LEVITIKAS 2:2 - Lai (Hakha) Common Language Bible 2006

² Aaron fapa hna tlangbawi hna sinah khan a rak put lai. Cun cu chung cun changvut dipmi le chiti cu a frankinsen vialte he pei khat in a lak lai; cun tlangbawi nih cun mah hi cu hngalh camcinnak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 2:2 ပူးပေါင်းရင်းမြစ်များ

NEHEMIAH 13:14

Keimah cu hi kongah hin ka hngal camcin ko, maw ka Pathian, cun ka Pathian inn ca le a rian ca i thil ṭha ka tuahmi hi hlo sawh hlah.

NEHEMIAH 13:22

Cun sabbath ni kha thiang tein umter awkah Levi mi hna kha, nan i thianh lai i nan ra lai i kutka kha nan cawngh hna lai, tiah nawl ka pek hna. Keimah ca ṭhatnak ding caah hi zong hi hngal camcin ko law, maw Pathian, a fekmi na dawtnak a ngan ningin ka zuah ko sawh.

EXODUS 30:16

Hi tangka cu Israel mi sin khan na lak lai i pumhnak thlam chung rianṭuannak caah khan na hman lai. Cu tangka nih cun Bawipa kha Israel mi cu a hngalhter ṭhan hna lai i cu tangka cu nan nunnak ca i nan pekmi kha a si,” a ti.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

LEVITIKAS 1:13

sihmanhsehlaw a chungril le a ke hna cu ti in a ṭawl hna lai. Cun tlangbawi nih a dihlak te cun a pek lai i biakṭheng cungah a khangh lai; khangh thawinak, mei in thawinak, Bawipa caah rimthaw a si lai.

LEVITIKAS 1:17

a thlaki a thlongh hna lai, sihmanhsehlaw a pum cu a cheu lai lo. Cun tlangbawi nih biakṭheng cungah cun, mei cung thing cungah cun a khangh lai; mah cucu khangh thawinak, mei in thawinak, Bawipa caah rimthaw cu a si.

LEVITIKAS 1:9

sihmanhsehlaw a chungril hna le a ke hna cu ti in an ṭawl hna lai. Cun tlangbawi nih a dihlak in khangh thawinak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 2:16

Cun tlangbawi nih hngalh camcinnak caah cun rialmi fang le chiti cawhmi a cheu cu, frankinsen a dihlak he, a khangh lai; mah cucu Bawipa sinah mei in thawinak a si.

LEVITIKAS 2:9

Cun tlangbawi nih changvut thawinak chung cun hngalh camcinnak kha a lak lai i biakṭheng cungah a khangh lai; mah cucu mei in thawinak, Bawipa caah rimthaw a si lai.

LEVITIKAS 24:7

Cun a tlang veve ah cun a thiangmi frankinsen na chiah lai, Bawipa sin i mei in pekchanhmi hngalh camcinnak ca changreu he cun an kai ṭi lai.

LEVITIKAS 4:31

Cun a thau vialte cu daihnak thawinak chungin a thau lak a si bang khan a lak dih lai i tlangbawi nih biakṭheng cungah Bawipa ca i rimthaw ah a khangh lai; cun tlangbawi nih a caah remnak a tuahpiak lai i ngaihthiam a si lai.

LEVITIKAS 5:11

“Sihmanhsehlaw ṭhuro pahnih siseh, laileng no pahnih siseh, a ngeih nih a tlinh lo ahcun, sualnak a tuahmi thawinak caah khan, sual thawinak caah changvut dip ephah cheu hra cheu khat a rak put lai; chiti a toih lai lo, frankinsen zong a toih lai lo, zeitintiah mah hi cu sual thawinak a si.

LEVITIKAS 5:12

Cun tlangbawi sinah a rak put lai i tlangbawi nih pei khat in a lak lai i biakṭheng cungah Bawipa sin i mei in thawinak cungah cun hngalh camcinnak ah a khangh lai; mah cucu sual thawinak a si.

LEVITIKAS 6:15

Cun pakhat nih changvut thawinak changvut dip cu pei khat in a lak lai, changvut thawinak cung i a ummi chiti le frankinsen vialte he, cun mah hihi hngalh camcinnak caah Bawipa ca i rimthaw ah biakṭheng cungah a khangh lai.

NAMBAR 5:18

Cun tlangbawi nih minu kha Bawipa hmaiah a dirter lai, a sam kha a phoih lai i a kut chungah hngalh ṭhannak changvut thawinak kha a chiah lai, mah cucu lunghrinnak changvut thawinak kha a si. Cun a kut in tlangbawi nih cun khaatnak ti, chiatnak a tluntertu cu, aa put lai.

NAMBAR 5:26

cun tlangbawi nih, cu changvut thawinak hngalh camcinnak caah cun, changvut thawinak cu pei khat in a lak lai i biakṭheng cungah a khangh lai i a hnuah nu cu ti kha a dinter lai.

LAMKALTU 10:4

Vancungmi kha thinphang ngaiin dengteo in a zoh i, “Zeidah, bawipa?” tiah a ti. Vancungmi nih cun a hun leh i, “Pathian nih na thlacamnak le misifak na bawmh hnanak kha an cohlanpiak i nangmah cu an philh lo.