LEVITIKAS 25:36 - Lai (Hakha) Common Language Bible 2006

³⁶ A miak siseh a karh siseh amah sinin na la lai lo, sihmanhsehlaw na Pathian cu ṭih ko; na unau cu na sinah khua a sak khawh nakhnga.

LEVITIKAS 25:36 ပူးပေါင်းရင်းမြစ်များ

NEHEMIAH 5:15

Keimah hlan i a rak ummi uktu bawi hna nih cun mi zapi cungah khan thilrit an chuan i annih sin cun ngun shekel sawm li hleiah rawl le mitsur hang kha an lak hna. An sinum hna hmanh nih mi zapi cu an lalhnawh hna. Sihmanhsehlaw kei nih cun Pathian ka ṭih caah cu bantuk cun ka tuah lo.

NEHEMIAH 5:3

“Kan lo hna le kan mitsur dum hna le kan inn hna cu mangṭam lio i rawl cawknak caah biakamnak caah kan hman cang hna,” an ti;

SALM 15:5

a karh la loin mi tangka a cawih i a sual lomi hna sual phawt awkah ziknawh pek khawh lomi cu an si. Hi thil a tuahmi hna cu an i hnin bal lai lo.

EXODUS 22:24

ka thin a hung lai i raltuknak ah nan thi sual lai. Nan nupile kha nuhmei ah an cang ve ko lai i nan fale kha ngakṭah ah an cang ve ko lai.

EXODUS 22:25

“Nan lakah khua a sami misifak ka mi hna kha ahohmanh tangka nan cawih hna tikah tangka cawihtu nih an tuah tawn bantukin a karh nan la hna lai lo.

PHUNGTHLÛKBIA 28:8

A miak le a karh in a rumnak a chap chintu nih, misifak hna cung i zaangfahnak a ngeimi pa caah khan a khon a si.

ISAIAH 24:2

Ahopaoh nih cu bantuk thil cu ton a si ko lai — tlangbawi nih si hna seh, zapi nih si hna seh, sal nih si hna seh, bawi nih si hna seh, thil cawtu nih si hna seh, a zuartu nih si hna seh, tangka mi a cawihtu nih si hna seh, tangka mi sinin a cawimi nih si hna seh, mirum si hna seh, misifak si hna seh, cu bantuk cu an ton dih ko lai.

JEREMIAH 15:10

Aize, aize, ka nu, zeicahhen na rak ka hrin ngelcel! Hnahnawhnak chung i a um ding le vawlei pumpi he aa ralchanh dingmi minung pei ka rak si ko hi. Aho sin hmanh in tangka ka cawi hna lo i Ahohmanh zong ka cawih fawn hna lo, Sihmanhsehlaw mi kip nih an ka thangchiat.

EZEKIEL 18:13

a miak le a karh in lei a cawihmi, hi bantuk mi cu a nung lai lo. Hi thil fihnung vialte hi a tuah hna caah a thi lai i a thisen kha a lu cungah a tla ko lai.

EZEKIEL 18:17

Biadinglo kha a hrial i a karh in siseh, dongtanh in siseh phaisa a cawih bal hna lo. Ka phungbia kha a zulh hna i ka nawlbia kha a tuah hna. Cu bantuk mi cu a pa sualnak ruangah khan a thi lai lo; a nung ko lai.

EZEKIEL 18:8

A miak lak in siseh, a karh in siseh, tangka a cawih bal hna lo.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

LEVITIKAS 25:17

Pakhat le pakhat nan i hleng lai lo, sihmanhsehlaw nan Pathian kha nan ṭih lai; zeitintiah keimah cu Bawipa nan Pathian ka si.

LEVITIKAS 25:37

Na tangka kha a karh in na cawih lai lo, na rawl zong a miak in na pe lai lo.