LEVITIKAS 23:28 - Lai (Hakha) Common Language Bible 2006

²⁸ Mah ni hrim ah hin cun rian zeihmanh nan ṭuan lai lo: zeitintiah remnak ni a si, nannih ca i Bawipa nan Pathian hmai i remnak ser awk caah tuahmi a si.

LEVITIKAS 23:28 ပူးပေါင်းရင်းမြစ်များ

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

LEVITIKAS 16:30

zeitintiah hi ni ah hin nannih caah, nannih cu thianh awkah, remnak ser a si lai; nan sualnak vialte in Bawipa hmaiah nan thiang lai.

LEVITIKAS 16:33

hmunthiang caah remnak a ser lai, tonnak thlam le biakṭheng caah remnak a ser lai; tlangbawi hna le aa pummi mi vialte caah remnak a ser lai.

LEVITIKAS 16:34

Cun mah hihi nannih caah zungzal phung a si lai, Israel mi hna caah an sualnak vialte ruangah kum khat ah voi khat remnak ser a si lai.” Cun Moses nih Bawipa nih nawl a pek bangin a tuah.

LEVITIKAS 23:27

“Hi thla sarihnak thla a ni hra ni hi remnak ni a si; nannih caah pumhnak thiang caan a si lai i nannih nih nanmah lila cu nan i temhinter lai i Bawipa sinah mei in thawinak nan pek lai.

ZEKHARIAH 3:9

Ni khat ah ram chung sualnak kha ka thianh lai. Joshua hmai i ka chiahmi lung kha hika ah hin a um ko, a chung i mit mit sarih a ummi lung kha.

HEBRU 10:10

Jesuh Khrih nih Pathian duhmi kha a tuah caah, voi khat ah za lak in amah a pum aa pekchanhnak thawng khan kannih cu kan sualnak in a kan thianh cang.

HEBRU 10:14

Voi khat raithawinak in an sualnak thianhpiak a simi hna cu zungzal ca in a tlingmi ah a ser hna.

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

HEBRU 9:26

cu ti tuah a herh a si ahcun, vawlei ser hramthawk in voi tam tuk a in cang hnga. Amah le amah raithawinak i aa hmannak thawngin sualnak kha a hloh khawh nakhnga chan vialte nih donghnak an phak dengmang caan ah hin voi khat ah za lak in a hung lang.

1JOHAN 2:2

Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.

1JOHAN 4:10

Dawtnak cu, Pathian kan rak dawt hi a si lo, amah nih a kan dawt i kan sual ngaihthiamnak caah a Fapa kan sinah a run thlah hi a si.

1JOHAN 5:6

A rami cu Jesuh Khrih hi a si, tipil a innak ti le a thihnak thi he a rami a si. Ti he lawng a ra lo, ti he thi he a ra. Cun cucu biatak a si ti kha Thlarau hrimhrim nih tehte a khaan, zeicahtiah biatak cu Thlarau kha a si.