LEVITIKAS 26:16 - Lai (Hakha) Common Language Bible 2006

¹⁶ kei zong nih mah hihi nan cungah ka tuah ve lai: Nan cungah khulrang ṭihnung, tlumralnak le, mit a hrawktu le nunnak a zorter thluahmahtu ngornak ka tlunter lai. Cun nan thlaici thlakmi cu pakpalawng a si ko lai, zeitintiah nan ral hna nih an ei lai;

LEVITIKAS 26:16 ပူးပေါင်းရင်းမြစ်များ

1 SIANGPAHRANG 8:37

“Ram chungah hin mangṭam a tlun ah siseh, rai a tlun ah siseh, rocarnak le theikung rai a tlun ah siseh, khaubawk le lunghmul an tlun ah siseh, an ral hna nih khan an khua pakhatkhat i an hren hna ah siseh, zei bantuk rai hmanh si ai kun, zei bantuk zawtnak khum si ai kun,

JOB 18:11

Ṭihnak nih a kenkip in an chuahhnawh i a hnulei in an dawi lengmang.

JOB 20:25

Tleu ziarzuar in a ummi a hna cu a hnit in a keng ah a tleng.

JOB 31:8

Ka tuhmi cu midang nih ei hna seh law ka cinthlakmi cu phawi si ko seh.

SALM 109:6

Ka ral cu a bia a ceihpiaktu dingah mihrokhrawl kha thimpiak, cun amah ral lila pakhatkhat nih sual puh hna seh.

SALM 73:19

Chikkhatte ah an rawk i an donghnak cu ṭihnung ngaingai a si.

SALM 78:33

cucaah cun an ni cu thaw bantukin a donghter hna, an nunnak cu chikkhatte ah thil ṭhalo nih a tlunhnawh hna i a dong.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

PHUNGTHLÛKBIA 3:33

Bawipa chiatserhnak cu miṭhalo mi hna inn cungah a tlung i sihmanhsehlaw miding mi hna umnak cu thluachuahnak a pek.

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

ISAIAH 62:8

Bawipa nih biatak tein bia aa kam, a biakam cu a lianhngannak in a tlinter lai. Cu a biakam cu hihi a si: “Nan tirawl cu nan ral hna caah rawl a si ti lai lo i ramdangmi nih nan mitsur hang cu an in dinkanh ti hna lai lo.

ISAIAH 7:2

Judah siangpahrang nih Siria ralkap hna cu Israel ram chung kha an phan cang, ti kha a theih tikah, amah le a mi hna cu an thin a phang tuk hringhran i thlitu nih thingkung a hninh bantuk khin an i hnin.

JEREMIAH 12:13

Ka mi hna nih changvut an cin i hling an zun, Thaba ngaiin an ṭuan, sihmanhsehlaw rawl fang zeihmanh an hmu lo. Bawipa kha a thin a hun caah an kumvui cu a ṭha hrimhrim lo.

JEREMIAH 15:3

“An cungah hrawktu phun li ka chiah lai, tiah Bawipa nih a ti: thattu ah vainam, sehtu ah uico, eitu ah van i a zuangmi va hna le hrawktu ah vawlei i a kalmi saram hna.

JEREMIAH 15:8

An lakah nuhmei hna cu rili thetse nakin ka tamter deuh hna; Chun cingling ah an cungah ramhtu kha ka tlunter ukmak hna. Ral i run chim lai ṭihnung kha an cungah ka tlunter.

JEREMIAH 20:4

“Zeicahtiah hi bangin Bawipa nih a ti: Nangmah cu nangmah lila caah le na hawikom hna caah ṭihnung ah kan ser lai. Na hmuh hngan hrimhrim ah annih cu an ral hna vainam in an tlu lai. Cun Judah ram vialte cu Babilon siangpahrang kut chungah ka pek lai i Babilon ah sal ah a kalpi hna lai i vainam in a thah hna lai.

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

EZEKIEL 24:23

Na lu i khuh loin le na ke lawng in na kal lai lo. Mithi zong na ngai hna in na ṭah hna lai lo. Na sual ruangah na zor thluahmah lai i pakhat le pakhat kha nan i hrumhnawh lai.

EZEKIEL 33:10

Mipa, Israel mi cu chim hna law, nannih nih, ‘Kannih cu kan sualnak ruang le kan nawl buarnak ruangah khan kan phorh a rit ko; cu ruangah cun kan tlum kan ral thluahmah ko, nunnak caah hin ruahchannak zeihmanh kan ngei lo,’ tiah nan phunzai lengmang, ti hna.

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

MIKAH 6:15

Thlaici cu nan tuh lai, sihmanhsehlaw nan zun lai lo, Oliv chiti cu nan sur lai, sihmanhsehlaw nan hmang hna lai lo, Mitsur thei cu nan nen hna lai, sihmanhsehlaw a hang cu nan ding hna lai lo.

HAGGAI 1:6

A tuh cu tampi nan tuh ko, sihmanhsehlaw tlawmte lawng nan zun; a ei cu nan ei ko, sihmanhsehlaw nan orthi a hnim bal lo; a din cu nan din ko, sihmanhsehlaw nan i za ceoceo tiang lawng a si; puan cu nan i aih ko, sihmanhsehlaw nan khua a lum bal lo; rianṭuantu nih khan an ṭuan man an hmuhmi cu zal pem chungah an sanh lengmang ko.

ZEKHARIAH 14:12

Jerusalem a dohtu miphun vialte kha Bawipa nih a tuk lai i rai an in dingmi cu hihi a si lai; an dir ko lioah an sa kha a tlol lai, an mitkuak chungah an mit kha an thu lai, an kaa chungah an lei kha an tlol lai,

MALAKHI 2:3

Nan ban kha kan tan hna lai i nan hmaiah ek in kan cheh hna lai, nan puai ca i nan pekchanhmi saṭil ek cun kan cheh hna lai: cun ka hmaika khan kan dawi hna lai.

DEUTERONOMI 28:51

Nan rawk dih hlantiang nan saṭil tefa le nan vawlei theitlai cu an ei lai; an in hloh dih hna hlantiang in, rawl siseh, mitsur hang siseh, chiti siseh, nan saṭil karhnak siseh, nan tuurun fano hna siseh an in nganh hna lai lo.

DEUTERONOMI 32:25

Tlangval he ngaknu he, Hnuktlai lio he ṭuakpar he, Lengah vainam nih a thah hna lai i Inn chungah tuksapur thil a um lai.

HEBRU 10:31

Pathian nung kut chung i tlak cu thil ṭihnung ngaingai a si!

BIACEIHTU 6:11

Cun Bawipa vancungmi cu a ra i Abiezrit fapa Joash ta a simi kuhthing toiah khan a ṭhu; cucu a fapa Gideon nih Midian mi hna sinin thuh awkah mitsur hang nennak chung i changvut a tuk lio kha a si.

1 SAMUEL 2:33

Ka biakṭheng in ka hlonh lai lo ding na mi cu na mit zettertu le na lungretheihtertu ah zuah a si lai i na inn chungah hrinmi fa vialte cu vainam in an thi lai.