LEVITIKAS 26:45 - Lai (Hakha) Common Language Bible 2006

⁴⁵ Sihmanhsehlaw anmah zawnruah ah, an Pathian ka si nakhnga, miphun hna hmuh i Izipt ram in ka chuahpimi an pupa hna he ka biakam kha ka hngalh ṭhan lai: keimah cu Bawipa ka si,” tiah a ti.

LEVITIKAS 26:45 ပူးပေါင်းရင်းမြစ်များ

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 28:15

Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi ṭhan lai. Kan chimhmi vialte ka tuah dih hlanah cun nangmah cu kan kaltak lai lo,” tiah a ti.

GENESIS 9:15

buanchukcho nih thilnung vialte kha a hrawk ṭhan ti hna lai lo ti in nanmah le saram vialte hna sin i biakamnak ka tuahmi kha ka hngalh ṭhan lai.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

EXODUS 2:24

an hrumainak kha a theihpiak hna i Abraham le Isak le Jakob sin i a sermi a biakamnak kha a philh lo.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

EXODUS 6:8

Chiatser tein Abraham le Isak le Jakob sinah kan pek hna lai ti in bia kaa kammi ram ah khan kan kalpi hna lai; cu ram cu nanmah ta ding hrimhrim ah kan pek hna lai. Kei cu Bawipa kha ka si,’ a ti, tiah na va chimh hrimhrim hna lai,” a ti.

EZEKIEL 20:14

Asinain ka chuahpi hna, a hmumi miphun hna hmaiah khan ka min cu thurhhnawmh a si nakhnga lo ka min hmaizah in ka ṭuan ṭhan.

EZEKIEL 20:22

Sihmanhsehlaw ka chuahpi hna kha a ka hmumi miphun hna mithmuh ah ka min cu thurhhnawmh a si nakhnga lo, ka min hmaizah in ka ṭuan ṭhan.

EZEKIEL 20:9

Israel mi hna an umnak miphun hna lakah khan, ka min cu thurhnawmh a si kun ai lai ri tiah ka min upat in rian kha ka ṭuan ṭhan. Khi miphun hna sinah khan, Israel mi cu Izipt ram in ka chuahpi hnanak khan kaa phuang.

LEVITIKAS 11:45

Zeitintiah keimah cu nan Pathian si awkah, Izipt ram in an chuahpitu hna Bawipa ka si; cucaah nannih cu nan thian awk a si, keimah ka thian caah,” tiah a ti.

LEVITIKAS 22:33

nan Pathian si awkah Izipt ram in an chuahpitu hna Bawipa kha ka si: keimah cu Bawipa ka si,” tiah a ti.

LEVITIKAS 25:38

Keimah cu Bawipa nan Pathian Kanaan ram kha nanmah pek awk le nan Pathian si awkah Izipt ram chungin an chuahpitu hna ka si.

ROM 11:12

Judah mi sualnak nih hin vawlei cungah thluachuahnak tampi a tlunter i thlarau lei in mipam an sinak nih Jentail mi cu thluachuahnak tampi a phorh hna ahcun Judah mi cu tling tein an i tel ve tikah cun thluachuahnak cu zeitluk in dik a ngan chinchin lai!

DEUTERONOMI 4:31

zeitintiah Bawipa nan Pathian cu zaangfah thiammi Pathian a si; an deuh hna lai lo, an hrawk hna lai lo, nan pupa hna sin i chiatser in biakamnak a tuahmi zong cu a philh fawn lai lo.

DEUTERONOMI 9:27

Na sal Abraham, Isak le Jakob kha cingkeng hna law; hi mi hna an lung khonnak siseh, an ṭhat lonak siseh, an sualnak siseh zei ah rel sawh hlah;