LEVITIKAS 26:34 - Lai (Hakha) Common Language Bible 2006

³⁴ “Cun ram nih cun nan ral hna ram i nan um chung, a ṭhin chung vialte cu a sabbath hna kha a rak i lawmhpi lai; ram cu aa din lai i a sabbath hna cu aa lawmhpi lai.

LEVITIKAS 26:34 ပူးပေါင်းရင်းမြစ်များ

1 SIANGPAHRANG 8:46

“Annih nih na cungah an sual ahcun — zeitintiah a sual lomi minung an um lo — cun an cungah na thin a hun i ral kut chungah annih cu na chanh hna i an ral hna nih an ram ah a hlatpi ah siseh, a naite ah siseh, sal ah an kalpi hna i,

2 CHANRELNAK 36:21

mah hihi Jeremiah kaa in Bawipa bia a chuakmi, ram nih a sabbath hna cu aa lawmhpi dih hlantiang, timi tlinternak caah khan a si. Kum sawm sarih tlinternak caah khan rawkral in a um chung vialte sabbath kha a ul ko.

JEREMIAH 34:17

Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangṭam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.

LEVITIKAS 25:10

Cun kum sawm nganak kum cu nan thianter lai i cu ram chung khuazakip ah, a chung i a ummi vialte kha, luatnak nan thanh hna lai; nan caah jubili a si lai, nannih nan thil cio le nan chungkhar sin cio i nan kir caan cu a si lai.

LEVITIKAS 26:35

A ṭhin chung vialte cu aa din ko lai; a chungah nan um lio i nan sabbath kum hna ah ram nih a hmuh lomi dinhnak cu a hmuh lai.

LEVITIKAS 26:43

Sihmanhsehlaw ram cu an kaltak lai i anmah um loin a ṭhin lioah a sabbath hna cu aa lawmhpi lai; cun ka phunglam kha zei ah an rel lo i an nunnak nih ka nawlbia kha an huat caah an ṭhat lonak dantatnak cu an co lai.