LEVITIKAS 27:28 - Lai (Hakha) Common Language Bible 2006

²⁸ “Sihmanhsehlaw ulh-amhmi thil, Bawipa sinah mi pakhatkhat nih a pekchanhmi paohpaoh cu, a ngeihmi chungin zeihmanh siseh, minung a si ah, saram a si ah, ro i a comi a lo a si ah, zuarh awk zong a si lai lo i tlanh awk zong a si lai lo; ulh-amhmi thil paohpaoh cu Bawipa caah a thiang bik a si.

LEVITIKAS 27:28 ပူးပေါင်းရင်းမြစ်များ

2 CHANRELNAK 31:14

Cun Levi mi Imnah fapa Kore, nichuahlei kutka cawngtu kha Pathian sinah mah lungtho tein pekmi laksawng zohkhenhtu a si i amah nih cun Bawipa ca i kenretmi le a thiang bik pekchanhnak ca i kenretmi thawhlawm cu a ṭhen awk an si.

EXODUS 22:20

“Bawipa sinah si loin pathian dang sinah rai a thawimi cu thih awk tlak a si tiah sual phawt a si lai.

EZEKIEL 44:29

Rawl thawinak le sual thawinak le phungbuar thawinak ca i hmanmi kha an ei hna lai, cun Israel mi nih Pathian sin i an pekmi paohpaoh cu anmah ta a si lai.

EZEKIEL 48:14

Cu ram cu a cheuchumte zong an zuar lai lo i an thleng fawn lai lo; hi hmun ṭha cu an hlawt awk a si lai lo, zeicahtiah Bawipa ca i a thiangmi hmun a si.

LEVITIKAS 21:22

A Pathian ta a simi changreu a ei ko lai, a thiang bik zong, a thiangmi thil zong,

LEVITIKAS 27:21

sihmanhsehlaw mah lo cu jubili i luatter a si tikah Bawipa caah a thiangmi ah, ulh-amh awk i sermi lo bantuk ah a cang lai; tlangbawi ta ah a si lai.

LEVITIKAS 27:27

Cun a thiang lomi saram a si ahcun, nangmah nih a man na tuak ning in a cawk ṭhan lai i cheu nga cheu khat a chap lai; a tlanh lo ahcun a man tuakning ah zuar a si lai.

LEVITIKAS 27:29

Ulh amhmi minung cu ahohmanh a si ah, mi sinin hrawh cikcek hngami paohpaoh cu tlanh a si lai lo; thah a si ko lai.

NAMBAR 18:14

Israel mi hna chungah ulh amhmi thil paohpaoh cu na ta a si lai.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

ROM 9:3

Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.

1 KORIN 16:22

Bawipa a daw lomi cu an cungah chiat si ko seh. Maranatha — Kan Bawipa, ra cang ko!

GALATI 3:10

Nawlbia zulh aa bochanmi cu chiatserhnak tangah an um. Zeicahtiah Cathiang nih, “Nawlbia cauk chungah aa ṭialmi a dihlak in a zul zungzal lomi cu Pathian nih chiat a serh hna,” a ti.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

DEUTERONOMI 25:19

Cucaah nan velchum i a ummi nan ral hna lakin Bawipa nan Pathian nih ro ca i co awkah an pekmi hna ram chungah, Bawipa nan Pathian nih dinhnak an pek hna tikah, vanrang toi in Amalek hngalh camcinnak cu nan hloh awk a si lai; va philh hlah u.

DEUTERONOMI 7:26

Cun nan inn chungah thil fihnung nan luhpi lai lo; nan luhpi ahcun chiatserhmi nan si ve sual lai; nan fih hrimhrim lai i nan huat lai, zeitintiah mah cucu chiatserhmi thil a si.

JOSHUA 6:26

Khi tikah Joshua nih chiatser in, “A tho i hi Jeriko khua a sa ṭhanmi cu Bawipa hmaiah chiatserh si seh. A fater luhloh in a hram lung cu a phum lai i A fapa hniang bik luhloh in a kutka cu a bunh hna lai,” tiah a ti hna.

JOSHUA 7:1

Sihmanhsehlaw pekchanhmi thil kongah cun Israel mi cu zumhawktlak loin an um ai; zeitintiah Judah phun chungmi Zerah fapa Zabdi fapa Karmi fapa Akhan nih pekchanhmi thil cu tlawmpal a lak i Bawipa thinhunnak cu Israel mi cungah a alh.

JOSHUA 7:25

Cun Joshua nih, “Zeicahdah kan cungah harnak na tlunter? Nihin ah Bawipa nih na cungah harnak a tlunter ve,” tiah a ti. Cun Israel mi vialte nih lung in an cheh; mei in an khangh hna i lung in an cheh hna.

BIACEIHTU 21:11

Mah hihi nan tuah awk cu a si lai; pa vialte le pa he a it cangmi nu vialte cu nan thah cikcek hna lai,” tiah an ti.

BIACEIHTU 21:18

Sihmanhsehlaw kan fanu hna cu nupi caah kan pe kho hna lo,” an ti. Zeitintiah Israel mi nih chiat an ser cang i “Benjamin mi nupi a pemi cu chiat si seh,” an ti.

BIACEIHTU 21:5

Cun Israel mi nih, “Israel miphun vialte lakah ahodah Bawipa sin i i pumhnak ah a chuak lo?” tiah an ti. Zeitintiah annih nih Mizpah ah Bawipa sin i a ra lomi kongah khan chiatsernak nganpi pakhat an ser i, “Thah a si lai,” an ti.

1 SAMUEL 15:18

Cun Bawipa nih rian pakhat tuah awkah an thlah i, ‘Va kal law, misual mi, Amalek mi kha, va hrawk dih cikcek hna, cun an ciamh dih tiangin va do hna,’ a ti.

1 SAMUEL 15:3

Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,’ a ti,” tiah a ti.