LEVITIKAS 2:14 - Lai (Hakha) Common Language Bible 2006

¹⁴ “Bawipa sinah theitlai hmasa bik hna changvut thawinak nan pek ahcun, nan theitlai hmasa bik hna changvut thawinak caah cun a voi tharmi chungin lakmi, mei in reu i rialmi fang nan pek lai.

LEVITIKAS 2:14 ပူးပေါင်းရင်းမြစ်များ

GENESIS 4:3

Kain nih cun a lochung chuak cu Bawipa sinah laksawng ah a rak put hna.

2 SIANGPAHRANG 4:42

Baal-shalisha in mipa pakhat a ra i Pathian mi cu thlai thar, barli changreu tlang kul le rawl thar a sawngkhoi in a rak put. Cun Elisha nih, “Mi kha pe hna, ei hna seh,” tiah a ti.

LEVITIKAS 2:15

Cun chiti nan toih lai i frankinsen nan toih ve lai; mah cucu changvut thawinak pakhat a si.

LEVITIKAS 2:16

Cun tlangbawi nih hngalh camcinnak caah cun rialmi fang le chiti cawhmi a cheu cu, frankinsen a dihlak he, a khangh lai; mah cucu Bawipa sinah mei in thawinak a si.

LEVITIKAS 22:29

Lawmhnak thawinak Bawipa sinah nan pekchanh tikah nannih cu cohlan nan si nakhnga dingin nan thawi lai.

LEVITIKAS 23:10

“Israel mi hna sinah hi bangin va chim tuah, ‘Nannih kan pekmi hna ram chungah nan luh i a rawl nan ṭuan tikah, nan rawl ṭuanmi theitlai hmasa bik phal cu tlangbawi sinah nan ratpi lai,’

LEVITIKAS 23:13

Cun cu he a si ṭimi changvut thawinak cu changvut dip ephah cheu hra cheu hnih, chiti he cawhmi, Bawipa sinah mei in thawi awk rimthaw cu a si lai; cun cu he a si ṭimi thlet thawinak cu mitsur hang hin cheu li cheu khat a si lai.

LEVITIKAS 23:20

Tlangbawi nih theitlai hmasa bik changreu he cun Bawipa hmai i hninh thawinak caah cun tuufa pahnih he cun a hninh hna lai; Bawipa ca i a thiangmi, tlangbawi vo an si lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

NAMBAR 28:2

“Israel mi cu nawl pe hna law, hi bangin chim hna, ‘Keimah sinah pekchanhmi thil, mei in keimah sin i pekchanhnak ca i ka rawl rimthaw cu, amah caan te ah keimah sin i pekchanh awk kha nan i ralring lai.’

1 KORIN 15:20

Sihmanhsehlaw biatak cu hihi a si: Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai tinak aamahkhan a si.

DEUTERONOMI 26:2

Bawipa nan Pathian nih an pekmi hna nan ram chungin vawlei theitlai nan hmuh hmasa bikmi rawl chungin tlawmpal nan lak lai i, bawm ah nan rawn lai i, Bawipa nan Pathian nih a min umnak ah a thim laimi hmun ah cun nan kal lai.

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.