LEVITIKAS 23:40 - Lai (Hakha) Common Language Bible 2006

⁴⁰ Cun ni khatnak ni ah aa dawhmi thingkung theitlai hna le ungkung nge hna le, a hnah a buk liailuaimi thingkung nge hna le, tivakam inhliam hna cu nan lak hna lai i Bawipa nan Pathian hmaiah ni sarih chung nan i lawm lai.

LEVITIKAS 23:40 ပူးပေါင်းရင်းမြစ်များ

SALM 137:2

Kan pawng i a ummi inhliam kung hna ah cun kan tingtang kha kan bah tawn hna.

SALM 92:12

Miding mi cu tumkung bantukin an hninghno lai i Lebanon tlang sidar thingkung bantukin an ṭhang lai.

ISAIAH 35:10

Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.

ISAIAH 44:4

Ti ṭha tein toihmi ram le tiva kam i a khomi inhliam kung bantukin an hninghno lai.

ISAIAH 66:10

Jerusalem a dawmi vialte hna, Jerusalem he cun i lawm ṭi u law amah ruangah cun nan tha nuam tuah u. Hmasa i a rak ṭahtu vialte hna, atu cu amah he cun i lawm tuah u.

LEVITIKAS 23:39

“Thla sarih thla ni hleinga ni ah, ram chungin a chuakmi nan pumhkhawmh dih tikah, Bawipa puai cu ni sarih nan ulh lai; a ni khatnak ni ah cun dinh zirziar a si lai i a ni riat ni zongah cun dinh zirziar a si lai.

LEVITIKAS 23:41

Mah puai hi Bawipa ca puai ah kum khat ah ni sarih nan ulh lai; nan tefachin tiangin zungzal ca nawlbia a si; thla sarihnak thla ah nan ulh lai.

MATTHAI 21:8

Mi tampi nih an puan cu lam ah khan an phah hna i a cheu nih thingnge kha an sam hna i lam ah cun an phah ve hna.

JOHAN 12:13

Cucaah kuhchuk hnah kha an i put i amah don awkah khan an kal i, “Pathian cu thangṭhat ko u! Bawipa min in a rami cu Pathian nih thluachuah pe ko seh. Pathian nih Israel Siangpahrang cu thluachuah pe ko seh,” tiah an au.

JOHAN 16:22

Cu bantuk cun nannih zong nan si lai: atu cu nan ngaih a chia, sihmanhsehlaw kan hmuh ṭhan hna lai i nan lung cu lunglawmhnak in a khat lai; cu lunglawmhnak cu ahohmanh nih an in chuh khawh lomi hna lunglawmhnak phun a si lai.

ROM 5:11

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.