LEVITIKAS 26:7 - Lai (Hakha) Common Language Bible 2006

⁷ Nan ral kha nan dawi hna lai i nan hmaiah vainam in an tlu lai.

LEVITIKAS 26:7 ပူးပေါင်းရင်းမြစ်များ

1 CHANRELNAK 19:15

Cun Ammon mi hna nih Siria mi an zam ti kha an hmuh tikah annih zong, cu bantukin Joab unau Abishai hmai khan an zam ve i khua chungah khan an lut. Cun Joab cu Jerusalem ah a tlung.

ESTHER 9:16

Siangpahrang peng chung i a ummi Judah mi a dang hna zong kha an nunnak i runven awkah an i pum i an ral hna sin khan himnak an hmu i anmah a huatu hna kha sang sarih le thong nga an thah hna; sihmanhsehlaw a ramh cu ahohmanh an ramh hna lo.

SALM 81:15

A ka huami cu ka hmaiah therphang in an kun lai, dantatnak an inmi cu zungzal in a hmun lai.

LEVITIKAS 26:36

Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

LEVITIKAS 26:6

Cun ram chungah daihnak ka chiah lai i nan it lai i ahohmanh nih nan thin an in phanter hna lai lo; cun ram chungin sahrang ṭhalo kha ka ṭhial hna lai i vainam kha nan ram chungah aa chawk lai lo.

LEVITIKAS 26:8

Nannih lak i panga nih za khat nan dawi hna lai i nannih lak i za khat nih thong hra nan dawi hna lai; nan ral hna cu nan hmaiah vainam in an tlu lai.

DEUTERONOMI 28:7

“Nanmah an dotu hna nan ral hna cu Bawipa nih nan hmaiah a sunghter hna lai; nanmah doh awkah lam pakhat in an ra lai i nan hmaiah lam pasarih in an zam lai.

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

JOSHUA 23:10

Bawipa nan Pathian nih bia an kam hna bangin amah cu an dohpiaktu hna kha a si caah, nan lak i mi pakhat nih thong khat kha a dawi hna.

BIACEIHTU 15:15

Cun laa kharuh tharte hi a hmuh i a hei banh i a hei lak i mah cu cun mi thong khat a thah hna.

BIACEIHTU 4:16

Cun Barak nih rangleng hna le ralkap hna cu Harosheth-hagoiim tiang a dawi hna i Sisera ralkap vialte cu vainam in an thi dih; pakhat hmanh an tang lo.

BIACEIHTU 7:23

Cun Israel mi hna cu Naftali le Ahser le Manasseh dihlak chungin an kawh hna i Midian kha an dawi hna.

1 SAMUEL 14:13

Cun Jonathan cu a kut le a ke i bawmh in a hung kai, a ralthuam putu nih cun a hnu in a zulh. Cun annih cu Jonathan hmaiah cun an tlu duahmah ko i a ralthuam putu zong nih a hnulei in a hun thah ve hna;