LEVITIKAS 21:15 - Lai (Hakha) Common Language Bible 2006

¹⁵ a fale kha a mi hna lakah a thurhhnawmhter hna lai lo; zeitintiah keimah cu Bawipa ka si, keimah nih ka thianter.”

LEVITIKAS 21:15 ပူးပေါင်းရင်းမြစ်များ

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

EZRA 2:62

Hi hna nih hin pupa chanrelnak i a min khumh a simi hna lakah khan an minthlaknak cu an kawl i sihmanhsehlaw an hmu lo, cucaah tlangbawi sinak chung khan a thianglo ah ruah an si caah chuah an si;

EZRA 9:2

An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma,” tiah an ti.

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

LEVITIKAS 19:2

“Hi bangin Israel mibu hna sinah va chim tuah; Nan thian awk a si, zeitintiah keimah, Bawipa nan Pathian cu ka thiang.

LEVITIKAS 20:7

Cu caah i thianter u law, thianghlim tuah u; zeicahtiah kei cu Bawipa nan Pathian ka si.

LEVITIKAS 21:14

Nuhmei maw, makmi maw, thurhhnawmh ciami nu maw, hlawhhlangnu maw, mah hna hi a ṭhi hna lai lo; sihmanhsehlaw amah mi hna chung i ngaknu thiang kha nupi ah a ṭhit lai i

LEVITIKAS 21:16

Cun Bawipa nih Moses cu a chawnh i,

LEVITIKAS 21:8

Amah cu na thianter lai, zeitintiah nan Pathian changreu cu a pechantu a si; nan caah mithianghlim a si lai; zeicahtiah nannih an thiantertu hna Bawipa keimah cu ka thiang.

LEVITIKAS 22:16

cu bantuk tuahnak in ṭhat lonak le mawhnak an thil thiang an ei hna thawngin an cungah i tlunhter hna hlah seh: zeitintiah keimah cu a thiantertu hna Bawipa cu ka si,” tiah a ti.

MALAKHI 2:11

Judah cu zumhawktlak lo a si ko, Israel ram chung le Jerusalem khua chungah mi nih fihnung a simi thil kha an tuah hna; Judah nih ramdang pathian fanu kha a duh hna i a ṭhit hna ruangah Bawipa thiannak kha a buar cang.

MALAKHI 2:15

Pathian nih nangmah cu amah he pum khat le thlarau khat in an ser lo maw? Cu bantukin a tuahmi ah cun aa tinhmi zeidah a si? Aa tinhmi cu Pathian a ṭihzahmi fale ngeih kha a si. Cucaah ahohmanh nih nan nupile kha zumhawktlak loin nan umtak hna lai lo.

MATTHAI 23:17

Mitcaw mihrut hna. A zei cu dah a biapi deuh? Sui cu maw asiloah sui a thiantertu Biakinn cu dah?

ROM 11:16

Changreu hlum chung i a dar hmasa bik cu Pathian sinah pek a si ahcun, changreu cu a hlum ningin amah ta a si; cun thingkung a hram hna cu Pathian sinah pek an si ahcun a nge zong amah ta an si.

1 KORIN 7:14

Zeicahtiah a zummi a si lomipa cu a nupi he an i pehtlaihnak thawng khan Pathian cohlan awk tlak ah a cang i zumtu a si lomi nu cu a va Khrihfa a simi he an i pehtlaihnak thawngin Pathian cohlan awk tlak ah a cang. Hitihin rak si hlah seh law an fale cu lawkih fale bantuk an rak si hnga; asinain atu cu Pathian cohlan awk tlakmi an si.