LEVITIKAS 23:11 - Lai (Hakha) Common Language Bible 2006

¹¹ cun amah nih faphal cu, cohlannak nan hmuh nakhnga Bawipa hmaiah a hninh lai; sabbath thaizing ah tlangbawi nih cun a hninh lai.

LEVITIKAS 23:11 ပူးပေါင်းရင်းမြစ်များ

EXODUS 28:38

Aaron nih khan cucu a cal ah a chiah lai i Israel mi nih Bawipa an pekchanhmi thawinak ah khan ṭhat lonak a um sual ahcun, cuticun cu ṭhat lonak cu ngaihthiam a si lai. Cucu Aaron nih khan a cal ah aa ponh zungzal awk a si lai, zeicahtiah cu ti a tuahnak thawng cun Bawipa nih an pekchanhmi kha a cohlanpiak hna lai.

EXODUS 29:24

Hi rawl vialte hi Aaron le a fapa hna kut chungah khan na chiah hna lai i Bawipa sinah an pekchanh hna lai; an pekchanh hna tikah an kut in an hler hna lai.

LEVITIKAS 10:14

Sihmanhsehlaw hninhmi ii le thawimi phei cu, nangmah le na fapa hna le na fanu hna le tiah, a thiangmi hmun paoh ah nan ei lai. Zeicaahtiah Israel mi hna pekchanhmi daihnak thawinak chungin, mah hna cu nangmah le na fapa hna vo ah pek nan si.

LEVITIKAS 23:10

“Israel mi hna sinah hi bangin va chim tuah, ‘Nannih kan pekmi hna ram chungah nan luh i a rawl nan ṭuan tikah, nan rawl ṭuanmi theitlai hmasa bik phal cu tlangbawi sinah nan ratpi lai,’

LEVITIKAS 23:12

Cun faphal nan hninh ni ah cun tuufa dotla, a pa, kum khat a timi Bawipa sin i khangh thawinak caah nan thawi lai.

LEVITIKAS 9:21

sihmanhsehlaw an ii le a orhlei phei cu Bawipa hmai i hninh thawinak caah Aaron nih a hninh hna, Moses nawlpek bangin.

RUTH 1:22

Cu bantukin Naomi cu, Moab ram in a kirmi Moab minu Ruth, a fapa nupi he khan a ra kir. Cun annih cu barli ṭuan domh ah khin Bethlehem khua an phan.