LEVITIKAS 23:2 - Lai (Hakha) Common Language Bible 2006

² “Israel mi cu, a caan khiahmi Bawipa puai, nannih nih pumhnak thiang caah nan thanh ding, a caan khiahmi ka puai hna cu, mah hihi an si, tiah chim hna.

LEVITIKAS 23:2 ပူးပေါင်းရင်းမြစ်များ

2 SIANGPAHRANG 10:20

Cun Jehu nih, “Baal caah pumhnak thiang pakhat tuah u,” tiah nawl a pek. Cucaah mah cucu an thanh.

1 CHANRELNAK 23:31

cun Bawipa sinah khangh thawinak hna kha sabbath ni ah siseh, thla thar ah siseh, puai ni ah siseh, cu zat in nan tuah awk a si tining khan Bawipa hmaiah pekchanh camcin a si fate annih nih cu bantuk ṭhiamṭhiam in an tuah lai.

2 CHANRELNAK 2:3

Cun Solomon nih Tair ram siangpahrang Huram kha bia a cah i, “Ka pa David cungah na rak tuah i amah a umnak ding inn saknak caah sidar thing na rak kuat bantuk khan, keimah zong ka kua ve tuah.

2 CHANRELNAK 30:5

Cucaah Israel ram chung dihlak khan, Beersheba in Dan tiang thawng thanh i Jerusalem ah nan ra lai i Bawipa, Israel Pathian i Lanhtak Puai cu nan hman lai tiin mizapi kha thawngthanh awkah khan bia an chuah; zeicahtiah an tining bang khan tampi nih an hmang lo.

EZRA 3:5

cun cu hnuah cun pekchanh camcinmi khangh thawinak, thla thar i pekchanhnak le Bawipa ca i caan ngei in tuahmi puai hna i pekchanhnak le mah lungtho tein Bawipa sinah pekchanhmi thil hna kha an pekchanh hna.

SALM 81:3

Thla thar caan le thla lai caan ah, kan puai ah tuu ki cu tum hna u.

EXODUS 32:5

Cun Aaron cu a thin a phang i sui cawfa hmaiah cun biakṭheng pakhat a ser i mi zapi cu, “Thaizing ah Bawipa upatnak caah puai a um lai,” tiah a thanh hna.

ISAIAH 33:20

Biaknak puai kan tuah tawnnak Zion khua khi zoh hmanh. Jerusalem khi zoh hmanh. Khika um cu zeitluk in dah hnangam a si lai. A cawl in a cawl lomi thlam, a khenhnak fung phawi bal lomi le a hri a cat bal lomi bantuk a si lai.

ṬAHNAK HLA 1:4

Zion lei kalnak lam kha an ṭap, zeitintiah a puai thiang ah khan a rami an um lo; A kutka vialte cu an rawk dih, a tlangbawi hna cu an hrum an ai; A ngaknu hna cu lamhlatpi ah an hnuh hna i Amah hrimhrim nih fak piin a in.

EZEKIEL 44:24

Pakhat le pakhat i siknak a chuah tikah zung ah bia an ceih hna lai i bia cu ka phung ning zulh in an khiah hna lai. Caan ngei in tuahmi ka puai dihlak ah ka phung le ka nawlbia kha an zulh hna lai. Ka sabbath kha thiang tein an ulh hna lai.

HOSEA 2:11

Aa nuamhnak vialte, a khualtlawnnak tehna, thla thar tehna, sabbath tehna, puai tehna cu ka donghter hna lai.

JOEL 1:14

Rawl ulhnak kha thanh u law biaknak caah pumhnak pakhat au u, Hruaitu hna le Judah mi vialte hna kha Bawipa nan Pathian biakinn chungah pum hna u law amah sinah cun au tuah u.

JOEL 2:15

Zion ah muko kha tum tuah u, Rawl ulhnak kha thanh u law biaknak pumhnak kha au tuah u.

LEVITIKAS 23:1

Bawipa nih Moses cu a chawnh i,

LEVITIKAS 23:21

Cu ni theng ah cun thawngthanhnak nan ser lai; a thiangmi pumhnak nan tuah lai; rian fak zeihmanh nan ṭuan lai lo: nan techin fapar tiangin nan umnak kip ah zungzal ca nawlbia a si.

LEVITIKAS 23:37

Hi puai hna hi Bawipa puai caan khiahmi puai cu an si i pumhnak thiang in nan hman hna lai; Mei in khanghmi thawinak hna pekchanh caan a si lai — cu thawinak hna cu khanghthawinak, changvut thawinak, raithawinak, thlet thawinak an si i anmah nite cio ah tuahmi an si — cun puai hna cu Bawipa sabbath hna hlei le Bawipa sinah na pekmi biakamnak thawinak le mah lungtho tein pekchanhmi thawinak hleiah khan a si.

LEVITIKAS 23:4

“Mah hna hi a caan khiahmi Bawipa puai, a thiangmi pumhkhawmhnak, an ca i khiahmi caan cio i nan thanh hngami cu an si.

LEVITIKAS 23:44

Cu bangin Moses nih Israel mi hna cu a caan khiahmi Bawipa puai hna kha a thanh hna.

NAHUM 1:15

Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

NAMBAR 10:10

Nan i lawmh ni le a caan khiahmi nan puai hna le nan thla hramthawknak hna zongah nan khangh thawinak hna le nan daihnak pekchanhnak thawinak cungah muko cu nan tum hna lai; nan Pathian hmai i nannih cu theihhngalh an sitertu hna an si lai: keimah cu Bawipa nan Pathian ka si,” tiah a ti.

NAMBAR 29:39

“Nan biakam thawinak hna le nan lung tho tein thawinak hna hlei ah, mah hna hi nan khangh thawinak hna le nan changvut thawinak hna le nan thlet thawinak hna le nan daihnak thawinak hna caah a caan khiahmi puai hna ah Bawipa sinah nan pekchanh hna lai,” tiah a ti.

JOHAN 5:1

Cu hnuah cun Jerusalem khua ah Judah mi biaknak puai pakhat a um i cu ah cun Jesuh cu a hung kal.

KOLOSE 2:1

Nanmah caah siseh, Laodisia mi hna caah siseh, cun pumpak in a ka hngal lomi hna caah siseh, zeitluk fak in dah ka ṭuan ti kha kan theihter tuah hna lai.

KOLOSE 2:16

Cucaah cun ahohmanh nih nan ei nan dinmi thil kong ah siseh, ni thiang le Thla Thar Puai le Sabbath kong ah siseh, phung in serpiak hna hlah seh.