LEVITIKAS 21:10 - Lai (Hakha) Common Language Bible 2006

¹⁰ “Tlangbawi, a unau hna lak i upa bik a simi, a lu cung i thuhnak chiti toihmi, puan aih awkah thiantermi nih cun a lu cung sam kha a thlah lai lo i a hnipuan zong a thlek lai lo;

LEVITIKAS 21:10 ပူးပေါင်းရင်းမြစ်များ

GENESIS 37:34

Jakob nih a thilpuan kha a thleh hna i a tai ah a ngaihchiat langhternak ah puan nak aa menh i saupi a fapa cu a ṭah lengmang.

2 SAMUEL 15:30

Sihmanhsehlaw David cu Oliv Tlang cho ah khan ṭappah lengmang le kelawng le a lu i khuh in a kai; cun a sin i a ummi vialte nih khan an lu an i khuh i an kai, an kalpah cun an ṭap lengmang.

ESTHER 6:12

Cun Mordekai cu siangpahrang kutka ah khan a kir ṭhan. Sihmanhsehlaw Haman cu a ṭah bu le a lu i khuh in a inn ah khulrang in a ṭin.

JOB 1:20

Khi tikah Job cu a tho i a puan kha a thleh i a lu aa kawngh i vawlei ah a bawk i Pathian kha a biak.

SALM 133:2

Aaron luthlung in a khabe ah, a khabe in a angki hngawng ah a vung luangmi oliv chiti bantuk a si.

EXODUS 29:7

Cun thuh awk chiti kha na lak lai i a lu ah khan na toih lai i amah cu na thuh lai.

EZEKIEL 24:17

Lung ṭhawng in um ko, na ludomh cu naa domh tawn bantukin i domh law na kedan cu i danh tuah. Na hmur cunglei kha i khuh hlah, hnabeidonghnak rawl, timi zong kha ei hlah,” a ti.

LEVITIKAS 13:45

“Mithinghmui, cu zawtnak a ngeimi nih cun, hni puan tlek aa aih lai i a sam cu a thlaiter lai i a hmur cunglei cu aa huh lai i, ‘Ka thianglo, ka thianglo,’ tiah a au lai.

LEVITIKAS 16:32

Cun tlangbawi a pa hmun i tlangbawi si awk i chiti thuhmi le thleidanmi nih la hmangṭhia thil puan thiang kha i hruk in remnak kha a ser lai;

LEVITIKAS 4:3

Sualnak a tuahmi cu Tlangbawi Ngan a si i mizapi cungah mawhnak a tlunter a si ahcun, cawtum no dotla pakhat Bawipa sinah a sualnak hna caah cun a thawi lai.

LEVITIKAS 8:12

Cun thuhnak chiti cu tlawmpal in Aaron lu ah a toih i a thuh i a thianter.

NAMBAR 35:25

cun mibu nih cun mi thattu cu thisen phuhlamtu kut chungin an khamh lai i, mibu nih cun a zamnak khua himnak khua ah khan an kirter ṭhan lai i, a thiangmi chiti thuhmi tlangbawi ngan kha a thih hlantiang cu ka ah cun a um lai.

NAMBAR 6:7

A pa siseh a nu siseh, a unau siseh a far siseh, cu hna an thih hmanh ahcun, aa thurter lai lo; zeicahtiah Pathian sin i aa thleidannak cu a lu cungah a um.

MATTHAI 26:65

Cu bia a theih tikah cun Tlangbawi Ngan nih khan a puan kha a thleh i, “Cucu Pathian thangchiat a si. Tehte dang ahohmanh kan herh ti hna lo. Pathian thangchiatnak bia a chimmi cu nanmah nih nan theih ko cang.