LEVITIKAS 20:5 - Lai (Hakha) Common Language Bible 2006

⁵ cu pa le a innchungkhar hna cu ka hmai ka chiathnawh hna lai i an mi hna lak in ka hlonh hna lai, amah le Molek sin i va hlawhhlan awkah amah a zulmi vialte cu, ka hlonh hna lai.

LEVITIKAS 20:5 ပူးပေါင်းရင်းမြစ်များ

2 CHANRELNAK 21:11

Cuhleiah Judah tlang ram ah khan khuahrum bo a ser hna i Jerusalem khuami kha zumhawktlak lo sinak chungah a luhpi hna i Judah mi kha lam a pialter hna.

SALM 106:39

An thil tuahmi nih hin anmah cu a thurhnawmhter hna i Pathian sinah khan zumhawktlak in khua an sa lo.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

JEREMIAH 3:2

Tlangpar kolh khi hei cuan hna u law zoh hna hmanh u, Khuazei ah khin dah it ṭi loin nan um? Ramlak i Arab mi hna bantukin an duhtu hna kha hngak in lam pawngah nan ṭhu. Hlawhhlan ṭhalo nan tuahnak thawngin ram kha nan thurhhnawmh cang.

JEREMIAH 32:39

Annih cu an nunning ah tinhmi pakhat lawngte ka pek hna lai: cucu anmah ca le an tefa hna ca i a ṭhami keimah ṭih zungzal kha a si lai.

JEREMIAH 44:11

Cucaah Ralkapbu Bawipa, Israel Pathian nih hi bangin a ti: Nan cung i ṭhat lonak tlunter awk le Judah mi kha hloh cikcek awkah ka lung kaa thlek cang.

HOSEA 2:13

Baal sin i raithawinak a khangh ni, a ni thiang hna, Hnatonh aa tonh i ṭhi aa oih i a duhtu hna a dawi hna i keimah a ka philh ni hna ruangah khan dan ka tat lai, tiah Bawipa hrimhrim nih a ti.

HOSEA 2:5

An nu kha hlawhhlangnu a si ai, Annih a pawitu hna cu ningzah a hngal lomi, Aa thawh i, “A ka duhtu cu ka dawi ko hna lai; rawl le din awk le sahmul le laa le chiti le zihmui an ka pek paoh ahcun,” a timi kha a si.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

LEVITIKAS 17:7

Cucaah hlawhhlang an sihnawhmi meheh khuachia hna caah khan an raithawinak cu an that ti lai lo. Mah hihi an tefa chin tiang i an zungzal phung cu a si lai.

LEVITIKAS 20:4

Cun hi ram mi hna nih cu pa i a fa pakhat Molek a pek cu an i hngalhter duh lo i an thah lo ahcun,

LEVITIKAS 20:6

“Mi pakhatkhat nih khuavang le camhthiam kha a fuhpanh hna i hlawh a hlanhnawh hna ahcun, cu mi cu ka hmai ka chiathnawh lai i a mi hna lak in ka hlonh lai.