LEVITIKAS 23:10 - Lai (Hakha) Common Language Bible 2006

¹⁰ “Israel mi hna sinah hi bangin va chim tuah, ‘Nannih kan pekmi hna ram chungah nan luh i a rawl nan ṭuan tikah, nan rawl ṭuanmi theitlai hmasa bik phal cu tlangbawi sinah nan ratpi lai,’

LEVITIKAS 23:10 ပူးပေါင်းရင်းမြစ်များ

EXODUS 22:29

“Rawl nan hmuhmi chungin siseh, chiti le mitsur hang nan hmuhmi chungin siseh, keimah ca thawhlawm pek kha duh loin um hlah u. “Nan fapa nan hrin hmasa bikmi hna kha nan ka pek lai.

EXODUS 23:16

Rawl Ṭuan Puai timi kha nan tuah fawn lai; cu puai cu nan lo chung i nan cinthlakmi rawl a theipar hmasa bik an zat caan ah khan a si lai. Kum dongh ah Thingthei Lawh Puai kha nan tuah lai, cu puai cu nan mitsur dum le nan thingthei dum in thingthei nan lawh hna caan ah khan a si lai.

EXODUS 23:19

“Rawl nan ṭuan hmasa bikmi chung i a ṭha bikbik kha Bawipa nan Pathian inn chungah nan rak put lai. “Tuufa kha a nu hnuk in nan chuang lai lo.

EXODUS 34:22

“Cun Zarh Puai le Thingthei Lawh Puai kha kum dongh ah nan tuah lai.

EXODUS 34:26

“Nan lo chungin a chuakmi theitlai hmasa bik lak i a ṭha bik kha Bawipa inn ah nan rak put lai. “Tuufa cu a nu hnuk in nan chuang lai lo,” a ti.

EZEKIEL 44:30

Theitlai hmasa bik hna lak i hmasa bik hna le nan thawhlawm zeizong phun zakip vialte cu a ning piin tlangbawi hna ta a si lai. Nan inn chungah thluachuahnak a cam khawh nakhnga changreu ca nawnmi chang a hmasa bik hlum cu tlangbawi kha nan pek hna lai.

LEVITIKAS 14:34

“Co awk i kan pekmi hna Kanaan ram chungah nan luh tikah, nan comi ram chung i inn pakhatkhat ah thinghmui zawtnak ka chiah ahcun,

LEVITIKAS 23:11

cun amah nih faphal cu, cohlannak nan hmuh nakhnga Bawipa hmaiah a hninh lai; sabbath thaizing ah tlangbawi nih cun a hninh lai.

LEVITIKAS 23:17

Nan umnak hna khan hninh awkah, ephah cheu hra cheu hnih in sermi changreu hlum hnih nan rak put lai; changvut dip in sermi an si lai i thilnu he rawhmi an si lai, Bawipa ca i theitlai hmasa bik hna caah an si lai.

LEVITIKAS 23:9

Cun Bawipa nih Moses sinah,

NAMBAR 15:2

“Israel mi hna sinah hi bangin va chim tuah, Nannih nih nan umhnawh laimi ram nannih kan pekmi hna nan phak tik le,

NAMBAR 28:26

“Theipar hmasa bik hna ni ah, zarh hna puai ah Bawipa sin i rawl thar changvut thawinak nan pekchanh tikah, a thiangmi pumhnak nan ngei lai; rian fak nan ṭuan lai lo,

ROM 11:16

Changreu hlum chung i a dar hmasa bik cu Pathian sinah pek a si ahcun, changreu cu a hlum ningin amah ta a si; cun thingkung a hram hna cu Pathian sinah pek an si ahcun a nge zong amah ta an si.

DEUTERONOMI 16:9

“Zarh sarih nan rel lai; nan rawl ṭuan domh ni in zarh sarih nan rel lai.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

JOSHUA 3:15

kuang a putu hna nih Jordan tiva kha an phak i kuang a putu tlangbawi hna ke cu ti chungah aa hnei tikah (rawl ṭuan caan chung cu Jordan tiva hi a kuang a liam ko),

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.

RUTH 1:22

Cu bantukin Naomi cu, Moab ram in a kirmi Moab minu Ruth, a fapa nupi he khan a ra kir. Cun annih cu barli ṭuan domh ah khin Bethlehem khua an phan.