LEVITIKAS 22:3 - Lai (Hakha) Common Language Bible 2006

³ Annih cu, ‘Nan tefachin tiangin, nan tefa vialte hna lakah ahohmanh nih, Israel mi nih Bawipa sinah an pekmi thil thiang hna cu, thian lonak a ngeih lioah a naih ahcun, cu pa cu ka hmaika in hlonh a si lai; keimah cu Bawipa ka si.

LEVITIKAS 22:3 ပူးပေါင်းရင်းမြစ်များ

EZRA 8:28

Cun annih cu ka thawh hna i, “Nannih cu Bawipa caah nan thiang i umkheng zong hi an thiang ve; cun ngun le sui hna cu Bawipa nan pupa hna Pathian ca i mah lungtho tein thawhmi thawhlawm an si.

SALM 16:11

Nunnak lei kalnak lam cu na ka hmuhsak lai; ka sinah na um caah lawmhnak in ka khat i na ka bawmh caah nuamhnak ka hmu zungzal.

SALM 51:11

Na umnak hmun khan ka ṭhawl hlah, na thiang thlarau kha ka lakkanh hlah.

EXODUS 30:33

Hi bantuk chiti a sermi siseh, tlangbawi a si lomi thuhnak ca i hi chiti a hmangmi siseh, cu bantuk mi cu a phunhawi sinin thlei an si lai,’ tiah na chimh hna lai,” a ti.

LEVITIKAS 22:2

“Aaron le a fapale hna kha, keimah sinah Israel mi hna nih an ka pekmi thil thiang cu hrial hna seh, ka min thiang cu an thurhhnawmh nakhnga lo, tiah chim hna; keimah cu Bawipa ka si.

NAMBAR 19:13

Ahohmanh nih mithi aho ruak hmanh siseh, a tawngh i aa thianh lo ahcun, Bawipa puan biakinn kha a thurter; cu pa cu Israel mi sinin hlonh awk a si lai; thianhnak ti kha a cungah theh a si lo caah amah cu thianglo a si lai; a thian lonak cu a cungah a tang rih.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

2 THESALON 1:9

Bawipa cu a mi hna lakah sunparnak hmuh awkah a rat i a zummi vialte nih an hlorh ni, cu Ni lianngan ah cun, annih cu zungzal rawhralnak dantatnak kha an huah lai, Bawipa hmaika khan dawi an si lai i a liannganmi a ṭhawnnak kha an hmu lai lo. Sihmanhsehlaw nannih cu kan in chimhmi hna bia kha nan zumh caah sunparnak a pe i a hlorhtu hna lakah cun nan i tel ve lai.