LEVITIKAS 25:6 - Lai (Hakha) Common Language Bible 2006

⁶ Cu ram sabbath nih cun rawl an pek hna lai, nanmah caah siseh, nan salnu nan salpa hna caah siseh, man pekmi sinum siseh, nannih sin i a ummi mipem caah siseh;

LEVITIKAS 25:6 ပူးပေါင်းရင်းမြစ်များ

2 SIANGPAHRANG 19:29

Cun Isaiah nih Siangpahrang Hezekiah cu, hihi nangmah caah hmelchunhnak a si lai, a ti: tukum le kumvoi cu rawl a hlih nan i rinh lai; asinain a kum thumnak ah cun rawl kha nan tuh lai, nan ṭuan lai; mitsur dum kha nan ser hna lai i an theitlai kha nan ei hna lai.

EXODUS 23:11

Sihmanhsehlaw kum sarihnak kum ah cun nan dinhter hna lai i an chungin a chuakmi kha nan la hna lai lo. Cuka i a vuimi cu nan lak i a ummi nan misifak nih i lak hna seh law an nganhmi cu saram nih ei hna seh. Nan mitsur dum le oliv dum zong cu bantuk ṭhiamṭhiam in nan tuah lai.

LEVITIKAS 25:20

Nannih nih, ‘Kum sarihnak kum ah cun zeidah kan ei kun lai, thlaici kan thlak lo i kan tirawl kan pumhkhawmh hna lo ahcun?’ tiah nan ti ahcun,

LEVITIKAS 25:21

kum ruknak kum ah khan ka thluachuahnak cu nan cungah nawl ka pek lai i kum thum ca in theitlai a chuah lai.

LEVITIKAS 25:5

Nan rawl hlih cu nan ṭuan hna lai lo i nan sersiam lomi mitsur ruang i mitsur thei cu nan lo hna lai lo; mah kum cu ram caah cun dinh zirziarnak kum a si lai.

LEVITIKAS 25:7

nan saṭil ca le nan ram chung i a ummi saram ca zongah ram nih a voimi vialte cu rawl caah a si lai.

LAMKALTU 2:44

A zummi vialte hna cu i kom ṭhipṭhep tein khua an sa i an thil kha pakhat le pakhat an i hrawm.

LAMKALTU 4:32

Cun zumtu hna cu an bu ningte in an ruahnak le an lungthin aa khat dih. Ahohmanh nih an thil kha, keimah ta, an ti lo i an ngeihmi paoh kha an i hrawm dih.