LEVITIKAS 20:2 - Lai (Hakha) Common Language Bible 2006

² “Israel mi lak in siseh, an sinah a pemmi khual hna lak in siseh, ahohmanh nih a fa zeihmanh kha Molek a pek ahcun amah cu thah a si lai; ram mi nih lung in an cheh lai.

LEVITIKAS 20:2 ပူးပေါင်းရင်းမြစ်များ

1 SIANGPAHRANG 11:7

Cun Solomon nih Jerusalem nichuahlei tlang ah khan Moab mi khuazing fihnung Khemosh le Ammon mi pathian fihnung Molek caah khan khuahrum bo a ser.

2 SIANGPAHRANG 17:17

Cun annih nih an fapale le an fanule hna cu thawinak caah an khangh hna i litin mangih le eih kha an hman, Bawipa mithmuh i thil ṭhalo tuah awkah khan an i zuar i a thin kha an phawh.

2 SIANGPAHRANG 23:10

Cun Hinnom fapa hna horkuang i a ummi Tofeth kha, khika ah ahohmanh nih an fapa si hna seh an fanu si hna seh, Molek sin i thawinak ah an pekchanh hna nakhnga lo, a thurhnawmhter.

2 CHANRELNAK 28:3

Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.

2 CHANRELNAK 33:6

Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.

SALM 106:38

a sual lomi an fanule le an fapale hna cu an thah hna i Kanaan mi siasal hna sinah khan raithawinak ah an pek hna; hi ti an thah hnanak nih hin vawlei kha a thurter.

JEREMIAH 32:35

Benhinnom Nelrawn ah Baal caah hmunthiang an ser hna i khika ah Molek sinah an fanu hna le an fapa hna kha an pek hna. Hi thil fihnung tuah awk hi le sualnak chungah Judah luhpi hi keimah sinin a chuakmi nawlbia a si lo i ka lunglai ah a chuak balmi zong a si lo.

JEREMIAH 7:31

Benhinnom nelrawn ah Tofeth biaknak hmunthiang kha an ser i khika ah an fapa hna le an fanu hna kha an khangh hna; mah cucu keimah pekmi nawlbia a si lo, ka lunglai chuak balmi zong a si lo.

EZEKIEL 20:26

Anmah le anmah kha siasal sin i laksawng an pekchanhnak thawngin ka thurhhnawmhter hna; an tuksa a purh khawh hna nakhnga, an siasal hna sinah khan an fapa upa bik hna kha ka pekter ko hna. Mah hihi ka tuahnak chan cu Bawipa ka si kha an hngalh nakhnga caah a si.

EZEKIEL 20:31

Nannih nih nan laksawng nan pekchanh hna le nan fapale hna cu raithawinak caah mei in nan khangh lengmang hna caah hin nan siasal hna sinah hin nihin ni tiangin nan i thurhhnawmh lengmang ko. Zeitindah nannih nih cun ka ruahnak cu nan ka hal khawh lai, maw Israel mi hna? Nan ka hal kho lai lo, tiah ka nun bangin ka chim,’ tiah Bawipa Pathian nih a ti.

EZEKIEL 23:37

Annih nih va cung in pa an i duh i an kut chungah thisen kha a um. Annih nih an siasal sinah khan va cung pa duhnak an tuah i an ka hrinpiakmi ka fale hna kha an siasal hna cu an rawl caah an pekchanh hna.

EZEKIEL 23:39

Ka hmunthiang chungah khan an lut i an siasal hna pekchanh awkah khan an fapale hna kha an thah hna caah ka hmunthiang cu an buar; mah hihi ka inn chung hrimhrim ah an tuah.

LEVITIKAS 17:13

Israel mi siseh, annih sin i a pemmi khual siseh, ahohmanh nih ram vaihnak ah ei awk a simi sa siseh, va siseh, a hmuhton ahcun a thi kha a zor lai i leidip in a khuh lai.

LEVITIKAS 17:15

Cun amah thih in a thimi siseh, sa nih a sehmi siseh, a eimi paoh cu anmah rammi a si ah khual a si ah, a thilpuan kha a suk hna lai i ti in aa kholh lai i zanlei tiang thianglo a si lai; cu hnuah cun a thiang lai.

LEVITIKAS 17:8

“Cun annih sinah, Israel inn-chungkhar chungmi siseh, annih lak i a pemmi siseh, ahohmanh khangh thawinak siseh, raithawinak siseh, a tuah i

LEVITIKAS 18:21

Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

LEVITIKAS 20:1

Bawipa nih Moses a chawnh i, Israel mi hna sinah hi bangin va chim, tiah a ti:

LEVITIKAS 20:27

Pa siseh, nu siseh, khuavang ngei maw camhthiam maw a si ahcun thah a si lai; lung in cheh an si lai; an thisen cu anmah cungah a si lai.”

LEVITIKAS 24:14

“Chiat a sertu cu riahhmun lengah chuahpi law, amah biachim a theitu vialte nih a lu cungah an kut chia hna seh, cun aa pummi vialte nih lung in chep hna seh.

LEVITIKAS 24:16

Bawipa min a vawlpammi cu thah a si lai; aa pummi vialte nih lung in an cheh lai: mipem a si zongah, laikhat mi a si zongah, Min cu a vawlhpamh ahcun thah a si ko lai, tiah chim hna,” a ti.

LEVITIKAS 24:23

Cu bangin Moses nih Israel mi cu a chimh hna i chiat sertu cu riahhmun lengah an chuahpi i lung in an cheh. Bawipa nih Moses nawl a pek bangin Israel mi nih an tuah.

LAMKALTU 7:43

Nannih nih nan i phorhmi thlam cu Molok pathian thlam kha a si i Nan i kalpimi milem cu nan pathian Refan arfi siasal kha a si; Annih cu nanmah nih biak awk caah nan ser chommi siasal an si. Cucaah nannih cu Babilon pinah kan kalter hna lai,’ tiin aa ṭial.

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

DEUTERONOMI 17:2

“Nanmah lakah, Bawipa nih an pekmi hna nan khua hna chungah, a biakamnak buarnak in Bawipa mithmuh ah thil ṭhalo kha a tuah i

DEUTERONOMI 18:10

Nannih lakah ahohmanh pekchanhnak caah a fapa siseh a fanu siseh a khaangmi nan um lai lo, litinthiam, bong zummi, mang ihthiam, eihthiam,

DEUTERONOMI 21:21

Khi tikah khuachung pa vialte nih lung in thi lakin an cheh lai; cuticun ṭhat lonak cu nan lakin nan thianh lai i Israel mi vialte nih an theih lai i an ṭih lai.

DEUTERONOMI 22:21

ngaknu cu a pa innka ah an kalpi lai i cu khua chung pa hna nih cun thi lakin lung in an cheh lai, a pa inn chungah hlawhhlangnu aa celhnak in Israel mi lakah hruhnak a tuah caah; cuticun nan lakin ṭhat lonak cu nan thianh lai.