LEVITIKAS 26:19 - Lai (Hakha) Common Language Bible 2006

¹⁹ nan ṭhawnnak nan i porhlawtnak kha ka hrawh lai i nan van hna cu thir bantuk ah ka ser hna lai i nan vawlei cu dar bantuk ah ka ser lai;

LEVITIKAS 26:19 ပူးပေါင်းရင်းမြစ်များ

1 SIANGPAHRANG 17:1

Gilead ram chung Tishbe khua Tishbe mi Elijah nih Ahab cu a thawh i, “Bawipa, Israel Pathian, a hmaika i ka dir tawnmi a nun bangin, dap siseh, ruah siseh, ka bia in dah ti lo ahcun, hi kum hna chungah hin a um lai lo,” tiah a ti.

1 SIANGPAHRANG 8:35

“Cun nangmah cung i an sual ruangah van cu a pih i ruah a sur lo tikah, hi hmun lei hoih in thla an cam i na min kha an upat i nangmah nih na hrem hna tikah, an sualnak kha an mertak ahcun,

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.

ISAIAH 25:11

Ti aa liomi nih ti an i lio tikah an kut an samh bantuk khin annih zong nih an kut an samh ve lai, sihmanhsehlaw an ke an chaih fate an i porhlawtnak nih khan an kut cu tanglei ah a hnuh lengmang hna lai.

ISAIAH 26:5

Aa porhlawmi cu a ṭhumh hna, an umnak khua ṭhawng kha a hrawh i a kulhnak vampang cu a chimh hna i leidip lakah an tlu.

ISAIAH 28:1

Israel ram cu a lo cang! A sunparnak cu, a mi hruaitu upa pawl, zu a ri zungzalmi nih an i chinhmi pangpar luchin bangin a ziam cuahmah cang. Aa porhlawmi an lu hna cu zihmui an i thuh, sihmanhsehlaw an ril ko, thi koin an ri i an ril ko.

JEREMIAH 13:9

Hi bantuk hin Judah aa porhlawtnak a nganmi le Jerusalem aa porhlawtnak a nganmi kha ka hrawh lai.

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

EZEKIEL 24:21

Israel mi cu va chim hna law hihi Bawipa bia a si: Nan i bochanmi nan Biakinn ṭhawnnak cu nan i porhlaw. Nannih nih zoh nan duh ngaingai i a chung i va len kha nan duh; sihmanhsehlaw Bawipa nih a thurter lai. Cun nan fale hna Jerusalem i a tangmi hna kha, ral ah an thi lai.

EZEKIEL 30:6

Mah hihi Bawipa bia cu an si: Izipt a bawmmi paoh cu an tlu lai i Izipt nih aa uanthlarmi a thazang cu ṭhumh a si lai; Migdol in Saien tiang vainam in mi an thi lai. Hihi Bawipa Pathian bia hrimhrim a si, a ka ti.

EZEKIEL 33:28

Ram cu a ṭiaomi ram ah ka ser lai; aa porhlawtmi a thazang cu pakpalawng ah a cang lai i Israel tlang hna cu ke pal lomi thetse ram ah an cang lai.

EZEKIEL 7:24

Miphun hna lak i a nauta bik kha an inn cu ka coter hna lai; a ṭhawngmi an i zumhnak kha ka zorter lai i an hmunthiang hna cu thurhhnawmh an si lai.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

LUKA 4:25

Cucaah ka bia hi ngai hmanh u. Elijah chan i kum thum le a cheu khua a khen i Israel ram chung dihlak ah pam a tlun ah khan, cu ram chungah nuhmei tampi an rak um taktak ko,

DEUTERONOMI 11:17

cu ti nan tuah ahcun Bawipa thinhunnak cu nan cungah a alh lai i, van khi a khar hna lai i, ruah a sur lai lo i, vawlei nih a theitlai a chuahter lai lo i, Bawipa nih an pekmi hna ram ṭha hin khulrang tein nan lo sual ko lai.

DEUTERONOMI 28:23

Cun nan lu cung van hna khi dar an si lai i, nan tanglei vawlei hi thir a si lai.

1 SAMUEL 4:11

Pathian biakamnak kuang kha an tlaih; Eli fapa pahnih Hofni le Phinehas zong kha an thi.

1 SAMUEL 4:3

Cun ralkap pawl cu an riahhmun ah an rat tikah, Israel upa hna nih cun, “Zeicahdah Bawipa nih nihin ah hin Filistin mi hna hmaiah a kan sunghter hnga? Bawipa cu kan sinah a rat i kan ral hna ṭhawnnak chungin a kan khamh nakhnga Bawipa biakamnak kuang kha Shiloh in hika ah hin ratpi u sih,” tiah an ti.