LEVITIKAS 26:25 - Lai (Hakha) Common Language Bible 2006

²⁵ Cun nannih cungah vainam ka tlunter lai i biakamnak caah khan phuhlamnak a tuah lai; nan khua chungah nan i pumh ahcun nan lakah rai ka tlunter lai i nan ral hna kut ah khan nanmah cu pek nan si lai.

LEVITIKAS 26:25 ပူးပေါင်းရင်းမြစ်များ

2 SAMUEL 24:15

Cucaah Bawipa nih zingka khan a caan khiahmi tiang Israel mi cungah rai kha a tlunter i mi cu, Dan in Beersheba tiang, sang sarih an thi.

1 SIANGPAHRANG 8:33

“Na mi Israel mi hna nih nangmah cung i an sual caah an ral hna hmaiah an sungh tikah, nangmah leiah khan an i mer ṭhan i na min kha an upat i nangmah kha hi inn chungah an in nawl i na sinah thla an cam ahcun,

1 SIANGPAHRANG 8:37

“Ram chungah hin mangṭam a tlun ah siseh, rai a tlun ah siseh, rocarnak le theikung rai a tlun ah siseh, khaubawk le lunghmul an tlun ah siseh, an ral hna nih khan an khua pakhatkhat i an hren hna ah siseh, zei bantuk rai hmanh si ai kun, zei bantuk zawtnak khum si ai kun,

2 SIANGPAHRANG 17:3

Amah cu Assiria siangpahrang Shalmaneser nih a doh; cun Hoshea kha a tangum ah a cang i ngunkhuai a pek.

2 CHANRELNAK 24:24

Siria ralkapbu cu mi tlawmte he an ra ko na in, annih kut chungah khan Bawipa nih ralkapbu nganpi cu a pek hna, zeicahtiah annih nih Bawipa, an pupa hna Pathian kha an hlawt. Cuticun Joash cungah biaceihnak kha an tlunter.

SALM 94:1

Bawipa, nang cu phuhlamtu Pathian na si, na thinhunnak kha langhter tuah.

EXODUS 5:3

Annih nih, “Hebru mi Pathian nih khan a kan ton. Bawipa kan Pathian sinah cun raithawinak kan tuah khawh nakhnga, ni thum lamkal ah thetse ram ah cun kan kalter ko. Kan kal lo ahcun rai in maw asiloah ral in maw a kan thah sual lai,” an ti.

ISAIAH 1:20

Sihmanhsehlaw ka bia kha nan ka al i nan ka doh ahcun nan thi ko lai. Hi bia cu Bawipa nih ka chim,” a ti.

ISAIAH 65:12

Kan kawh hna tikah nan ka let lo i ka chim tikah nan ngaih lo caah sar thih in nan thi lai. Ka nawl zulh duh lo le ṭhat lonak tuahtu kha nan i thim.

JEREMIAH 19:7

Hi hmun ah hin Judah le Jerusalem khuakhannak kha thawl khuai bantukin ka khuai lai. Annih cu an ral hna nih khan an tei hna lai i vainam in an thah hna lai. An ruak cu van i a zuangmi va hna le vawlei i a tlongmi saram hna sinah rawl caah ka pek hna lai.

JEREMIAH 24:10

Cun anmah le an pupa hna sinah ka pekmi hna ram in annih cu hrawh cikcek an si hlantiang, an cungah vainam le mangṭam le rai ka tlunter lai,” tiah a ti.

JEREMIAH 50:28

Babilon in a luatmi saltang hna cu Zion ah an ra i Babilon mi hna nih Bawipa biakinn cung i an tuahmi thil ruangah Bawipa kan Pathian nih an cung i phuhlamnak a tuahmi kha an rung chim.

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

JEREMIAH 9:16

An pupa nih si hna seh, anmah nih si hna seh, an hngalh bal lomi miphun hna sinah ka ṭhek hna lai i ka lim cikcek hna hlantiang vainam kha ka thlahhnawh hna lai, tiah a ti.

ṬAHNAK HLA 2:21

Khuachung lam ah khin mino he micang he an ril liangluang ko. Ka ngaknu thiang hna le ka tlangval hna cu vainam le rai in an tlu cang; Nangmah nih na thinhun ni ah na thah hna i zaangfahnak um loin na thah hna.

EZEKIEL 14:17

Asiloah, cu ram ah cun vainam kha tlunter ning law cu vainam cu ram chung dihlak ah khan kal in minung le saṭil kha that hna tiah nawl pe ning law,

EZEKIEL 20:37

“Ka fung tangin kan lanhter hna lai i biakamnak chungah kan luhpi hna lai.

EZEKIEL 29:8

Cucaah hihi Bawipa Pathian bia cu an si: Na cungah mi he saram he thah awkah vainam ka tlunter lai.

EZEKIEL 33:2

“Mipa, na mi cu chim hna law, hitihin ti hna: Ram pakhatkhat doh awkah ralkapbu cu ka kalter hna tikah, cu ram mi nih cun anmah lak i pakhatkhat cu ralvengtu ah an i thim hna.

EZEKIEL 5:17

nannih cu mangṭam le sahrang kha kan thlahhnawh hna lai i nan fale kha an thah dih hna lai. Rai le thisen chuahnak nih an in tlunhnawh hna lai i vainam cu nan cungah ka tlunter lai, tiah Bawipa nih ka chim,” tiah a ti.

EZEKIEL 6:3

‘Israel ram tlang hna, Bawipa Pathian bia hi ngai tuah u,’ ti hna. Mah hihi tlang hna sin le fing hna sin le nelrawn hna sin le horkuang hna sin i ka chim duhmi bia cu an si; nan cungah vainam kha ka tlunter lai i nan khuahrumbo vialte kha ka hrawh dih hna lai.

HOSEA 11:6

Ral nih an khua kha an lak dih hna lai i khua kutka hrenhnak thingtluan hna cu an khiah dih hna lai. Lungthin cheuhnak ṭhalo kha ka mi nih an zulh caah ral nih cun an hrawh dih hna lai.

LEVITIKAS 26:6

Cun ram chungah daihnak ka chiah lai i nan it lai i ahohmanh nih nan thin an in phanter hna lai lo; cun ram chungin sahrang ṭhalo kha ka ṭhial hna lai i vainam kha nan ram chungah aa chawk lai lo.

AMOS 4:10

Izipt cung i ka tluntermi rai bantuk kha kan thlahhnawh hna, Nan tlangval hna le nan rangtum run hna cu vainam in ka thah hna. Nan riahhmun hna cu a thut in ka thutter hna, Sihmanhsehlaw ka sinah nan kir hlei lo. Hihi Bawipa bia hrimhrim a si.

HABAKKUK 3:5

A hmaiah rai kha a kal i a kalnak paoh ah zawtnak nih a zulh.

NAMBAR 14:12

Rai in ka hrem hna lai i ka hlawt hna lai, nangmah chung hin annih nak i a ngan deuh le a ṭhawng deuh miphun ka ser lai,” tiah a ti.

NAMBAR 16:49

Cun Korah kongah a thimi hleiah, rai in a thimi cu sang khat thong li le za sarih an si.

NAMBAR 31:3

Cun Moses nih mi hna sinah cun, “Midian cungah Bawipa phuhlamnak tuah awkah annih nih Midian kha an doh nakhnga nannih lak in raldohnak caah mi thim hna u.

LUKA 21:11

hmun kip ah ṭih a nungmi lihnin le mangṭam le ngal-eu zawtnak a tlung lai; thil ṭihnung le hmelchunhnak ngan pipi kha van in an lang lai.

DEUTERONOMI 28:21

Co awkah nan luhhnawhmi ram in an thianh hna hlantiang, Bawipa nih rai kha nannih sinah a behter lai.

DEUTERONOMI 32:25

Tlangval he ngaknu he, Hnuktlai lio he ṭuakpar he, Lengah vainam nih a thah hna lai i Inn chungah tuksapur thil a um lai.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

DEUTERONOMI 32:41

Ka nam tleu ka tat i Biaceihnak kha ka kut nih a tlaih ahcun, Ka ral hna kha phu ka hlam hna lai i A ka huatu kha ka rulh hna lai.

BIACEIHTU 15:11

Cun Judah ram mi cu mi thong thum Etam lungpi kak ah cun an vung kal i Samson cu, “Filistin mi hi a kan uktu an si hi na hnga lo maw? Cu ti a si ṭung ah cun, kan cung i na tuahmi hi zeidah a si kun?” tiah an ti. Cun anih nih, “Ka cungah an tuah bantukin pei an cungah ka tuah ve ko cu,” tiah a ti.