LEVITIKAS 19:28 - Lai (Hakha) Common Language Bible 2006

²⁸ Mithi hna ruangah nan taksa zeihmanh i at hlah u, nan pum cungah a ṭial zong i ṭial fawn hlah u: keimah cu Bawipa ka si.

LEVITIKAS 19:28 ပူးပေါင်းရင်းမြစ်များ

1 SIANGPAHRANG 18:28

Cun annih nih fak piin an au i an phung bantukin fei le nam in anmah le anmah cu an thi pawt thluahmah in an i chun an i at.

JEREMIAH 16:6

Hi ram ah hin mingan he mihme he an thi lai, sihmanhsehlaw vui an si lai lo i ahohmanh nih a ṭah zong an ṭah hna lai lo, anmah ruangah ahohmanh a ah zong an i at lai lo, an sam zong an i kawngh lai lo.

JEREMIAH 48:37

Annih nih an dihlak in an lu an i kawngh i an khahmul an i meh i an kut an i at i an tai ah buri an i venh.

LEVITIKAS 19:27

Nan bep sam nan i met lai lo, nan khahmul zong a par nan riam lai lo.

LEVITIKAS 19:29

“Na fanu cu hlawhhlangnu ah ser in thurter hlah, ram cu hlawhhlangnu sinak chungah, a tla lai i ṭhat lonak a khat sual lai.

LEVITIKAS 21:1

Cun Bawipa nih Moses cu a chawnh i hi bangin a ti: “Tlangbawi hna, Aaron fapa hna cu va chim hna law, annih lakah ahohmanh nih an mi hna lak i mithi ruangah i thurter hna hlah seh.

LEVITIKAS 21:11

mithi umnak ah a lut lai lo, a pa ruang hmanh ah siseh, a nu ruang hmanh ah siseh, aa thurter lai lo;

LEVITIKAS 21:5

An lukheng an i kolh lai lo, an khahmul par zong an riam lai lo, an taksa zong zeihmanh an at lai lo.

MARKA 5:5

Chun he zan he thlan lakah cun le tlang hna ah cun aa chawk lengmang i a au i lung khan aa cum aa deng lengmang.

JOHAN 20:25

Cucaah zultu dang nih khan, “Bawipa kha kan hmuh,” tiah an chimh. Thomas nih cun a thawh hna i, “A kut i thir hmaneh kha ka hmuh hna i cu thir hmaneh le a hnak kha ka kut in ka tawngh hna lo ahcun ka zum lai lo,” tiah a ti hna.

DEUTERONOMI 14:1

“Nannih cu Bawipa nan Pathian i fapa nan si; mithi caah nan i at lai lo i nan mittlang hmul zong nan i met lai lo.

BIAPHUAN 14:11

A hremtu hna mei a khu cu zungzal in a kai zungzal ko. Sahrang le a milem a biami le sahrang hmelchunhnak a ngeimi hna caah cun, chun zongah zan zongah lungdaih hnangamnak zeihmanh a um ti lo.

BIAPHUAN 14:9

Vancungmi pathumnak nih hmasa pahnih hna kha a hun zulh hna i aw fak piin, “Sahrang le a milem a bia i a hmelchunhnak kha a cal ah siseh a kut ah siseh a ngeimi paoh nih cun,

BIAPHUAN 15:2

Khua ka hei zoh i mei he cawhmi thlalang rili he, aa lomi kha ka hmuh. Cun a min, nambar in chimmi sahrang le a milem a teitu hna kha ka hmuh hna. Annih cu thlalang rilikam ah khan an dir i Pathian nih a pekmi hna tingtang kha an i put.

BIAPHUAN 16:2

Vancungmi pakhat cu a kal i a kanto cu vawlei ah khan a bungh. Sahrang hmelchunhnak a ngeimi hna le a milem a biami hna kha ṭih a nung ngaingaimi le a fak ngaingaimi hmachia nih a tlunh hna.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.