LEVITIKAS 26:6 - Lai (Hakha) Common Language Bible 2006

⁶ Cun ram chungah daihnak ka chiah lai i nan it lai i ahohmanh nih nan thin an in phanter hna lai lo; cun ram chungin sahrang ṭhalo kha ka ṭhial hna lai i vainam kha nan ram chungah aa chawk lai lo.

LEVITIKAS 26:6 ပူးပေါင်းရင်းမြစ်များ

2 SIANGPAHRANG 2:24

Cun aa mer i a hmuh hna tikah Bawipa min in chiat a serh hna. Cun ramlak in vom a pi pahnih an ra chuak i pa ngakchia cu sawm li le pahnih an seh hna.

1 CHANRELNAK 22:9

Zohhmanh, fapa pakhat na hrin lai; amah cu daihnak mi a si lai. Amah cu a velchum i a ummi ral vialte hna lakin daihnak ka pek lai; zeitintiah a min cu Solomon a si lai i amah chan chungah cun Israel mi cu daihnak le remnak ka pek hna lai.

2 CHANRELNAK 20:30

Cucaah a Pathian nih a velchum in dinhnak a pek caah Jehoshafat pennak cu a dai.

JOB 11:19

Na it lai i ahohmanh nih na thin an in phanter lai lo, Mi tampi nih an in nawlpat lai.

JOB 5:23

Lo chung lung hna nih cun hna an in hnawh lai lo i lo chung sahrang hna he cun rem tein nan um lai.

SALM 144:14

Kan caw nih fa tampi hring hna seh law a lotlaumi le a rawkmi pakhat hmanh um hna hlah seh. Kan khuachung lam ah lungfah ṭahnak thawng zeihmanh leng hlah seh.

SALM 147:14

Na ramri kha him tein a umter hna i changvut ṭha bikbik in na paw an khimter.

SALM 29:11

Bawipa nih a mi cu thazang a pek hna i thluachuah daihnak a pek hna.

SALM 3:5

Bawipa nih a ka thlim i kaa hngilh, Bawipa nih a ka ven caah him tein kaa hlau ṭhan.

SALM 4:8

Hnangam tein ka it lai i kaa hngilh fawn lai, Bawipa, nangmah lawnglawng nih him tein na ka umter.

SALM 85:8

Bawipa Pathian i a chimmi bia cu ka ngai lai, hruh lam a simi lam, kan lam kha kan zulh ṭhan lo caah a mi kannih hi daihnak kha a kan kamh.

EXODUS 23:29

Kum khat chungah cun ka dawi dih hna lai lo, zeicahtiah ram kha a lawng sual hnga.

PHUNGTHLÛKBIA 3:24

Na ṭhut ah na thin a phang lai lo, na ih tikah na mitkuh a thaw lai.

PHUNGTHLÛKBIA 6:22

Na kal tikah an in hruai lai, na ih tikah an in ven lai, naa hlauh tikah bia an in ruah lai.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

ISAIAH 35:9

Chiandeih zeihmanh an um lai lo, saram ṭihnung zeihmanh an i chawk lai lo. Bawipa nih a luattermi hna cu hi lam hin inn ah an tlung lai.

ISAIAH 45:7

Keimah nih ceunak zong ka ser i muihnak zong ka ser; thluachuahnak zong ka tlunter i vanchiatnak zong ka tlunter, Bawipa nih hi thil vialte hi ka tuah dih hna.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

JEREMIAH 30:10

“Cucaah cun ṭih hlah maw Jakob, ka sal; Maw Israel, lungdong in um hlah, tiah Bawipa nih a ti. Zeicahtiah ram hlapi khan kan ratpi ṭhan lai i na tefa hna cu sal i an tannak hmun khan ka kirpi ṭhan hna lai; Cun Jakob cu hnangam tein a um ṭhan lai i thluachuak le lungdai in a um lai.

JEREMIAH 31:26

Cu tikah ka mi hna nih cun, ‘Kaa hngilh i ka thazang a tlung ṭhan,’ an ti lai.

EZEKIEL 14:15

Ram pakhatkhat cu a chung i a ummi minung hna kha hrawh awkah sahrang kha ka thlahhnawh hna, cu sahrang hna nih cun an hrawh cikcek i cu sahrang hna ṭih ah cun ahohmanh nih an pal ti lo tikah,

EZEKIEL 14:17

Asiloah, cu ram ah cun vainam kha tlunter ning law cu vainam cu ram chung dihlak ah khan kal in minung le saṭil kha that hna tiah nawl pe ning law,

EZEKIEL 14:21

“Mah hihi Bawipa Pathian bia cu a si: Cucaah cun ka dantatnak pali, vainam le mangṭam, sahrang le rai hna hi, minung le saṭil hna hrawh awkah Jerusalem khua cung i ka tlunter tikah, a caah zeitluk in dah ruahchannak a tlawm chinchin lai!

EZEKIEL 34:25

Annih kha rumnak pek awkah anmah he biakamnak ka tuah lai; ram chungin sahrang kha ka ṭhawl dih hna lai i saṭil tlonnak hmun ah khan lungdai tein an um lai i tu chungah khan an it lai.

EZEKIEL 34:27

Ram chung thing nih khan thei an tlai lai, vawlei nih khan rawl a chuah lai i mi cu anmah le an vawlei cio ah lungdai tein khua an sa lai. An hreng kha ka khiah hna i sal i a zuartu hna kut chung khan ka chuah hna tikah Bawipa ka si kha an ka hngalh lai.

EZEKIEL 5:17

nannih cu mangṭam le sahrang kha kan thlahhnawh hna lai i nan fale kha an thah dih hna lai. Rai le thisen chuahnak nih an in tlunhnawh hna lai i vainam cu nan cungah ka tlunter lai, tiah Bawipa nih ka chim,” tiah a ti.

HOSEA 2:18

Khi ni ah Israel aiawh in ramsa hna le van i a zuangmi va hna le vawlei i a lawn mi thilnung hna he biakamnak ka ser lai i nunnak a ngeimi thil paohpaoh nih ṭihnak zeihmanh um loin an um ṭi khawh nakhnga likuk le vainam le ral hriamnam hna cu ka hrawh dih hna lai i vawlei cungin ka hloh hna lai i ka mi cu daite le him tein ka umter hna lai.

HOSEA 2:20

Ka biakam kha ka zulh lai i nangmah cu keimah ta ah kan ser lai i nang zong nih na Bawipa ah na ka ser lai.

LEVITIKAS 25:18

“Cucaah ka nawlbia kha nan tuah lai i ka phunglam kha nan ulh hna lai i nan tuah veve hna lai; cucaah hi ram chungah hin him tein nan um lai.

LEVITIKAS 25:19

Ram nih a theitlai a chuah lai i khim tein nan ei lai i ram chungah him tein nan um lai.

LEVITIKAS 26:22

Nannih lak i sahrang cu ka thlah hna lai i nan fale kha an in sehpiak hna lai, nan saṭil kha an in hrawhpiak hna lai i an in tlawmter hna lai, cu caah nan lam hna cu an ṭhing dih lai.

LEVITIKAS 26:25

Cun nannih cungah vainam ka tlunter lai i biakamnak caah khan phuhlamnak a tuah lai; nan khua chungah nan i pumh ahcun nan lakah rai ka tlunter lai i nan ral hna kut ah khan nanmah cu pek nan si lai.

LEVITIKAS 26:7

Nan ral kha nan dawi hna lai i nan hmaiah vainam in an tlu lai.

MIKAH 4:4

Pakhat le pakhat ahohmanh hnahnawhnak i pe lo tein Anmahle an mitsur ruang toi cio le an theipi kung toi cio ah khua an sa hna lai; Zeicahtiah hi bia cu ralkapbu Bawipa hrimhrim nih a chimmi a si.

ZEFANIAH 3:13

Israel mi chungin a tangmi hna nih khan ahohmanh nih ṭhat lonak an tuah lai lo, lih zong an chim lai lo, hlennak bia kha an hmur in a chuak ti lai lo. Cun dai tein ramhring lakah khan an tlong lai i ahohmanh nih thinphang in an umter ti hna lai lo.

HAGGAI 2:9

Hi inn a hmanung u sunparnak hi a hmasa u sunparnak nakkhan a ngan deuh lai, tiah ralkapbu Bawipa nih a ti; cun hi hmun ah hin rumnak ka chiah lai,” tiah ralkapbu Bawipa nih a ti.

ZEKHARIAH 9:10

Efraim in rangleng kha a dawi dih hna lai i Jerusalem in raltuknak rangtum kha a dawi dih hna lai; Ralkap likuk kha hlonh dih an si lai. Miphun kip sinah khan daihnak in bia a chim lai i A pennak cu rili in rili tiang a phan lai. Zufrates tiva in vanhramdeng tiang a phan lai.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

LAMKALTU 12:6

Herod nih zapi hmaiah ka chuahpi cang lai tiah a timi caan a phak lai zan ah khan, Peter cu ralvengtu ralkap pahnih hna karlak ah khan a it. Thirhri pahnih in an hren i thonginn kutka cu ralvengtu nih an cawngh.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.