LEVITIKAS 23:39 - Lai (Hakha) Common Language Bible 2006

³⁹ “Thla sarih thla ni hleinga ni ah, ram chungin a chuakmi nan pumhkhawmh dih tikah, Bawipa puai cu ni sarih nan ulh lai; a ni khatnak ni ah cun dinh zirziar a si lai i a ni riat ni zongah cun dinh zirziar a si lai.

LEVITIKAS 23:39 ပူးပေါင်းရင်းမြစ်များ

EXODUS 23:16

Rawl Ṭuan Puai timi kha nan tuah fawn lai; cu puai cu nan lo chung i nan cinthlakmi rawl a theipar hmasa bik an zat caan ah khan a si lai. Kum dongh ah Thingthei Lawh Puai kha nan tuah lai, cu puai cu nan mitsur dum le nan thingthei dum in thingthei nan lawh hna caan ah khan a si lai.

LEVITIKAS 23:24

“Israel mi hna sinah hi bangin va chim tuah. Thla sarihnak thla, a ni khatnak ni ah dinh zirziarnak ni nan ulh lai, muko aw he thanh cukmakmi hngalh camcinnak, a thiangmi pumhnak cu a si lai.

LEVITIKAS 23:34

“Israel mi hna sinah hi bangin va chim tuah. Hi thla sarihnak thla ni hleinga ni hin ni sarih tiang Bawipa ca deu puai a si lai.

LEVITIKAS 23:36

Ni sarih chung Bawipa sinah mei in thawinak nan pek lai; ni riatnak ni ah a thiangmi pumhnak nan ser lai i Bawipa sinah mei in pekchanhnak nan tuah lai; mah cucu a liannganmi pumhnak a si; rian fak zeihmanh nan ṭuan lai lo.

LEVITIKAS 23:40

Cun ni khatnak ni ah aa dawhmi thingkung theitlai hna le ungkung nge hna le, a hnah a buk liailuaimi thingkung nge hna le, tivakam inhliam hna cu nan lak hna lai i Bawipa nan Pathian hmaiah ni sarih chung nan i lawm lai.

DEUTERONOMI 16:13

“Deu puai cu ni sarih chung nan tuah lai, nan phuhri le nan mitsur hang nennak khor in nan pumhkhawmh tikah;