LEVITIKAS 20:6 - Lai (Hakha) Common Language Bible 2006

⁶ “Mi pakhatkhat nih khuavang le camhthiam kha a fuhpanh hna i hlawh a hlanhnawh hna ahcun, cu mi cu ka hmai ka chiathnawh lai i a mi hna lak in ka hlonh lai.

LEVITIKAS 20:6 ပူးပေါင်းရင်းမြစ်များ

SALM 73:27

Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai.

EXODUS 22:17

Sihmanhsehlaw ngaknu pa a hna a tlak lo ahcun ngaknu man kha a lemtu nih cun a liam ṭhiamṭhiam lai.

EXODUS 22:18

“Hnam ngeimi nu kha nan nunter hna lai lo.

ISAIAH 8:19

Kutṭial zoh thiammi hna le thitlawn thiam hna, a awn a aumi kha, hal hna u, tiah mi nih an in ti hna lai. An in thawh hna lai i, “A donghnak in ti ahcun, mi nih hin thlarau kha pei bia an hal awk hna a si i mithi kha pei a nungmi can ah an tlawn awk hna a si cu,” an ti lai.

JEREMIAH 44:11

Cucaah Ralkapbu Bawipa, Israel Pathian nih hi bangin a ti: Nan cung i ṭhat lonak tlunter awk le Judah mi kha hloh cikcek awkah ka lung kaa thlek cang.

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

HOSEA 4:12

Thingtan kha phuannak an hal hna i Funghreu nih khan hngalh an duhmi kha an chimh hna! Annih nih kei cu an ka hlawt cang; Nu hlawhhlangnu i aa cangmi bantukin annih cu pathian dang sinah khan an i pe cang.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

LEVITIKAS 19:26

“Zei sa hmanh a chung i a thi he nan ei lai lo. Kut ṭial zoh siseh, eih siseh, nan tuah lai lo.

LEVITIKAS 19:31

“Khuavang le camhthiam kha fukpanh hna hlah u; annih nih nannih kha thurter awkah va kawl hna hlah u: keimah hi Bawipa nan Pathian cu ka si.

LEVITIKAS 20:27

Pa siseh, nu siseh, khuavang ngei maw camhthiam maw a si ahcun thah a si lai; lung in cheh an si lai; an thisen cu anmah cungah a si lai.”

LEVITIKAS 20:5

cu pa le a innchungkhar hna cu ka hmai ka chiathnawh hna lai i an mi hna lak in ka hlonh hna lai, amah le Molek sin i va hlawhhlan awkah amah a zulmi vialte cu, ka hlonh hna lai.

NAMBAR 15:39

cun nannih nih hmumbor kha nan zoh lai i Bawipa nawlbia vialte kha tuah awkah nan hngalh ṭhan lai, i sum loin zulh nan duh tawnmi nanmah nan lung duhnak le mit duhnak kha nan zul ti lai lo.

LAMKALTU 16:16

Ni khat cu thlacamnak hmun i kan va kal ṭhan tikah khan lim khuavang a ngeimi sal ngaknu pakhat nih a kan ton i cu a lim khuavang nih cun hmailei thil um ding kha a chimter khawh. Cu bantukin hmailei thil kong a chimnak cun a bawile kha tangka tampi a hmuhter hna.