LEVITIKAS 23:32 - Lai (Hakha) Common Language Bible 2006

³² Nannih caah dinh zirziarnak sabbath a si lai i nanmah le nanmah kha nan i temhinter lai; cu thla ni kua ni zanlei in, a thaizing zanlei tiang nan sabbath cu nan ulh lai,” tiah a ti.

LEVITIKAS 23:32 ပူးပေါင်းရင်းမြစ်များ

NEHEMIAH 13:19

Sabbath lai ni i Jerusalem kutka hna ah khua muih hram aa thawk tikah khin, innka cu khar dih awk an si lai tiah nawl ka pek hna i sabbath ni a dih hlantiang hun an si lai lo tiah nawl ka pek fawn hna. Cun sabbath ni ah cun thilrit zeihmanh luhpi an si nakhnga lo, ka sinum hna chungin tlawmpal kha kutka cu ka cawnghter hna.

SALM 35:13

Sihmanhsehlaw annih an zawt tu ah cun ngaihchiatnak thuam kaa hruk i rawl hmanh ka ei lo; ka hawikom ca le ka unau caah lu fakpi khun in thla ka cam tawn bantukin, annih ca zongah cun ka cam.

SALM 51:17

Ka raithawinak cu toidornak lungthin hi a si, maw Pathian, toidornak lungthin le nawl ngaimi lungthin hi na hlaw lai lo.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

LEVITIKAS 16:29

“Cun mah hihi nannih nan phung zungzal a si lai, thla sarih thla a ni hra ni ah nan i temhinter lai i nanmah mi hrimhrim nih siseh, khual nan sin i a ummi nih siseh, rian nan ṭuan lai lo;

LEVITIKAS 16:31

Nannih caah dinh zirziarnak sabbath a si lai i nannih nih nan i temhinter lai; zungzal ca phung a si.

LEVITIKAS 23:27

“Hi thla sarihnak thla a ni hra ni hi remnak ni a si; nannih caah pumhnak thiang caan a si lai i nannih nih nanmah lila cu nan i temhinter lai i Bawipa sinah mei in thawinak nan pek lai.

LEVITIKAS 23:31

Rian zeihmanh nan ṭuan lai lo: nan techin fapar tiangin nan umnak kip ah zungzal ca nawlbia a si.

LEVITIKAS 23:33

Cun Bawipa nih Moses cu a chawnh i,

MATTHAI 5:4

A ṭap a hrammi cu lunglawmmi nan va si dah! Pathian nih an hnemh hna lai.

1 KORIN 11:31

Kanmah le kanmah kha ṭha tein kan i dah hmasa ahcun Pathian biaceihnak kha kan huat lai lo.

HEBRU 4:11

Cucaah Pathian dinhnak chung i kan luh khawh nakhnga fak piin i zuam u sih. Annih nih Pathian nawl kha an rak ngaih lo i an luh khawh lo bantuk khan kannih cu pakhat hmanh um sual hlah u sih.

HEBRU 4:3

Cucaah, “Ka thin a hung i biakam tein, ‘Kaa dinhnak chungah an lut hrimhrim lai lo,’ ka ti,” timi bia nih a sawh duhmi dinhnak chungah a lut i Pathian sinah aa dinmi cu zumtu kanmah tu hi kan si.