LEVITIKAS 21:9 - Lai (Hakha) Common Language Bible 2006

⁹ Tlangbawi ahopaoh fanu nih hlawhhlang cannak in aa thurter ahcun, a pa a thurter a si; amah cu mei in khangh a si lai.

LEVITIKAS 21:9 ပူးပေါင်းရင်းမြစ်များ

GENESIS 38:24

Cu hnu thla thum tluk ah khin Judah cu, “Na fapa nupi ro kha fa a pawi,” tiah an chimh. Judah nih cun, “Khua lengah va chuahpi u law a khangh in va khang u,” a ti.

EXODUS 31:14

Cucaah cun dinhnak ni cu nan ca i ni zarh ah ser a si cang caah, nan ulh hrimhrim awk a si. A ul lomi cu thah a si hrimhrim lai. Dinh ni i rian a ṭuanmi paoh cu a phun hawi sinin thlei a si hrimhrim lai.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

EZEKIEL 9:6

An dihlak in that hna u law hrawk dih hna u, a tar siseh, a no siseh, nu ngakchia si hna seh, ngakchia tete si hna seh, nu si hna seh, that dih hna u; sihmanhsehlaw hmelchunhnak a ngeimi kha cu ahohmanh tawng hna hlah u; ka hmunthiang khan i thawk u,” tiah a ti thawng kha ka theih. Cucaah biakinn hmai khan upa hna nih cun an i thawk.

LEVITIKAS 19:29

“Na fanu cu hlawhhlangnu ah ser in thurter hlah, ram cu hlawhhlangnu sinak chungah, a tla lai i ṭhat lonak a khat sual lai.

LEVITIKAS 20:14

Mipa pakhatkhat nih nupi a ṭhit i a nu zong nupi ah aa serh ahcun, mah cucu ṭhat lo cikcek a si; mei in khangh an si lai, amah he anmah he; nannih lakah cu ṭhat lonak cu um hlah seh.

MALAKHI 2:3

Nan ban kha kan tan hna lai i nan hmaiah ek in kan cheh hna lai, nan puai ca i nan pekchanhmi saṭil ek cun kan cheh hna lai: cun ka hmaika khan kan dawi hna lai.

DEUTERONOMI 22:21

ngaknu cu a pa innka ah an kalpi lai i cu khua chung pa hna nih cun thi lakin lung in an cheh lai, a pa inn chungah hlawhhlangnu aa celhnak in Israel mi lakah hruhnak a tuah caah; cuticun nan lakin ṭhat lonak cu nan thianh lai.

TITAS 1:6

Cu hna cu: Khrihfa upa cu mawhchiat awk a um lomi an si lai, nupi pakhat lawng a ngeimi an si lai, an fale kha a zumtu a simi an si lai i puarhran lei le nawlngaih lo leiah minthang lomi an si lai, ti kha an si.

JOSHUA 7:15

Bawipa biakamnak cu a buar i Israel mi lakah ningzah awk a simi thil a tuah caah, pekchanhmi thil a rak lami cu, amah he a ngeihmi vialte he, mei in khangh a si lai,” tiah a ti.

JOSHUA 7:25

Cun Joshua nih, “Zeicahdah kan cungah harnak na tlunter? Nihin ah Bawipa nih na cungah harnak a tlunter ve,” tiah a ti. Cun Israel mi vialte nih lung in an cheh; mei in an khangh hna i lung in an cheh hna.

1 SAMUEL 2:17

Cu bangin tlangval hna sualnak cu Bawipa mit hmuh ah khan a ngan ngaingai ko, zeicahtiah annih nih Bawipa sin pekchanhnak kha zawmhtaih serhsat in an tuah.

1 SAMUEL 2:34

Cun na fapa pahnih Hofni le Phinehas cungah a tlung lai dingmi hi nangmah caah hmelchunhnak a si lai: an pahnih tein ni khatte ah an thi lai.