LEVITIKAS 22:20 - Lai (Hakha) Common Language Bible 2006

²⁰ Dotlak lonak a ngeimi thil zeipaoh nan pechan lai lo, zeitintiah an cohlanpiak hna lai lo.

LEVITIKAS 22:20 ပူးပေါင်းရင်းမြစ်များ

EZEKIEL 45:18

Mah hihi Bawipa Pathian bia an si: Thla khatnak thla, a ni khatnak ni ah cawtum no pakhat dotlami kha nan lak lai i hmunthiang kha nan thianhnak lai.

LEVITIKAS 1:3

“A pekchanhnak cu cawrun chungin khangh thawinak a si ahcun, a tum do a tlami kha pek a si lai; Bawipa hmaiah amah cu cohlan a si nakhnga tonnak thlam innka ah cun a pek lai;

LEVITIKAS 22:24

Zei saram hmanh, a til a kek, a kuai, a tlek a bauhmi paoh cu Bawipa nan pechan lai lo, nan ram chung zongah nan thawi lai lo;

LEVITIKAS 22:25

cun cu bantuk saram ramdangmi sinin nan hmuhmi cu nan Pathian rawl caah nan pechan fawn lai lo. An kiahkuainak thawngin an cungah dotlak lonak a um caah, an cohlanpiak hna lai lo,” tiah a ti.

LEVITIKAS 3:1

“Mi pakhatkhat nih a pekchanhmi cu daihnak thawinak pekchanhnak a si ahcun, cawrun chungin saṭil pakhatkhat, a pa siseh a nu siseh, a pekchanh ahcun, Bawipa hmaiah dotla a pek awk a si lai.

LEVITIKAS 3:6

“A pekchanhmi cu, Bawipa sin i daihnak thawinak pekchanhnak caah, tuurun chungin saṭil pakhat a pa siseh a nu siseh a si ahcun, dotla a si lai.

MALAKHI 1:8

a mit a cawmi saṭil kha kan pekchanh ahcun zeihmanh a poi lai lo, a ke a beimi saṭil si hna seh, a zawmi si hna seh, kan pekchanh hna ahcun zeihmanh a poi lai lo tiin nan ruah caah hin nan ka thurhhnawmh cu a si. Cu bantuk laksawng cu uktu bawi kha va pe tuah hna ngat u. An cohlang hna in mithmai ṭha an pe hna hnga maw, tiah ralkapbu Bawipa nih a chim.

NAMBAR 19:2

“Mah hihi Bawipa pekmi phungbia i a nawlbia cu a si: Israel mi kha nannih sinah cawla sen, soi awk zeihmanh a ngei lo i do a tlami, hngawngkual hlinh bal lomi cu, rak pu hna seh tiah chim hna u.

NAMBAR 29:8

sihmanhsehlaw Bawipa sinah rimthaw khangh thawinak nan pekchanh lai: cawtum no pakhat, tuukawng pakhat, kum khat a timi tuufa a pa pasarih; nannih caah do a tlami kha an si lai;

DEUTERONOMI 15:21

Sihmanhsehlaw do a tlak lo ahcun, a bei ah siseh, a mit a cawt ah siseh, a fakmi dotlak lonak zeipaoh a ngeih ahcun Bawipa nan Pathian sinah nan thawi lai lo.

DEUTERONOMI 17:1

“Bawipa nan Pathian sinah cawtum siseh tuu siseh dotla lo le tlin lonak zeihmanh a ngeimi paoh cu raithawinak ah nan hmang lai lo, zeitintiah mah cucu Bawipa nan Pathian caah fihnung a si.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

1 PETER 1:19

nanmah luatnak man cu a sungmi thi, dotlak lonak zeihmanh a ngei lomi tuufa thi bantuk, Khrih thi kha a si.