LEVITIKAS 24:22 - Lai (Hakha) Common Language Bible 2006

²² Mipem ca le laikhat caah phungbia pakhat nan ngei lai tiah chim hna; zeitintiah keimah cu Bawipa nan Pathian ka si,” tiah a ti.

LEVITIKAS 24:22 ပူးပေါင်းရင်းမြစ်များ

EXODUS 12:49

Cu phunglam nih cun Israel mi taktak zong kha a nenh hna i nan sin i khua a sami ramdangmi zong kha a nenh hna,” tiah a ti.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

LEVITIKAS 24:23

Cu bangin Moses nih Israel mi cu a chimh hna i chiat sertu cu riahhmun lengah an chuahpi i lung in an cheh. Bawipa nih Moses nawl a pek bangin Israel mi nih an tuah.

NAMBAR 15:29

Hngalh loin palhnak a tuahmi caah phungbia pakhat lawnglawng nan ngei lai, amah cu Israel mi taktak a si ah siseh, an lak i a pemmi khual a si ah siseh.

NAMBAR 9:14

Cun nan lakah khual pakhat a pem i Bawipa sin lanhtak puai cu a nawlbia le a phunglam ning in ulh a duh ve ahcun, cu bantuk cun tuah ko seh; mipem ca le mah ram mi caah nawlbia pakhat lawng nan ngeih awk a si lai,” tiah a ti.

DEUTERONOMI 1:16

Cun khi caan ah nan biaceihtu hna cu, ‘Nan unau hna an karlak i bia cu ngaihpiak hna u law, mipa le a unau karah siseh, ramdangmi amah he a ummi he karlak ah siseh, ding tein bia nan ceih lai.