LEVITIKAS 23:17 - Lai (Hakha) Common Language Bible 2006

¹⁷ Nan umnak hna khan hninh awkah, ephah cheu hra cheu hnih in sermi changreu hlum hnih nan rak put lai; changvut dip in sermi an si lai i thilnu he rawhmi an si lai, Bawipa ca i theitlai hmasa bik hna caah an si lai.

LEVITIKAS 23:17 ပူးပေါင်းရင်းမြစ်များ

NEHEMIAH 10:37

cun tlangbawi hna sinah kan changvut cet kan nawn hmasa bikmi le theikung tlai hmasa bik vialte, mitsur hang thar le chiti hna cu kan Pathian inn i thil chiahnak dal chungah khan rak put awkah bia kan i kam; cun kan lo chungin a chuakmi rawl cheu hra cheu khat cu lothlomi khua nih an thawhmi cheu hra cheu khat a khawltu Levi mi hna sinah khan rak chuahpi awkah bia kan i kam fawn.

EXODUS 22:29

“Rawl nan hmuhmi chungin siseh, chiti le mitsur hang nan hmuhmi chungin siseh, keimah ca thawhlawm pek kha duh loin um hlah u. “Nan fapa nan hrin hmasa bikmi hna kha nan ka pek lai.

EXODUS 23:16

Rawl Ṭuan Puai timi kha nan tuah fawn lai; cu puai cu nan lo chung i nan cinthlakmi rawl a theipar hmasa bik an zat caan ah khan a si lai. Kum dongh ah Thingthei Lawh Puai kha nan tuah lai, cu puai cu nan mitsur dum le nan thingthei dum in thingthei nan lawh hna caan ah khan a si lai.

EXODUS 23:19

“Rawl nan ṭuan hmasa bikmi chung i a ṭha bikbik kha Bawipa nan Pathian inn chungah nan rak put lai. “Tuufa kha a nu hnuk in nan chuang lai lo.

EXODUS 34:22

“Cun Zarh Puai le Thingthei Lawh Puai kha kum dongh ah nan tuah lai.

EXODUS 34:26

“Nan lo chungin a chuakmi theitlai hmasa bik lak i a ṭha bik kha Bawipa inn ah nan rak put lai. “Tuufa cu a nu hnuk in nan chuang lai lo,” a ti.

LEVITIKAS 2:12

Theitlai hmasa bik thawinak caah cun Bawipa sinah nan rak put ko hna lai, sihmanhsehlaw rimthaw caah cun biakṭheng cungah nan khang hna lai lo.

LEVITIKAS 23:10

“Israel mi hna sinah hi bangin va chim tuah, ‘Nannih kan pekmi hna ram chungah nan luh i a rawl nan ṭuan tikah, nan rawl ṭuanmi theitlai hmasa bik phal cu tlangbawi sinah nan ratpi lai,’

LEVITIKAS 23:18

Cun changreu he cun dotla tuufa pasarih kum khat cio a timi le cawtum no pakhat le tuukawng pahnih nan pek lai; Bawipa caah khangh thawinak an si lai, an changvut thawinak le thlet thawinak hna he cun, Bawipa ca i rimthaw mei in thawinak a si lai.

LEVITIKAS 7:13

Lawmhnak ca i daihnak thawinak a pekchanhmi ah cun, thilnu telhmi changreu zong a rak put chih lai.

NAMBAR 15:17

Bawipa nih Moses cu a chawnh i,

NAMBAR 18:12

Chiti lakah a ṭha bik le mitsur hang le tirawl lakah a ṭha bik, Bawipa sinah an pekmi thei tlaiter hna cu, nangmah kan pek.

NAMBAR 18:13

An lo chung i theitlai a hmin hmasa bik, Bawipa sin i an rak putmi hna cu, na ta an si lai; na inn chung i a thiangmi paoh nih an ei khawh lai.

NAMBAR 28:26

“Theipar hmasa bik hna ni ah, zarh hna puai ah Bawipa sin i rawl thar changvut thawinak nan pekchanh tikah, a thiangmi pumhnak nan ngei lai; rian fak nan ṭuan lai lo,

MATTHAI 13:33

Jesuh nih tahchunhnak bia a dang a chimh hna. “Vancung Pennak cu thilnu he aa lo. Cu thilnu cu nu pakhat nih aa lak i changvut rel khat chungah a phulhmi nih cun changvut cu a ning piin a thawhter,” tiah a ti.

ROM 8:23

Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.

1 KORIN 15:20

Sihmanhsehlaw biatak cu hihi a si: Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai tinak aamahkhan a si.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.