LEVITIKAS 2:13 - Lai (Hakha) Common Language Bible 2006

¹³ Nan changvut thawinak vialte cu cite nan phulh hna lai; nan Pathian he biakamnak cite cu nan changvut thawinak vialte chungin nan bauter lai lo; nan pekmi vialte sinah cite nan pek chih lai.

LEVITIKAS 2:13 ပူးပေါင်းရင်းမြစ်များ

2 CHANRELNAK 13:5

Bawipa, Israel Pathian nih Israel mi cung i siangpahrang sinak cu David le a fapa hna sinah zungzal ca in cite biakamnak in a pek cang ti kha hngalh awk nan si lo maw?

EZRA 7:22

ngun talen za khat tiang, changvut phor za khat tiang, mitsur hang bath za khat tiang, chiti bath za khat tiang, cun cite cu zeizat tinak um loin, fel tein nan rak tuah lai.

EXODUS 30:35

zihmui sertu nih a ser bangin zihmui ser tuah. Cite na thlah lai, a thiangmi le a zarhmi zihmui a si lai.

EZEKIEL 43:24

Bawipa hmaiah khan na pekchanh hna lai; tlangbawi nih cite an phulh hna lai i Bawipa ca i khanghthawinak caah an thawi hna lai.

NAMBAR 18:19

Israel mi nih Bawipa sinah an pekmi a thiangmi pekchanhnak vialte cu nangmah le na fapa hna le na fanu hna he nan hmuh camcin awkah kan pek; nangmah le na tefa hna caah cite in biakamnak Bawipa hmaiah a si zungzal lai,” tiah a ti.

MATTHAI 5:13

“Nannih cu vawlei cite nan si. Sihmanhsehlaw cite kha a alnak cu a loh ahcun, zeitindah alter khawh a si ṭhan ti lai? Santlaihnak kha a ngeih ti lo caah hlonh awk le lamh awk men a si ko cang.

KOLOSE 4:6

Nan biachim nan holhrel cu a zungzal in ngaih a nuammi le a ṭhami a si awk a si i ahopaoh kha zeitindah ka chawnh ah a ṭhat bik lai ti hngalh kha nan i zuam lai.