LEVITIKAS 23:8 - Lai (Hakha) Common Language Bible 2006

⁸ Sihmanhsehlaw mei in pekchanhnak Bawipa sinah ni sarih nan tuah lai; ni sarih ni ah cun pumhnak thiang a si lai; rian fak nan ṭuan lai lo,” tiah a ti.

LEVITIKAS 23:8 ပူးပေါင်းရင်းမြစ်များ

EXODUS 12:16

A ni hmasa bik ni le a ni sarihnak ni ah khan biaknak pumhnak nan ngei lai. Cu ni hnih chung cu rian zeihmanh nan ṭuan lai lo, nan ei awk rawl tuahto lawng kha onh nan si.

EXODUS 13:6

Ni sarih chung thilnu phulh lo changreu nan ei lai i a ni sarihnak ni ah Bawipa caah puai nan tuah lai.

EZEKIEL 45:23

Puai chung ni sarih chungah cun nifate in Bawipa sin i khangh thawinak caah dotlami cawtum pasarih le tuukawng pasarih a pekchanh lengmang lai, ni fate in mehehtum pakhat lengmang sual thawinak caah a pekchanh fawn lai.

LEVITIKAS 23:7

A ni khat ni ah a thiangmi pumhnak nan ngei lai, rian fak nan ṭuan lai lo.

LEVITIKAS 23:9

Cun Bawipa nih Moses sinah,

NAMBAR 28:18

A ni khatnak ni ah a thiangmi pumhnak a si lai: rian fak nan ṭuan lai lo,

NAMBAR 28:25

Cun ni sarihnak ni ah a thiangmi pumhnak nan ngei lai; rian fak nan ṭuan lai lo.

NAMBAR 28:26

“Theipar hmasa bik hna ni ah, zarh hna puai ah Bawipa sin i rawl thar changvut thawinak nan pekchanh tikah, a thiangmi pumhnak nan ngei lai; rian fak nan ṭuan lai lo,

DEUTERONOMI 16:8

Ni ruk chung thilnu cawh lo changreu kha nan ei lai; ni sarihnak ni ah Bawipa nan Pathian caah a liannganmi pumhnak a um lai; cu ni ah cun rian nan ṭuan lai lo.