LEVITIKAS 23:27 - Lai (Hakha) Common Language Bible 2006

²⁷ “Hi thla sarihnak thla a ni hra ni hi remnak ni a si; nannih caah pumhnak thiang caan a si lai i nannih nih nanmah lila cu nan i temhinter lai i Bawipa sinah mei in thawinak nan pek lai.

LEVITIKAS 23:27 ပူးပေါင်းရင်းမြစ်များ

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

SALM 35:13

Sihmanhsehlaw annih an zawt tu ah cun ngaihchiatnak thuam kaa hruk i rawl hmanh ka ei lo; ka hawikom ca le ka unau caah lu fakpi khun in thla ka cam tawn bantukin, annih ca zongah cun ka cam.

EXODUS 30:10

Kum khat ah voi khat in Aaron nih sual ngaihthiamnak thawinak kha a ki cungah hin a tuah lai. Sualnak ca le sual ngaihthiamnak ca i thawimi saram thisen khan Aaron nih hi biakṭheng caah hin ngaihthiamnak a hmuhpiak lai. Hmailei i a ra ding chan zongah hihi tuah hrimhrim awk a si lai. Hi biakṭheng cu a zarh hringhranmi biakṭheng a si, Bawipa sin i pekchanhmi biakṭheng a si.”

ISAIAH 58:5

Rawl nan ulh tikah nanmah le nanmah sifah nan i pe, nan lu cu ram hnah bantukin niam tein nan khun i bawhnak caah khumpuan nan phah i a cungah vutcam nan phulh. Cucu maw rawl ulh nan timi cu a si? Cu nih cun a lung a ton lai ti ah maw nan ka ruah?

LEVITIKAS 16:11

“Aaron nih amah ca i sual thawinak ah cawtum cu a chuahpi lai i amah ca le a innchung khar caah remnak a ser lai; cawtum cu amah ca i sual thawinak caah a thah lai.

LEVITIKAS 16:15

“Cun mi zapi ca i a simi sual thawinak meheh kha a thah lai i a thi cu puanzar chungah a luhpi lai, cun a thi cu cawtum thi a tuah bantuk khan a tuah lai, velngeihnak ṭhutdan cung le velngeihnak ṭhutdan hmai kha a theh lai;

LEVITIKAS 16:16

Israel mi an thian lonak ruang le an phungbuarnak, an sualnak vialte ruangah, cu bangin hmunthiang caah cun remnak a ser lai; cu bantuk ṭhiamṭhiam in an thian lonak chung i annih he a um camcinmi tonnak thlam caah cun a tuah lai.

LEVITIKAS 16:24

hmunthiang ah a pum cu ti in aa kholh lai i a thilpuan cu a aih hna lai i a ra chuak lai i amah ca khangh thawinak le zapi ca khangh thawinak kha a thawi lai i amah ca le zapi caah remnak a ser lai.

LEVITIKAS 23:26

Cun Bawipa nih Moses cu a chawnh i,

LEVITIKAS 23:28

Mah ni hrim ah hin cun rian zeihmanh nan ṭuan lai lo: zeitintiah remnak ni a si, nannih ca i Bawipa nan Pathian hmai i remnak ser awk caah tuahmi a si.

LEVITIKAS 25:9

Cun thla sarih thla ni hra ni ah cun a thangmi muko kha nan chawhpi lai; remnak ni ah cun nan ram chung vialte ah muko cu nan tum thluahmah lai.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

LAMKALTU 27:9

Cuka ah cun saupi kan cam i Tlanhnak Ni zong kha a luan cang caah hmailei i kal ding cu ṭihnung a si cang. Cucaah Paul nih cun ruahnak a pek hna i,

JEIM 4:9

Ngaihchia in um u, ṭap u law ai u; nan nihnak kha ṭahnak in thleng u, nan i lawmhnak kha ngaihchiatnak in thleng u.