchanh.