LEVITIKAS 26:26 - Lai (Hakha) Common Language Bible 2006

²⁶ Cun nan i rinhcanhmi rawl kha ka chah tikah nu pahra nih changreu rawhnak pakhat ah nan changreu cu nan rawh lai i nan changreu cu a khing thlai tein pek ṭhan nan si lai; cun nan ei lai i nan i khimh lai lo.

LEVITIKAS 26:26 ပူးပေါင်းရင်းမြစ်များ

2 SIANGPAHRANG 6:25

Cun annih nih an kulh caah khan Samaria khua ah cun mangṭam fak ngaingai a tlung i laa lu pakhat nih ngun shekel sawm riat a man i ṭhuro ek kab cheu li cheu khat nih ngun shekel panga a man.

SALM 105:16

An ram ah Bawipa nih mangṭam a tlunter i an rawl vialte kha a lakpiak dih hna tikah,

ISAIAH 3:1

Atu cu Bawipa Ralkapbu Bawipa nih Jerusalem khua chung le Judah ram chungah mi nih an i bochanmi vialte hna kha a kalpi dih hna lai. An ti le an rawl vialte kha a lak dih lai,

ISAIAH 5:10

Rel nga hmun lo ah an cinmi mitsur ruang nih mitsur hang thawl khat lawng a chuah lai i faci phor hra an tuhmi nih phor khat lawng a vui lai,” a ti.

ISAIAH 9:19

Ralkapbu Bawipa thinhunnak nih ram cu a dihlak in a kangh i mi cu mei rawl ah cun an cang.

ISAIAH 9:20

Ram chung khuazakip ah an hmuhmi rawl paoh kha an i cuh i an ei, sihmanhsehlaw an khim hlei lo. Anmah an fale lila hmanh kha an ei hna!

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

EZEKIEL 4:10

Cun na rawl kha a tah tein na tah hna lai, ni khat ah pawng cheu na ei lai i cu cu ni khat caah a si lai.

EZEKIEL 4:16

Cun a ka thawh i, “Mipa, Jerusalem khua i nifate an hmuhmi rawl cu ka ṭhumh hna lai; mi nih rawl an eimi cu thinphang lengmang in a tah tein an tah lai i ti an dinmi cu khuaruahhar lengmang in a tah in an tah ṭhiamṭhiam lai.

EZEKIEL 4:17

Pakhat le pakhat an i hmuh tikah an hnabei a dongh tiangin, an rawl le an ti cu a ṭum lai i an ṭhat lonak ruangah khan an lo ral dih lai,” a ti.

EZEKIEL 5:16

Hi bia hi Bawipa nih ka chim. Nannih cu thihnak cantiang mangṭam in kan kah hna tikah, nannih cu hrawh awkin kan kah hna lai. Nan cungah mangṭam ka tlunter lai i ni fate nan eimi nan rawl cu ka ṭhumh lai;

HOSEA 4:10

Annih nih an co awk a simi raithawinak sa kha an ei tikah an rawl a ṭam ṭhiamṭhiam ko lai. Tefa ṭha ngeihnak pathian kha an biak, sihmanhsehlaw keimah kha kaltak riangmang in pathian dang kha an zulh hna caah fa an ngei hlei lai lo,” tiah a ti.

LEVITIKAS 26:27

“Cun mah hi ti, ti hmanh zong i ka bia nan ngaih hlei lo i keimah ralchanh in nan kal ko ahcun,

MIKAH 6:14

A ei cu nan ei lai, sihmanhsehlaw nan khim lai lo, nan rawl a ṭam ṭhiamṭhiam ko lai. Nau nganfahnak cu nan in lai, sihmanhsehlaw fa cu nan hring hna lai lo, Cun nan hrin hna hmanh ah vainam sin tu ah khan ka pek hna lai.

HAGGAI 1:6

A tuh cu tampi nan tuh ko, sihmanhsehlaw tlawmte lawng nan zun; a ei cu nan ei ko, sihmanhsehlaw nan orthi a hnim bal lo; a din cu nan din ko, sihmanhsehlaw nan i za ceoceo tiang lawng a si; puan cu nan i aih ko, sihmanhsehlaw nan khua a lum bal lo; rianṭuantu nih khan an ṭuan man an hmuhmi cu zal pem chungah an sanh lengmang ko.