LEVITIKAS 26:11 - Lai (Hakha) Common Language Bible 2006

¹¹ Cun ka umnak cu nanmah lakah ka ser lai i ka nunnak nih an hua hna lai lo.

LEVITIKAS 26:11 ပူးပေါင်းရင်းမြစ်များ

2 SAMUEL 7:7

Israel mi vialte he kaa chawhnak hmun dihlak ah, ka mi Israel mi hna kha zohkhenh awk i nawl ka pekmi Israel mi biaceihtu hna aho sin tal ah, “Zeicahdah sidar inn na ka sakpiak lo?” tiah bia kaa khat tal ka chim maw?’ a ti tiah va chim.

1 SIANGPAHRANG 6:13

Cun Israel mi hna sinah khan ka um lai i ka mi Israel mi kha ka hlawt hna lai lo,” tiah a ti.

1 SIANGPAHRANG 8:13

A sunglawimi inn, nangmah kan sakpiak cang, Zungzal in na umnak ding caah,” tiah a ti.

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

SALM 106:40

Cucaah Bawipa cu a mi hna cungah khan a thin a hung i a fih in a fih hna.

SALM 76:2

A umnak inn cu Jerusalem ah khan a si i Zion Tlang cungah khan khua a sa.

SALM 78:59

Cucu Pathian nih a hmuh tikah a thin a hung i cucaah a mi cu a hlawt hna.

EXODUS 25:8

Biakinn pakhat an ka serpiak lai i cuticun an lakah ka um lai.

EXODUS 29:45

Israel mi hna lakah khan khua ka sa lai i keimah cu an Pathian ka si lai.

EXODUS 29:46

Keimah cu Bawipa an Pathian, an sin um awkah Izipt ram in a chuahpitu hna ka si kha an hngalh lai. Keimah cu Bawipa an Pathian ka si.

JEREMIAH 14:21

Na min a umnak kha zeirello in um hlah law A sungmi na bawiṭhutdan cung zongah nihsawhnak phakter hlah. Kan sin i na biakam cu philh hlah law pakpalawng ah ser sawh hlah.

ṬAHNAK HLA 2:7

Bawipa nih amah biakṭheng lila kha a hlawt i A hmunthiang kha chiat a serh. A inn vampang hna cu ral kut chungah khan a pek hna; Bawipa innchung hrimhrim ah khan Puai tuah ni i teinak hawhawt bantukin an au.

JOEL 2:27

Khi tikah Israel, nangmah nih na sin i ka um kha na hngalh lai i Pathian dang si loin, Bawipa keimah cu, na Pathian ka si kha na hngalh lai. Cun ka mi cu ningzahnak nan ing ti lai lo,” tiah a ti.

LEVITIKAS 20:23

Nan hmaiah ka dawimi miphun i an phung kha nan zul hna lai lo; zeitintiah mah cu thil hna cu an tuah caah ka huat hna.

LEVITIKAS 26:15

ka phungbia kha zei i nan rel hna lo i nan nunnak nih ka phunglam kha a huat i cucaah ka nawlbia tuah duh loin ka biakamnak lehlam kha nan hrawh ahcun,

LEVITIKAS 26:43

Sihmanhsehlaw ram cu an kaltak lai i anmah um loin a ṭhin lioah a sabbath hna cu aa lawmhpi lai; cun ka phunglam kha zei ah an rel lo i an nunnak nih ka nawlbia kha an huat caah an ṭhat lonak dantatnak cu an co lai.

LEVITIKAS 26:44

Asinain cu vialte ruang hmanh ah cun, an ral hna ram chung i an um tikah, ka hlaw hna lai lo, annih kha hrawh cikcek i annih he ka biakam kha hrawh tiangin ka hua fawn hna lai lo; zeitintiah keimah cu Bawipa an Pathian ka si.

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

EFESA 2:22

Amah he nan i pehtlaihnak thawngin nannih zong hawi dang vialte he, Pathian nih a Thlarau in a umhnawhmi inn ah ser nan si cang.

DEUTERONOMI 32:19

“Bawipa nih a hmuh i a hlawt hna, A fapa hna le a fanu hna nih a thin an phawh caah,

JOSHUA 22:19

Atu cu, nan ram kha a thian lo a si ahcun, Bawipa puan biakinn a dirnak Bawipa ram chungah khan ra ve u law, kan lakah covo i lak ve ko ngat u; sihmanhsehlaw Bawipa tu cu doh hlah u law, Bawipa kan Pathian biakṭheng hleiah a dang biakṭheng sernak in kannih zong kha amah dotu bantuk ah rel chih kan siter ve hlah u.

JOSHUA 22:31

Cun tlangbawi Eleazar fapa Phinehas nih Reuben mi hna le Gad mi hna le Manasseh mi hna cu, “Bawipa cungah rawinak nan tuah lo caah, Bawipa cu kan lakah a um, tiah nihin ah kan hngalh; Israel mi hna cu Bawipa kut chungin nan khamh cang hna,” tiah a ti hna.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

BIAPHUAN 7:15

Cucaah cun Pathian bawiṭhutdan hmaiah an dir i chunzan in biakinn chungah a rian kha an ṭuan. Bawiṭhutdan cung i a ṭhumi nih khan a umpi hna i a ven hna.