LEVITIKAS 26:39 - Lai (Hakha) Common Language Bible 2006

³⁹ Cun nannih lakin a tangmi hna cu nan ral hna ram chungah, an ṭhat lo ruangah an loral chin lengmang lai; cun an pupa hna ṭhat lo ruang zongah, anmah bantukin an loral lai.

LEVITIKAS 26:39 ပူးပေါင်းရင်းမြစ်များ

2 CHANRELNAK 34:24

Hi bangin Bawipa nih a ti, tiah va chim u, Zohhmanh, hi hmun le a chung i a ummi hna cungah hin ṭhat lonak, Judah siangpahrang hmai i kan relmi cauk chung i chiatserhnak vialte kha ka tlunter lai.

EZRA 9:7

Kan pupa hna chan in nihin tiang mawhnak nganpi kan tuah lengmang ko; cun kan ṭhat lonak caah cun kanmah le kan siangpahrang hna le kan tlangbawi hna cu ramdang siangpahrang hna kut chungah pek kan si i vainam le saltannak le ramhnak le mualphonak cu nihin i bang hin rak in lengmang kan si.

NEHEMIAH 1:9

sihmanhsehlaw ka sinah nan kir i ka nawlbia kha nan zulh hna i nan tuah hna ahcun, nan mi aa ṭhekmi hna cu a hlatnak bik vanhramdeng khi phan hna hmanh seh law, khika khan ka pumh hna lai i ka min chiahnak ah ka thim cangmi hmun ah cun ka pumh hna lai,’ ti in na timi kha philh hin hlah.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

EXODUS 34:7

A biakamnak kha mi thong tampi cungah a hmunhter i palhnak le ṭhat lonak le sualnak kha a ngaihthiam hna; asinain an pale sualnak ruangah an fale le an tule kha a chan thum a chan linak tiang dantat a tlolh lomi a si,” tiah a au.

ISAIAH 14:21

I samnak cu thawk ko u! Hi siangpahrang fapa hna hi anmah a hringsortu hna sualnak ruangah hin an thi lai. An lakah ahohmanh vawlei uktu an um lai lo i vawlei cungah khua an ser lai lo.

ISAIAH 24:16

Vawlei cung a hlatnak bik ram i a ummi hna sinin a dingmi miphun, Israel miphun thangṭhatnak hla kha kan theih lai. Sihmanhsehlaw kei ka caah cun ruahchan awk a um lo. Ka der chin lengmang ko. Mirawihmang mi pawl kha mi rawi an hmang ṭhiamṭhiam ko i an mirawinak kha a chia chin lengmang a panh.

JEREMIAH 29:12

Nan ka hal i ka sinah thla nan cam ahcun nan bia kan ngaihpiak hna lai.

JEREMIAH 3:25

Ningzak in it ko u sih, kan mualphonak nih khan kan khuh ko seh, Zeicahtiah kanmah le kan pupa hna nih Bawipa kan Pathian cungah khan Hlanpi in atu tiang kan sual i Bawipa kan Pathian kha a bia kan ngai lo,” nan ti.

JEREMIAH 31:29

Cu caan a phak tikah cun, mi nih, ‘An pale nih mitsur thei thor an ei i An fale ha a za,’ an ti ti lai lo.

ṬAHNAK HLA 1:3

Saltang harnak chungah le A dong lo rian hrang ṭuannak chungah Judah cu a lut cang, Miphun hna lakah khua a sa i dinhnak hmun a hmu lo; Amah a harnak chungah khan A dawitu hna nih khan an phak.

ṬAHNAK HLA 4:9

Vainam in a thimi hna cu Rawlṭam in a thimi hna nakin an van a ṭha deuh; Lo in a chuakmi rawl kha an hmuh lo caah an lo dai ko.

EZEKIEL 18:19

Nannih nih nan i thawh hnga i, ‘A pa sualnak ruangah khan zeicahdah a fapa kha dantat a si lo?’ nan ti hnga. Zeicahdah dantat a si lo ti ahcun, a dingmi le a hmaanmi thil kha a tuah zungzal i ka nawlbia kha ralring tein a zulh hna caah a si, cucaah cun a nung lai.

EZEKIEL 20:43

Khika ah nannih nih hlanlio nan umtuning le nan i thurhhnawmhnak thil ṭhalo vialte kha nan hngalh hna lai i thil ṭhalo nan rak tuahmi vialte ruangah khan nan i fih lai.

EZEKIEL 24:23

Na lu i khuh loin le na ke lawng in na kal lai lo. Mithi zong na ngai hna in na ṭah hna lai lo. Na sual ruangah na zor thluahmah lai i pakhat le pakhat kha nan i hrumhnawh lai.

EZEKIEL 33:10

Mipa, Israel mi cu chim hna law, nannih nih, ‘Kannih cu kan sualnak ruang le kan nawl buarnak ruangah khan kan phorh a rit ko; cu ruangah cun kan tlum kan ral thluahmah ko, nunnak caah hin ruahchannak zeihmanh kan ngei lo,’ tiah nan phunzai lengmang, ti hna.

EZEKIEL 36:31

Nan ziaza ṭhalo le nan tuahsernak a ṭha lomi kha nan i hngal ṭhan lai i nan ṭhat lonak le fihnung nan sinak ruangah khan nanmah le nanmah nan i fih lai.

EZEKIEL 4:17

Pakhat le pakhat an i hmuh tikah an hnabei a dongh tiangin, an rawl le an ti cu a ṭum lai i an ṭhat lonak ruangah khan an lo ral dih lai,” a ti.

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

ZEKHARIAH 10:9

Miphun dangdang hna sinah ka ṭhek hna, Asinain ram hlapi ah cun an ka hngalh ṭhiamṭhiam ko lai i An fale kha an cawm hna lai i an ra kir lai.

DEUTERONOMI 28:65

Cun hi miphun hna lakah hin daihnak nan hmu lai lo, nan keza ca zongah dinh ti a um lai lo, sihmanhsehlaw khika ah Bawipa nih lung retheihnak le mit hram dernak le hnabei donghnak an pek hna lai.

DEUTERONOMI 30:1

“Cun mah thil vialte, thluachuahnak le chiatnak hna, nan hmaiah ka chiahmi hna hi nan cungah a tlun i, Bawipa nan Pathian nih an dawi hnanak miphun vialte hna lakah cucu nan hun hngalh ṭhan hna i,

DEUTERONOMI 5:9

an hmaiah na kun in na bia hna lai lo; zeitintiah kei Bawipa na Pathian cu nahchuakmi Pathian, a ka huami pale sualnak ruang i fale chan thum chan li tiang dan a tat tawntu,

DEUTERONOMI 8:20

Nan hmaiah Bawipa nih miphun a rawkter hna bangin Bawipa nan Pathian aw cu nan ngaih duh lo ahcun, cu bangin nan rawk ve lai.