LEVITIKAS 19:32 - Lai (Hakha) Common Language Bible 2006

³² “Sam parmi hmaiah cun na dir lai i tar a simi hmai cu na upat lai, cun na Pathian cu na ṭih lai: keimah cu Bawipa ka si.

LEVITIKAS 19:32 ပူးပေါင်းရင်းမြစ်များ

GENESIS 31:35

Rachel nih a pa cu a thawh i, “Bawipa, na hmai i ka dir khawh lo caah hin ka cungah na thin hung hlah, nuphung ka hngalh lio a si caah a si,” a ti. Laban nih cun a kawl len hna nain a innchungkhar pathian tete cu a hmu kho hna lo.

GENESIS 48:12

Cun Josef nih Israel phei cung cun a ṭhial hna i a hmaiah cun a kun.

1 SIANGPAHRANG 2:19

Cucaah Bathsheba cu Solomon Siangpahrang sinah, Adonijah airawl in bia va chim awkah a kal. Cun siangpahrang cu amah ton awkah khan a tho i a hmaiah cun a kun; cun a bawi ṭhutdan cungah khan a ṭhu i siangpahrang bawipa nu caah cun ṭhutdan a rak putter hna i a orhlei kamah khan a ṭhu.

2 SIANGPAHRANG 17:36

sihmanhsehlaw Izipt ram chungin a nganmi ṭhawnnak le samhmi ban he an chuahpitu hna Bawipa kha cu nan ṭih lai; amah hmaiah nan kun lai i raithawinak nan pekchanh lai.

JOB 32:4

Annih cu amah nakin upa deuh an si caah Job sin i bia an chim ah khan Elihu cu chim loin aa sum.

JOB 32:6

Cucaah Buz mi Barakhel fapa Elihu nih cun aa thawh i, “Kei cu kum in a nomi ka si i nannih cu upa nan si, Cucaah kaa sum i nan hmai i ka hngalhnak langhter kha ka ṭih.

PHUNGTHLÛKBIA 16:31

Ṭuakpar hi sunparnak bawiluchin a si, nun a dingmi nih an hmuh.

PHUNGTHLÛKBIA 20:29

Tlangval hna an sunparnak cu an thazang hi a si, tar hna an i dawhnak cu an sam par hi a si.

PHUNGTHLÛKBIA 23:22

Nangmah an hringtu na pa kha a bia va ngai, na nu kha a tar tikah va serhsat hlah.

ISAIAH 3:5

Pakhat le pakhat an i rial lai. Mino nih upa kha an hmaizah hna lai lo i zeiruaramlo pawl nih khan an cung mi kha zeihmanh ah an rel hna lai lo.

ṬAHNAK HLA 5:12

Bawi hna cu an kut in thlai an si i upa nih upatnak an hmu lo.

LEVITIKAS 19:14

Hnachet cu va vawlpam hlah, mitcaw hmaiah tlukrilhnak thil va chia hlah, sihmanhsehlaw na Pathian cu va ṭih ko: keimah hi Bawipa cu ka si.

ROM 13:7

Cucaah nan pek awk a simi kha va pe hna u, nan pumpak ngunkhuai siseh, nan thilri ngunkhuai siseh, pe hna u; hmaizah awk cu hmaizah hna u, upat awk cu upat hna u.

1TIMOTE 5:1

Tar deuh cu va sica hna hlah. Na pa bantukin a lem tu in va lem hna. A no deuhmi kha na unau bantuk ah rel hna,

1 PETER 2:17

Mi vialte kha upat hna u, zumhnak i nan unau a simi kha daw hna u, Pathian kha ṭih u law Siangpahrang kha hmaizah u.