LEVITIKAS 25:43 - Lai (Hakha) Common Language Bible 2006

⁴³ Amah cu hrang piin na uk lai lo, sihmanhsehlaw na Pathian kha na ṭih lai.

LEVITIKAS 25:43 ပူးပေါင်းရင်းမြစ်များ

GENESIS 42:18

A ni thumnak ni ah Josef nih a thawh hna i, “Kei cu Pathian biami ka si caah hi ka chimmi nan tuah ahcun nan nunnak cu nan luat lai:

2 CHANRELNAK 28:10

Cun atu cu nannih nih Judah mi hna le Jerusalem mi hna cu pa he nu he nan sal i zuat hna awkah nan i tim. Nannih tah Bawipa nan Pathian cungah nan sualnak a um ve lo maw?

JOB 31:13

Ka salpa siseh, ka salnu siseh, ka cung i an phunzai tikah an bia ka lakpiak hna lo ahcun,

JOB 31:14

Pathian a langh tikah zeidah ka tuah kun lai? Biahalnak a ser tikah zei in dah ka leh lai?

EXODUS 1:17

Sihmanhsehlaw nau hrintertu sayamah hna nih cun Pathian kha an ṭih caah siangpahrang nawl kha an zul lo i pa zong kha an nunh hna.

EXODUS 1:21

Sayamah hna nih khan Pathian kha an ṭih caah Pathian nih annih cu tefa a pek hna.

EXODUS 2:23

Caan saupi hnuah Izipt siangpahrang kha a hung thi. Israel mi cu an sal cannak ah khan an hrum an ai lengmang ko i bawmhnak hal in an ṭap. An ainak cu Pathian sin kha a phan i

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

EXODUS 3:9

Israel mi an ainak kha ka theih cang i Izipt mi nih zeitluk in dah an hrem hna kha ka hmuh.

EXODUS 5:14

Faro sal uktu pawl nih khan Israel mi kuli khawng pawl, rian zohtu i an chiahmi hna cu, fung in an tuk hna i, “Zeicahdah hmasa i nan sermi zat tlakrawh kha nihin ah nan ser lo,” an ti hna.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

ISAIAH 58:3

Mi nih khan an i thawh i, “Bawipa nih a hmuh hrathrai ding ṭung lo ahcun zeicahdah rawl cu kan ulh lai? Zei i a rel ṭung lo ahcun zeicahdah harnak cu kan in lai?” an ti. Bawipa nih a thawh hna i, “Rawl nan ulh pah ah pei nanmah duhnak kha nan kemh chih i nan rianṭuantu kha nan hrem hna cu.

EZEKIEL 34:4

A bami kha thazang nan pe hna lo, a zawmi kha nan hram hna lo, hma a ingmi kha an hma nan menpiak hna lo, a pingah a kalmi kha nan kirpi ṭhan hna lo i a tlaumi kha nan kawl hna lo; cucu vun chim loin annih cu zaangfahnak ngei lo le puarhrang ngaiin nan uk hna.

LEVITIKAS 25:17

Pakhat le pakhat nan i hleng lai lo, sihmanhsehlaw nan Pathian kha nan ṭih lai; zeitintiah keimah cu Bawipa nan Pathian ka si.

LEVITIKAS 25:42

Zeitintiah anmah cu, Izipt ram in ka chuahpimi ka sal an si; sal ah zuar an si lai lo.

LEVITIKAS 25:44

Salnu salpa nan ngeih awk hngami hna cu, nan velchum i a ummi miphun hna chungin salnu salpa caah cun nan cawk hna lai.

LEVITIKAS 25:46

Nan hnu i nan fapa hna kha, zungzal in co awkah nan roh khawh hna lai; annih cu sal ah nan ser khawh hna lai, sihmanhsehlaw Israel mi nan unau a simi hna cu, pakhat le pakhat hrang piin nan i uk lai lo.

LEVITIKAS 25:53

Kum khat hnu kum khat in rawihmi kuli bantuk amah sinah a si lai; na mithmuh ah hrang piin amah cu a uk lai lo.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

EFESA 6:9

Nannih bawi pawl, cu bantuk ṭhiamṭhiam in nan salle cungah khan um ve u, tlerh le khawnh kha hmang ti hlah u. Nanmah he nan salle he vancung i a ummi Bawi pakhat ta nan si kha hngal zungzal u, cu Bawi nih cun ahohmanh duhdanh loin bia a ceih hna ti kha philh hlah u.

DEUTERONOMI 25:18

zeitindah, nan tha a bat nan re a theih tikah, lam ah Pathian ṭih loin an tuk hna i nan hnuah aa thlaimi a thah dih hna kha va philh hlah u.

KOLOSE 4:1

Bawile hna, nan sal pawl cungah ding te le dawh tein khuasa u. Vancung ah nannih zong Bawi nan ngeih ve kha philh hlah u.