LEVITIKAS 26:13 - Lai (Hakha) Common Language Bible 2006

¹³ Keimah cu Bawipa nan Pathian, Izipt ram in an sal nan si nakhnga lo an chuahpitu hna ka si; keimah nih nan seihnam hngawng kual cu ka khiah cang i dingte i dir in kan kalter hna.

LEVITIKAS 26:13 ပူးပေါင်းရင်းမြစ်များ

SALM 116:16

Bawipa, kei cu na sal ka si; ka nu nih na rian a rak in ṭuanpiak bang khan kei zong nih ka ṭuan ve.

EXODUS 14:8

Bawipa nih Faro cu a lung kha a ṭhawnter i Bawipa zohkhenhnak thawngin a chuakmi Israel mi kha a dawi hna.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

ISAIAH 51:23

Kha zu kha nanmah an hremtu hna, lamkalai ah an bawhter hna i an ke in leidip bantukin an lamtu hna kha, ka pek hna lai,” tiah an ti hna.

ISAIAH 9:3

Bawipa, nangmah nih annih cu lunglawmhnak nganpi na pek hna i an tha na nuamter hna. Mi nih rawl an ṭuan tikah an i lawmh bantuk le an tlaihmi hranchaw an i phawt tikah an i lawmh bantukin Nangmah nih na tuahpiakmi hna cungah khan an i lawm.

JEREMIAH 2:20

“Hlanpi ah na hngawngkual cu na khiah cang i na hri cu na chah cang hna i, ‘Na sal ka si ti lai lo,’ na ti. Asinain, tlang sang kip cungah le thing hring kip toiah hlawhhlangnu bangin na it.

JEREMIAH 28:2

“Mah hihi Ralkapbu Bawipa, Israel Pathian bia cu a si: Babilon siangpahrang hngawngkual cu ka khiah cang.

JEREMIAH 28:4

Hi hmun ah hin Judah siangpahrang Jehoiakim fapa Jekoniah le Judah ram in Babilon ah a kalmi saltang vialte hna zong kha ka kirpi hna lai, tiah Bawipa nih a ti, zeicahtiah Babilon siangpahrang hngawngkual cu ka khiah lai, a ti,” tiah a ti.

EZEKIEL 30:18

Tahpanhes ah, Izipt seihnam cu ka chiah tikah, Khika ah chun ceu cu a mui lai; Khi tikah aa uanthlarmi a ṭhawnnak cu tei a si lai; Minmei nih a zelh lai i a fanu hna cu sal ah an taang lai.

EZEKIEL 34:27

Ram chung thing nih khan thei an tlai lai, vawlei nih khan rawl a chuah lai i mi cu anmah le an vawlei cio ah lungdai tein khua an sa lai. An hreng kha ka khiah hna i sal i a zuartu hna kut chung khan ka chuah hna tikah Bawipa ka si kha an ka hngalh lai.

HOSEA 11:4

Sihmanhsehlaw hruainak hri in ka khih hna i dawtnak in ka hruai hna kha an hngal lo. Ngakchia bantukin ka bel ah ka hun cawi hna i rawl khaih awkah ka kunhnawh hna.

LEVITIKAS 25:38

Keimah cu Bawipa nan Pathian Kanaan ram kha nanmah pek awk le nan Pathian si awkah Izipt ram chungin an chuahpitu hna ka si.

LEVITIKAS 25:42

Zeitintiah anmah cu, Izipt ram in ka chuahpimi ka sal an si; sal ah zuar an si lai lo.

LEVITIKAS 25:55

Zeitintiah keimah caah cun Israel mi cu ka sal an si; Izipt ram in ka chuahpimi ka sal an si; keimah cu Bawipa nan Pathian ka si.

NAHUM 1:13

Assiria nih nan hngawng ah an in banhmi hna hngawngkual kha ka khiah lai i an in khih hnanak cikcin kha ka chah lai, tiah a ti.