LEVITIKAS 26:17 - Lai (Hakha) Common Language Bible 2006

¹⁷ ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

LEVITIKAS 26:17 ပူးပေါင်းရင်းမြစ်များ

GENESIS 4:12

Lo na thlawh tikah vawlei nih rawl zeihmanh an chuahpiak lai lo; vawlei cungah inn ngei loin a vak lengmangmi na si lai,” a ti.

1 SIANGPAHRANG 8:33

“Na mi Israel mi hna nih nangmah cung i an sual caah an ral hna hmaiah an sungh tikah, nangmah leiah khan an i mer ṭhan i na min kha an upat i nangmah kha hi inn chungah an in nawl i na sinah thla an cam ahcun,

2 SIANGPAHRANG 13:3

Cun Bawipa thinhunnak cu Israel cungah a alh i Siria siangpahrang Hazael le Hazael fapa Benhadad hna kut chungah khan annih cu a pek lengmang hna.

2 SIANGPAHRANG 13:7

Zeitintiah Jehoahaz ralkap hna cu rangcung ralkap sawm nga le rangleng pahra le ke ralkap sang khat nak tam an tang ti lo; zeicahtiah Siria siangpahrang nih a hrawh hna i rawl cil tik i leidip bantuk ah khin a ser hna.

SALM 44:10

Kan ral hna hmaiah na kan zamter i kan thil kha an i lak.

SALM 53:5

Sihmanhsehlaw Pathian nih nan ral hna cu an ruh kha a ṭhek dih hna caah an thin a phang ngaingai lai; hmasa i an thin a rak phan tawnning bantuk sawhsawh kha si loin atu cu an thin a phang taktak lai. Annih cu a hlawt cang hna caah an sung cikcek lai.

SALM 53:6

Israel khamhnak cu Zion in ra seh ti ka hei duh hringhran dah! Pathian nih a mi cu rumnak a pek ṭhan hna tikah Jakob tefa cu an lung aa lawm lai, Israel mi cu an tha a nuam lai.

PHUNGTHLÛKBIA 28:1

Miṭhalo cu ahohmanh nih dawi loin an zam, sihmanhsehlaw miding mi cu chiandeih bantukin an ral a ṭha.

ISAIAH 30:17

Ral pakhat nan hmuh tikah, thong khat nan zam lai i nan dihlak in an zamtertu hna dingah hin ral panga lawnglawng a za ko lai. Nan ralkapbu chung khan ahohmanh an tang lai lo, tlang par i alan nan thlainak tung te lawng kha a tang lai.

ISAIAH 63:10

Sihmanhsehlaw an doh i a ngaih an chiatter. Cucaah Bawipa cu an ral ah a cang i a doh hna.

JEREMIAH 19:7

Hi hmun ah hin Judah le Jerusalem khuakhannak kha thawl khuai bantukin ka khuai lai. Annih cu an ral hna nih khan an tei hna lai i vainam in an thah hna lai. An ruak cu van i a zuangmi va hna le vawlei i a tlongmi saram hna sinah rawl caah ka pek hna lai.

JEREMIAH 44:11

Cucaah Ralkapbu Bawipa, Israel Pathian nih hi bangin a ti: Nan cung i ṭhat lonak tlunter awk le Judah mi kha hloh cikcek awkah ka lung kaa thlek cang.

ṬAHNAK HLA 1:5

A ral hna cu a bawi ah an cang, A ral hna cu nuam tein an um, Zeitintiah a tuahmi a ṭha lomi rel cawk lo ruangah khan Bawipa nih amah cu fak piin dan a tat; A fano cu an lo dih, Ral nih khan saltannak chungah an kalpi hna.

ṬAHNAK HLA 2:4

Ral bantukin a li kha aa koih; Ral bantukin a dir i A rak lawmh tawnmi vialte hna kha A ban ṭhawng in a thah hna; A thinhunnak cu mei bangin Zion fanu thlam cungah a bungh dih.

EZEKIEL 15:7

Annih cu ka hmai ka chiathnawh hna lai, Mei chungin luat hna hmanh seh law mei ṭhiamṭhiam nih a kangh hna lai. Annih cu zumhawktlak loin an um caah ka hmai ka chiathnawh hna lai i Ram cu ka hrawh dih tikah Bawipa ka si cu nan hngalh lai. Mah hihi Bawipa Pathian bia hrimhrim a si, tiah a ti.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

JOSHUA 7:4

Cucaah mi zapi chungin thong thum tluk an hung kal i Ai khuami hna hmaiah an zam len ai,

BIACEIHTU 2:14

Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.

BIACEIHTU 3:14

Cun Israel mi nih Moab siangpahrang Eglon cu kum hlei riat an rianh.

BIACEIHTU 3:8

Cucaah Bawipa thinhunnak cu Israel mi cungah a alh i Mesopotamia siangpahrang Kushan-rishathaim kut chungah khan a zuarh hna; cu caah Israel mi nih cun Kushan-rishathaim cu kum riat an rianh.

BIACEIHTU 6:2

Cun Midian kut nih cun Israel cu a tei; Midian ruang ah cun Israel mi hna nih tlang i a ummi khor hna le lungkua hna le ralhau hna cu an i ser.

1 SAMUEL 12:15

sihmanhsehlaw Bawipa aw kha nan ngaih lo Bawipa nawlbia kha nan ralchanh ahcun, khi tikah Bawipa kut nih cun nanmah le nan siangpahrang kha an ralchanh hna lai.

1 SAMUEL 31:1

Cun Filistin mi nih Israel mi cu an tuk hna i Israel mi cu Filistin mi hna hmaiah khan an zam i Gilboa Tlang ah cun an thi liangluang ko.

1 SAMUEL 4:10

Cucaah Filistin mi nih cun an tuk hna i Israel mi cu an sung, anmah le an inn cio ah khan an zam dih; i thahnak fakpi a um, Israel mi ke ralkap sang thum an thi.