LEVITIKAS 20:3 - Lai (Hakha) Common Language Bible 2006

³ Cu pa cu ka hmai ka chiathnawh lai i a mi hna lakin ka hlonh lai, a fa pakhat cu ka hmunthiang thurhnawmhter awk le ka min thiang thurhnawmh awkah Molek kha a pek caah, ka hlonh hna lai.

LEVITIKAS 20:3 ပူးပေါင်းရင်းမြစ်များ

EXODUS 30:33

Hi bantuk chiti a sermi siseh, tlangbawi a si lomi thuhnak ca i hi chiti a hmangmi siseh, cu bantuk mi cu a phunhawi sinin thlei an si lai,’ tiah na chimh hna lai,” a ti.

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

EZEKIEL 5:11

Ka hmunthiang kha na phung ṭhalo le na thil fihnung in na thurhhnawmh caah zaangfahnak um loin kan hloh lai, tiah Bawipa Pathian nih ka min chalh in ka ti; nangmah cu kan zuah hrimhrim lai lo.

LEVITIKAS 15:31

“Cu bangin Israel mi hna cu an thian lonak in nan fimkanter hna lai, annih lak i a ummi keimah puan biakinn thurternak in an thih sual nakhnga lo,” a ti.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

LEVITIKAS 18:21

Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

LEVITIKAS 19:12

Ka min chalh in lih in chiat nan ser lai lo, mah cucu nan Pathian min thurhnawmhter a si; keimah cu Bawipa ka si.

LEVITIKAS 20:4

Cun hi ram mi hna nih cu pa i a fa pakhat Molek a pek cu an i hngalhter duh lo i an thah lo ahcun,

LEVITIKAS 21:6

An Pathian caah an thianghlim lai i an Pathian min cu an thurhhnawmhter lai lo, annih nih mei in thawinak hna Bawipa sinah an pekchanhmi an Pathian changreu cu an pekchanh caah an thianghlim lai.

LEVITIKAS 7:20

sihmanhsehlaw thian lonak a cung i a um lioah Bawipa daihnak thawinak pekchanhmi sa a eimi cu, cu mi cu a miphun sinin hlawt a si lai.

LEVITIKAS 7:21

Cun ahohmanh nih thil thianglo, minung thian lonak siseh, saram thianglo siseh, a thiang lomi thil fihnung zeipaoh siseh, a tawngh i Bawipa daihnak thawinak pekchanhmi sa a ei ahcun cu mi cu a miphun sinin hlawt a si lai.”

NAMBAR 19:13

Ahohmanh nih mithi aho ruak hmanh siseh, a tawngh i aa thianh lo ahcun, Bawipa puan biakinn kha a thurter; cu pa cu Israel mi sinin hlonh awk a si lai; thianhnak ti kha a cungah theh a si lo caah amah cu thianglo a si lai; a thian lonak cu a cungah a tang rih.

NAMBAR 19:20

“Sihmanhsehlaw thianglo a si i aa tleng lomi cu, cu mi cu aa pummi hna lakin hlonh a si lai, Bawipa hmunthiang kha a thurhhnawmhter caah; thianhnak ti kha a cungah theh a si lo caah amah cu thianglo a si.

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.

1 PETER 3:12

Zeicahtiah Bawipa nih a dingmi cu a mit in a ven hna i an thlacamnak kha a ngaih zungzal; Sihmanhsehlaw ṭhat lonak a tuahmi cu a doh hna.”