LEVITIKAS 20:24 - Lai (Hakha) Common Language Bible 2006

²⁴ Sihmanhsehlaw nannih sinah cun, ‘An ram cu nan co lai i nan co awkah kan pek hna lai, cawhnuk le khuaihliti in a luangmi ram cu,’ tiah ka ti. Keimah hi Bawipa nan Pathian, mi hna sinin an thleidangtu hna cu ka si.

LEVITIKAS 20:24 ပူးပေါင်းရင်းမြစ်များ

1 SIANGPAHRANG 8:53

Zeitintiah maw Bawipa, Pathian, nangmah nih kan pupa hna Izipt ram chungin na chuahpi hna tikah na sal Moses sinin na rak thanh cang bantuk khan, na ro si awkah vawleicung mi vialte hna lakin na rak thleidan cang hna,” tiah a ti.

EXODUS 13:5

Kanaan mi le Hit mi le Amor mi le Hiv mi le Jabus mi an umnak ram kha nanmah pek awkah Bawipa nih nan pupa cu fek tein bia a rak kamh hna. Cu ram cu ram rum le ram ṭha a si. Cu ram chung an phakpi hna tikah hi thla ṭhiamṭhiam ah hin hi phunglam hi nan ulh lai.

EXODUS 3:17

cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a ṭhatnak hmun a si,” a ti,’ tiah va chim hna.

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

EXODUS 33:1

Bawipa nih Moses kha a thawh i, “Hi hmun hin Izipt ram i na chuahpimi hna he khan chuak u law, Abraham le Isak le Jakob sinah, ‘Hi ram hi nan tefa ka pek hna lai,’ tiah bia ka kammi ram ah khan kal u.

EXODUS 33:16

A ngaingai ti ahcun, kan sin i na kal lo ahcun, na mi hna le keimah cungah Bawipa cu na lung a si ti kha mi nih zeiti hlei in dah an hngalh khawh lai? Nangmah nih na kan kalpi a si ahcun, na mi hna le keimah cu vawleicung midang vialte nakin na kan dawt khun a si lai,” a ti.

EXODUS 33:3

A ram a rum i a vawlei a ṭhami ram ah nan kal lai. Asinain keimah nih cun kan kalpi hna lai lo, zeicahtiah milungṭhawng nan si i lampi ah kan thah dih sual hna hnga,” a ti.

EXODUS 6:8

Chiatser tein Abraham le Isak le Jakob sinah kan pek hna lai ti in bia kaa kammi ram ah khan kan kalpi hna lai; cu ram cu nanmah ta ding hrimhrim ah kan pek hna lai. Kei cu Bawipa kha ka si,’ a ti, tiah na va chimh hrimhrim hna lai,” a ti.

LEVITIKAS 14:34

“Co awk i kan pekmi hna Kanaan ram chungah nan luh tikah, nan comi ram chung i inn pakhatkhat ah thinghmui zawtnak ka chiah ahcun,

LEVITIKAS 20:26

Nannih cu keimah caah mithiang nan si lai; zeitintiah keimah, Bawipa cu, ka thiang i nannih cu keimah ta nan si nakhnga, midang sinin kan thleidan hna.

JOHAN 15:19

Vawlei ta rak si u law cu, vawlei nih cun amah ta bantukin an dawt ko hna hnga. Sihmanhsehlaw keimah nih hi vawlei chung hin kan thim hna i amah ta nan si ti lo caah an huat hnanak cu a si.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

DEUTERONOMI 14:2

Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

DEUTERONOMI 7:6

“Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.